སྐྱབས་རྗེ་རིན་པོ་ཆེ་མཆོག་གིས་ དགེ་ལེགས་ཕུག་ དྲན་ཤེས་ཁྲོམ་ཚོགས་ནང་ བྱང་ཆུབ་མཆོད་རྟེན་ ༡༠༨ བཞེངས་གནང་ནི་གི་ ལས་འགུལ་ལུ་ མ་དངུལ་གྱི་ རྒྱབ་སྐྱོར་གནང་ཡོདཔ།
སྐྱབས་རྗེ་རྗེ་མཁན་རིན་པོ་ཆེ་མཆོག་གིས་ ཐིམ་ཕུ་ཀུན་གསལ་ཕོ་བྲང་ལུ་ དཀྱིལ་འཁོར་རྡོ་རྗེ་འཕྲེང་བའི་ བཀའ་དབང་དང་ བཀའ་ཁྲིད་གནང་སར་ ཧེ་མ་ལས་ མི་སེར་ལེ་ཤ་ཅིག་ སྤུངས་འཛོམས་འབད་དེ་ཡོད་པའི་གུ་ རང་ཟླ་ ༥ པའི་ཚེས་ ༡༠ སྤྱི་ཟླ་ ༦ པའི་ཚེས་ ༢༤ ལུ་ སྤྲེལ་ཟླ་ཚེས་བཅུ་ཟེར་ ཨྱོན་གུ་རུ་རིན་པོ་ཆེ་ སྐུ་འཁྲུངས་པའི་ དུས་ཆེན་ཁྱད་པར་ཅན་ལུ་ གཞུང་གི་ངལ་གསོ་ཨིནམ་ལས་ ཨ་རྟག་དང་མ་འདྲ་བའི་ མི་སེར་ཁྲི་ཕྲག་ལས་བཅད་དེ་ སྤུངས་འཛོམས་འབད་ནུག། དེ་འབཝད་ལས་ ཀུན་གསལ་ཕོ་བྲང་དེ་ སྨོན་ལམ་དང་ དད་དམ་ རེ་འདུན་རྒྱ་མཚོ་འཁྱིལ་བའི་ ས་གོ་བྱིན་ལྡན་ཅིག་ལུ་ གྱུར་ཡོདཔ་ད་ དེ་ཚེ་དྲོ་པ་ སྐྱབས་རྗེ་རྗེ་མཁན་རིན་པོ་ཆེ་མཆོག་གིས་ དགེ་ལེགས་ཕུག་ དྲན་ཤེས་ཁྲོམ་ཚོགས་ནང་ བྱང་ཆུབ་མཆོད་རྟེན་ ༡༠༨ བཞེངས་གནང་ནི་གི་ ལས་འགུལ་ལུ་ མ་དངུལ་གྱི་ རྒྱབ་སྐྱོར་གནང་ཡོདཔ་ཨིན་པས། དེ་ཡང་ ཀུན་གསལ་ཕོ་བྲང་ལུ་ བཀའ་དབང་དང་ བཀའ་ཁྲིད་གནང་ནི་དང་ སྤྲེལ་ཟླ་ཚེས་བཅུ་ཟུང་འབྲེལ་གྱི་ དུས་སྐབས་ནང་ དེ་བཟུམ་མའི་ རྒྱབ་སྐྱོར་གནང་མི་དེ་ ག་ནི་བ་ཡང་ རྟེན་འབྲེལ་ཁྱད་པར་ཅན་ཅིག་ཨིན་པའི་ ཐུགས་བཞེད་གནང་ནུག། བྱང་ཆུབ་མཆོད་རྟེན་ ༡༠༨ […]
