མི་དབང་ཞབས་དང་ མི་དབང་རྒྱལ་བཙུན་མཆོག་ རྒྱ་གར་ལུ་ གཞུང་འབྲེལ་གཟིགས་སྐོར།
སྤྱི་ཟླ་ ༡༢ པའི་ཚེས་ ༥ ལུ་ མི་དབང་མངའ་བདག་རིན་པོ་ཆེ་དང་ མི་དབང་རྒྱལ་བཙུན་མཆོག་ རྒྱ་གར་དིལླི་ལུ་ ཉིན་གྲངས་ ༢ ཀྱི་དོན་ལས་ གཞུང་འབྲེལ་གཟིགས་སྐོར་ལུ་ ཆིབས་བསྐྱོད་གནང་ཡི།དེ་ཚེ་ མི་དབང་མངའ་ཞབས་དང་ མི་དབང་རྒྱལ་བཙུན་མཆོག་གིས་ རྒྱ་གར་གྱི་བློན་ཆེན་ ན་རེན་ད་ར་ མོ་དི་དང་གཅིག་ཁར་ ཁོ་གི་གཞུང་འབྲེལ་གཟིམ་ཅུང་ ལོག་ཀཱལ་ཡན་མཱག་ནང་སྦེ་ མཇལ་ཕྲད་མཛད་གནང་ཡོདཔ་མ་ཚད་ བློན་ཆེན་མོ་དི་གིས་ ཉིན་མའི་གསོལཝ་ཅིག་ཡང་དྲངས་ནུག།མི་དབང་རིན་པོ་ཆེ་དང་ མི་དབང་རྒྱལ་བཙུན་མཆོག་ དིལླི་གནམ་ཐང་ནང་ ཕེབས་པའི་སྐབས་ལུ་ རྒྱ་གར་གྱི་ ཕྱི་འབྲེལ་བློན་པོ་ ཌོག་ཊར་ཨེཛ་ ཇའི་ཤང་ཀར་གྱིས་ ཕེབས་བསུ་ཞུ་ཡོདཔ་ད་ དེ་ཚེ་ཉིན་མར་ ཌོག་ཊར་ཨེཛ་ ཇའི་ཤང་ཀར་དང་ རྒྱ་གར་གྱི་ རྒྱལ་ཡོངས་སྲུང་སྐྱོབ་གྲོས་དཔོན་ ཨ་ཇིཊ་དོ་བཱལ་གྱིས་ མི་དབང་ མཆོག་གི་ སྐུ་མདུན་ལུ་ བཅར་ཡོདཔ་ཨིན་པས།མི་དབང་མངའ་བདག་རིན་པོ་ཆེ་མཆོག་གི གཟིགས་སྐོར་དེ་གིས་ རྒྱ་འབྲུག་ ༢ ཀྱི་བར་ན་ དུས་རྒྱུན་གྱི་ ཐུགས་འཆར་བརྗེ་སོར་དང་ ཁྱད་དུ་འཕགས་པའི་ མཐུན་ལམ་དང་ མཉམ་འབྲེལ་ཚུ་ སྔར་བ་ལྷགཔ་སྦེ་ རྩ་བརྟན་འགྱོ་བའི་ བརྡ་མཚོན་སྟོནམ་ཨིན་པའི་གནས་ཚུལ།
