རོའི་ཊརཛ། སྤྱི་ཟླ་ ༡༢ པའི་ཚེས་ ༨ ལུ་ དྲོ་པའི་ཆུ་ཚོད་ ༥ དེ་ཅིག་ལས་ མཐའ་ཡས་ལེན་དང་ ཀམ་པོ་ཌི་ཡའི་བར་ན་ རྩོད་རྙོག་ཅན་གྱི་ ས་མཚས་ཁར་ ས་གནས་ཁག་ལེ་ཤ་ཅིག་ནང་ མཐའ་ཡས་ལེན་གྱིས་ མཁའ་དམག་ཐོག་ལས་ གནོད་འཚུབ་བཀལ་ཡོདཔ་ད་ དེ་བསྒང་ མཐའ་ཡས་ལེན་གྱི་ དམག་མི་ ༡ ལུ་ ཤི་རྐྱེན་བྱུང་པའི་ཁར་ གཞན་མི་ ༨ ལུ་ཡང་ རྨ་སྐྱོན་བྱུང་ནུག། རྒྱལ་ཁབ་ཕྱི་ནང་ ༢ ཀྱི་ གནས་ཚུལ་ཚུ་ ཁ་གསལ་སྦེ་ གཟིགས་འདོད་ཡོད་མི་ཚུ་གིས་ འགྲུལ་འཕྲིན་ཨང་ ༡༧༡༡༡༡༠༧ ཐོག་ལུ་ འབྲེལ་བ་འཐབ་གནང་།
བི་བི་སི།སྤྱི་ཟླ་ ༡༢ པའི་ཚེས་ ༦ གི་དྲོ་པ་ ལྷོ་ཨཕ་རི་ཀ་ལུ་ པེ་རེ་ཊོ་རི་ཡའི་ ནུབ་ཕྱོགས་ཁྲོམ་སྡེ་ ས་འཱུལ་སི་ཝི་ལེ་ཟེར་སར་ ཉལ་ཁྱིམ་ཅིག་ནང་ ཀྲོབ་མདའ་འབག་མི་ སྡེ་ཚན་ཅིག་གིས་ ཀྲོབ་མདའ་གར་ལྷོད་ རྐྱབ་ཡོདཔ་ལས་ མི་གྲངས་ ༡༡ ལུ་ ཤི་རྐྱེན་དང་ ༡༤ ལུ་ རྨ་སྐྱོན་བྱུང་ནུག། རྒྱལ་ཁབ་ཕྱི་ནང་ ༢ ཀྱི་ གནས་ཚུལ་ཚུ་ ཁ་གསལ་སྦེ་ གཟིགས་འདོད་ཡོད་མི་ཚུ་གིས་ འགྲུལ་འཕྲིན་ཨང་ ༡༧༡༡༡༡༠༧ ཐོག་ལུ་ འབྲེལ་བ་འཐབ་གནང་།
བི་བི་སི།སྤྱི་ཟླ་ ༡༢ པའི་ཚེས་ ༦ ལུ་ དབང་འཛིན་ཚུ་གིས་ བཤད་དོ་བཟུམ་འབད་བ་ཅིན་ པ་ཀིཛ་ཏཱན་དང་ ཨཕ་གྷ་ནིཛ་ཏཱན་གྱི་ ཏ་ལི་བཱན་ དམག་སྡེའི་བར་ན་ ས་མཚམས་ཁར་ འཐབ་འཛིང་ལང་པའི་ཤུལ་ལུ་ ཁ་གྱེས་ཡོད་རུང་ འཐབ་འཛིང་དེ་གི་སྐོར་ལས་ ཕྱོགས་གཉིས་ཆ་ར་གིས་ གཅིག་གིས་གཅིག་ལུ་ ཁ་ཉེས་བཀལ་ཡོདཔ་ཨིན་པས། རྒྱལ་ཁབ་ཕྱི་ནང་ ༢ ཀྱི་ གནས་ཚུལ་ཚུ་ ཁ་གསལ་སྦེ་ གཟིགས་འདོད་ཡོད་མི་ཚུ་གིས་ འགྲུལ་འཕྲིན་ཨང་ ༡༧༡༡༡༡༠༧ ཐོག་ལུ་ འབྲེལ་བ་འཐབ་གནང་།
ཨེན་ཌི་ཊི་ཝི།ར་ཤི་ཡའི་སྲིད་འཛིན་ ཝ་ལ་ཌི་མིར་ པུ་ཊིན་དེ་ རྒྱ་གར་ལུ་ ཉིན་གྲངས་ ༢ ཀྱི་ གཞུང་དོན་གཟིགས་སྐོར་ལུ་ བྱོན་ཡོདཔ་བཞིན་དུ་ སྤྱི་ཟླ་ ༡༢ པའི་ཚེས་ ༥ གི་དྲོ་པར་ རྒྱ་གར་རྒྱལ་ཁབ་ནང་ ཕེབས་པའི་སྐབས་ལུ་ རཱཤ་ཏ་ར་པ་ཏི་བྷ་ཝཱན་ནང་ རྒྱ་གར་གྱི་སྲིད་འཛིན་ ཌའུ་པ་ཏི་མུར་མུ་དང་ བློན་ཆེན་ན་རེན་ད་ར་མོ་དི་ ཕྱི་འབྲེལ་བློན་པོ་ ཨེཛ་ཇ་ཡེ་ཤང་ཀར་ སྲུང་སྐྱོབ་གཙོ་འཛིན་ དམག་སྤྱི་ཨ་ནིལ་ཅའུ་ཧཱན་ཚུ་གི་ སྐུ་མདུན་ལུ་སྦེ་ དྲག་དམག་ཚུ་གིས་ བསྟི་སྭ་ཞུ་ནུག། རྒྱལ་ཁབ་ཕྱི་ནང་ ༢ ཀྱི་ གནས་ཚུལ་ཚུ་ ཁ་གསལ་སྦེ་ གཟིགས་འདོད་ཡོད་མི་ཚུ་གིས་ འགྲུལ་འཕྲིན་ཨང་ ༡༧༡༡༡༡༠༧ ཐོག་ལུ་ འབྲེལ་བ་འཐབ་གནང་།
ཨེ་བི་སི།སྤྱི་ཟླ་ ༡༢ པའི་ཚེས་ ༤ ལུ་ དབང་འཛིན་ཚུ་གིས་ བཤད་དོ་བཟུམ་འབད་བ་ཅིན་ འདས་པའི་བདུན་ཕྲག་ནང་ ཨེ་ཤི་ཡའི་ རྒྱལ་ཁབ་ཁག་གི་ ས་གནས་ཚུ་ནང་ ཆུ་རུད་དང་ ས་རུད་ཀྱི་ རྐྱེན་ངན་ལུ་བརྟེན་ཏེ་ ཤི་རྐྱེན་བྱུང་མིའི་ གྱངས་ཁ་དེ་ ༡,༥༠༠ ལྷགཔ་ཅིག་ལུ་ ཡར་སེང་སོང་ནུག་ཟེར་ཨིན་པས། རྒྱལ་ཁབ་ཕྱི་ནང་ ༢ ཀྱི་ གནས་ཚུལ་ཚུ་ ཁ་གསལ་སྦེ་ གཟིགས་འདོད་ཡོད་མི་ཚུ་གིས་ འགྲུལ་འཕྲིན་ཨང་ ༡༧༡༡༡༡༠༧ ཐོག་ལུ་ འབྲེལ་བ་འཐབ་གནང་།
བི་བི་སི། མེ་ཊ་ལས་སྡེ་གིས་ ཨཱཛ་ཊེ་ལི་ཡ་ལུ་ ཨ་ལོ་ན་ཆུང་ སྐྱེས་ལོ་ ༡༦ མན་ཆད་ཀྱི་དོན་ལས་ མི་སྡེ་བརྡ་བརྒྱུད་ ཨིནཛ་ཊེ་ག་རམ་དང་ ཕེཛ་བུག་ ཐེ་རེཌཛ་ཟེར་མི་ཚུ་ བཀག་དམ་འབད་ནི་གི་ ལཱ་འགོ་བཙུགས་ནུག། རྒྱལ་ཁབ་ཕྱི་ནང་ ༢ ཀྱི་ གནས་ཚུལ་ཚུ་ ཁ་གསལ་སྦེ་ གཟིགས་འདོད་ཡོད་མི་ཚུ་གིས་ འགྲུལ་འཕྲིན་ཨང་ ༡༧༡༡༡༡༠༧ ཐོག་ལུ་ འབྲེལ་བ་འཐབ་གནང་།
བི་བི་སི།མཐའ་ཡས་ལེན་ རྒྱལ་ཁབ་ནང་ བལྟ་བཤལ་ལས་སྡེ་ཚུ་ ཡར་དྲག་གཏང་ཐབས་ལུ་ ལོ་ངོ་བཅུ་ཕྲག་མང་རབས་ཅིག་རིང་ལུ་ ཉིན་མར་ཆང་གི་རིགས་ཚུ་ བཙོང་མ་ཆོགཔ་སྦེ་ བཀག་དམ་འབད་དེ་ཡོད་མི་དེ་ ད་རེས་ནངས་པར་ གནས་སྐབས་ཅིག་གི་རིང་ལུ་ ཆ་མེད་བཏང་ནུག། རྒྱལ་ཁབ་ཕྱི་ནང་ ༢ ཀྱི་ གནས་ཚུལ་ཚུ་ ཁ་གསལ་སྦེ་ གཟིགས་འདོད་ཡོད་མི་ཚུ་གིས་ འགྲུལ་འཕྲིན་ཨང་ ༡༧༡༡༡༡༠༧ ཐོག་ལུ་ འབྲེལ་བ་འཐབ་གནང་།
བི་བི་སི། སྤྱི་ཟླ་ ༡༢ པའི་ཚེས་ ༣ ལུ་ རྒྱ་གར་དབུས་གཞུང་གིས་ བཤད་དོ་བཟུམ་འབད་བ་ཅིན་ སྤྱི་ལོ་ ༢༠༢༢ ལས་ ༢༠༢༤ ཚུན་གྱི་བར་ན་ རྒྱ་གར་གྱི་རྒྱལ་ས་ དིལླི་ལུ་ བཙོག་རླུང་གི་གནས་ཚད་ ཡར་སེང་འགྱོ་མི་ལུ་བརྟེན་ཏེ་ གཞུང་གི་སྨན་ཁང་ ༦ གི་ནང་ དབུགས་གཏོང་ལེན་གྱི་ ནད་གཞི་ཚབས་ཆེན་ཐོབ་མི་ ༢༠༠,༠༠༠ ལྷགཔ་ཅིག་ ཐོ་བཀོད་འབད་ཡི་ཟེར་ཨིན་པས། དེ་ཡང་ དིལླི་དང་ ཉེ་འདབས་ཀྱི་ ཁྲོམ་ཟུར་ཚུ་ནང་ ལོ་ངོ་ ༣ གྱི་ ནང་འཁོད་ལུ་ དབུགས་གཏོང་ལེན་གྱི་ ནད་གཞི་ཐོབ་མི་ ༣༠,༠༠༠ ལྷགཔ་ཅིག་ སྨན་ཁང་ནང་ བཞག་དགོཔ་བྱུང་ཡི་ཟེར་ཨིནམ་ད་ དེ་བཟུམ་མའི་ དཀའ་ངལ་ཚུ་ཡང་ དམིས་བསལ་གྱིས་ གནམ་དགུན་གྱི་སྐབས་ལུ་ འབྱུང་དོ་ཡོདཔ་སྦེ་བཀོད་ནུག། རྒྱལ་ཁབ་ཕྱི་ནང་ ༢ ཀྱི་ གནས་ཚུལ་ཁ་གསལ་སྦེ་ གཟིགས་འདོད་ཡོད་མི་ཚུ་གིས་ འགྲུལ་འཕྲིན་ཨང་ ༡༧༡༡༡༡༠༧ ཐོག་ལུ་ འབྲེལ་བ་འཐབ་གནང་།
ཨཱལ་ཇ་ཟི་ར། སྤྱི་ཟླ་ ༡༢ པའི་ཚེས་ ༣ ལུ་ ར་ཤི་ཡའི་ འགོ་དཔོན་ཅིག་གིས་ བཤད་དོ་བཟུམ་འབད་བ་ཅིན་ མོཛ་ཀོ་ལུ་ ཡུ་ཨེཛ་གི་ ཆེ་མཐོའི་འགོ་དཔོན་ཚུ་དང་ ར་ཤི་ཡའི་སྲིད་འཛིན་ པུ་ཊིན་གྱི་བར་ན་ ཡུ་ཀེ་རེན་དང་ ར་ཤི་ཡའི་ ཕྱད་མདའ་དེ་ མཇུག་བསྡུ་དགོ་པའི་སྐོར་ལས་ གསུང་གྲོས་ཚུ་ གནང་ཡོད་རུང་ ཡུ་ཀེ་རེན་གྱི་ས་ཁོངས་ ར་ཤི་ཡ་གིས་ དབང་ཁྱབ་འབད་མི་དང་འབྲེལ་ཏེ་ མོས་མཐུན་བྱུང་མ་ཚུགས་ཟེར་ཨིན་པས། རྒྱལ་ཁབ་ཕྱི་ནང་ ༢ ཀྱི་ གནས་ཚུལ་ཁ་གསལ་སྦེ་ གཟིགས་འདོད་ཡོད་མི་ཚུ་གིས་ འགྲུལ་འཕྲིན་ཨང་ ༡༧༡༡༡༡༠༧ ཐོག་ལུ་ འབྲེལ་བ་འཐབ་གནང་།
ཨེ་བི་སི། སྤྱི་ཟླ་ ༡༢ པའི་ཚེས་ ༡ ལུ་ འགོ་དཔོན་ཚུ་གིས་ བཤད་དོ་བཟུམ་འབད་བ་ཅིན་ པ་ཀིཛ་ཏཱན་གྱི་ ནུབ་བྱང་ཁ་ཐུག་ལུ་ ཨཕ་གྷ་ནིཛ་ཏཱན་དང་ མཐུན་སྦྲེལ་ཡོད་མི་ ས་མཚམས་ཁར་ རང་སྲོག་བཅད་ཐོག་ལས་ རྫས་བམ་ཅིག་ འགས་བཅུག་མིའི་ནང་ ཁྲིམས་སྲུང་འགག་སྡེའི་ འགོ་དཔོན་ཅིག་ལུ་ ཤི་རྐྱེན་བྱུང་ཡོདཔ་མ་ཚད་ གཞན་མི་ལེ་ཤ་ཅིག་ལུ་ཡང་ རྨ་སྐྱོན་བྱུང་ནུག་ཟེར་ཨིན་པས། རྒྱལ་ཁབ་ཕྱི་ནང་ ༢ ཀྱི་ གནས་ཚུལ་ཁ་གསལ་ཚུ་ གློག་རིག་སྒྲིག་བཀོད་ (PDF) ཐོག་ལུ་ གཟིགས་འདོད་ཡོད་མི་ཚུ་གིས་ འགྲུལ་འཕྲིན་ཨང་ ༡༧༡༡༡༡༠༧ ཐོག་ལུ་ འབྲེལ་བ་འཐབ་གནང་།
