Category: Special News

མི་དབང་མངའ་ཞབས་མཆོག་གིས་ རྒྱ་གར་གྱི་ ས་མཚམས་འཁོར་ལམ་གྱི་ ཡོངས་ཁྱབ་མདོ་ཆེན་དང་མཇལ་ཕྲད།

སྤྱི་ཟླ་ ༧ པའི་ཚེས་ ༢༩ ལུ་ མི་དབང་མངའ་བདག་རིན་པོ་ཆེ་མཆོག་གིས་ རྒྱ་གར་གྱི་ སྲུང་སྐྱོབ་ལྷན་ཁག་ ས་མཚམས་འཁོར་ལམ་གྱི་ ཡོངས་ཁྱབ་མདོ་ཆེན་ གུང་བློན་ར་གུ་སི་རི་ནི་ཝ་སན་དང་ མཇལ་ཕྲད་མཛད་གནང་ནུག། ས་མཚམས་འཁོར་ལམ་གྱིས་ རྒྱ་གར་གྱི་ ས་མཚམས་བདའ་སྟེ་དང་ ཁྱིམ་ཚང་རྒྱལ་ཁབ་ དག་པ་ཅིག་གི་ འཁོར་ལམ་ཡོངས་འབྲེལ་ཚུ་ གོང་འཕེལ་བཏང་སྟེ་ རྒྱུན་སྐྱོང་འཐབ་དོ་ཡོདཔ་ཨིན་པས། དེ་ཡང་ ས་མཚམས་འཁོར་ལམ་གྱི་ འཛིན་སྐྱོང་ལས་འགུལ་ དཱན་ཏག་དེ་ སྤྱི་ལོ་ ༡༩༦༡ ལུ་ གཞི་བཙུགས་འབད་ཡོད་པའི་གནས་ཚུལ།

July 30, 2025

Special News

མི་དབང་མངའ་བདག་རིན་པོ་ཆེ་མཆོག་གིས་ འབྲུག་གི་ཁྲིམས་སྤྱི་བློན་པོ་ གསར་བསྐོས་ཐོག་ལུ་ བཀྲིས་ལེགས་དར།

སྤྱི་ཟླ་ ༧ པའི་ཚེས་ ༢༣ ལུ་ མི་དབང་མངའ་བདག་རིན་པོ་ཆེ་མཆོག་གིས་ འབྲུག་གི་ཁྲིམས་སྤྱི་བློན་པོ་ གསར་བསྐོས་ཐོག་ལུ་ བདག་རྐྱེན་གྱི་ བཀྲིས་ལེགས་དར་གནང་ཡོདཔ་ད་ དེ་བཟུམ་སྦེ་ ཀུ་ཝེཊ་ལུ་ འབྲུག་གི་གཞུང་ཚབ་དང་ ཇི་ནི་ཝ་ འཛམ་གླིང་སྤྱི་ཚོགས་ནང་ གཏན་འཇགས་སྐུ་ཚབ་ཚུ་ཡང་ བསྐོ་བཞག་ཐོག་ལས་ བཀྲིས་ལེགས་དར་གནང་ནུག། འབྲུག་གི་ཁྲིམས་སྤྱི་བློན་པོ་གསརཔ་འདི་ མངོན་མཐོ་ཁྲིམས་འདུན་གྱི་དྲང་དཔོན་ ནོར་བུ་ཚེ་རིང་ཨིནམ་ད་ ཀུ་ཝེཊ་ལུ་ འབྲུག་གི་གཞུང་ཚབ་དེ་ ཐིམ་ཕུ་རྫོང་བདག་སྦེ་ ཕྱག་ཞུ་མི་ ཕུབ་རྡོ་རྗེ་དང་ དེ་ལས་ ཇི་ནི་ཝ་ འཛམ་གླིང་སྤྱི་ཚོགས་ནང་ འབྲུག་གི་གཏན་འཇགས་སྐུ་ཚབ་དེ་ ཚེ་རིང་ལྷ་སྒྲོན་ཨིན་པས། ཚེ་རིང་ལྷ་སྒྲོན་དེ་ ཕྱི་འབྲེལ་དང་ ཕྱིར་ཚོང་ལྷན་ཁག་ དཔལ་འབྱོར་དང་ འཕྲུལ་རིག་སྲིད་དོན་ལས་ཁུངས་ཀྱི་ མདོ་ཆེན་སྦེ་ ཕྱག་ཞུ་ཡོད་པའི་གནས་ཚུལ།

July 24, 2025

Special News

རྡོ་རྗེ་སློབ་དཔོན་སྐུ་བགྲེས་ཞིང་གཤེགས་ ཡོན་ཏན་རྒྱལ་མཚན་མཆོག་གི་སྤུར་སྦྱང་།

སྤྱི་ཟླ་ ༧ པའི་ཚེས་ ༡༨ ལུ་ སྐྱབས་རྗེ་རྗེ་མཁན་རིན་པོ་ཆེ་མཆོག་གིས་ སྤུ་ན་ཁ་ ན་ལེཎྜ་ལུ་སྦེ་ རྡོ་རྗེ་སློབ་དཔོན་སྐུ་བགྲེས་ཞིང་གཤེགས་ ཡོན་ཏན་རྒྱལ་མཚན་མཆོག་གི་ སྤུར་སྦྱང་མཛད་གནང་ཡོདཔ་ད་ སྤུར་སྦྱང་དེ་ནང་ མི་དབང་མངའ་བདག་རིན་པོ་ཆེ་དང་ མི་དབང་འབྲུག་རྒྱལ་བཞི་པ་མཆོག་གིས་ དབུ་གཙོས་པའི་ མི་དབང་རྒྱལ་བཙུན་མཆོག་དང་ མི་དབང་སྐུ་འཁོར་ལྷན་རྒྱས་ཚུ་ བྱོན་ཡོདཔ་ཨིན་པས།བཅོམ་ལྡན་འདས་ རྡོ་རྗེ་མི་འཁྲུགས་པའི་སྒོ་ལས་ སྤུར་སྦྱང་གི་ གསུང་ཆོག་དེ་ གཞུང་གྲྭ་ཚང་གི་ རྡོ་རྗེ་སློབ་དཔོན་མཆོག་དང་ ཡོན་ཏན་སློབ་དཔོན་སྐུ་བགྲེས་ སྤྲུལ་སྐུ་འཕྲིན་ལས་མཆོག་ རབ་སྡེ་ཁག་གི་ བླམ་གནས་བརྟན་ཚུ་དང་ བཤད་གྲྭ་ཁག་གི་ མཁན་པོ་ཚུ་ དེ་ལས་ ན་ལེཎྜ་བཤད་གྲྭའི་ བླ་སློབ་དང་ དགེ་སློང་ཚུ་གིས་གནང་ནུག།དེ་བསྒང་ གཞུང་གྲྭ་ཚང་གི་ སློབ་དཔོན་ལྷན་རྒྱས་རྣམས་དང་ ལྷན་རྒྱས་གཞུང་ཚོགས་ཀྱི་ བློན་པོ་ལྷན་རྒྱས་ཚུ་དང་ གཞུང་གི་དཔོན་ཁག་ཚུ་ བྱོན་ཡོདཔ་མ་ཚད་ མི་སེར་ཚུ་གིས་ཡང་ གྲལ་གཏོགས་འབད་ཡོད་པའི་གནས་ཚུལ།

July 19, 2025

Special News

དགེ་ལེགས་ཕུག་ རྒྱལ་སྤྱི་གནམ་ཐང་ བཟོ་བསྐྲུན་གྲ་སྒྲིག་གི་ལཱ་ནང་ ཁས་བླངས་པ་ལེ་ཤ་ཅིག་འོང་ཡོདཔ།

པདྨ་དབང་འདུས། སྤྱི་ཟླ་ ༧ པའི་ཚེས་ ༡༢ ལུ་ དགེ་ལེགས་ཕུག་ རྒྱལ་སྤྱི་གནམ་ཐང་ བཟོ་བསྐྲུན་གྲ་སྒྲིག་གི་ལཱ་ནང་ གྲལ་གཏོགས་ཀྱི་དོན་ལས་ གསར་སྤང་རྫོང་ཁག་དང་ འབྲུག་མཐའ་དབུས་མེད་པའི་ ས་ཁོངས་ཚུ་ལས་ མི་སེར་ལེ་ཤ་ཅིག་ ཁས་བླངས་ཐོག་ལུ་ ལཱ་འབད་བར་འོང་ནུག།. ཁས་བླངས་པ་ཚུ་གི་གྲས་ཁར་ གསར་སྤང་རྫོང་ཁག་གི་ ལུང་ཕྱོགས་ཡིག་ཚང་དང་ སློབ་གྲྭ་ ལས་ཚོགས་དང་ ཚོང་འབྲེལ་ལས་ཁང་ཚུ་ལས་ མི་གྲངས་ ༡,༦༠༠ ལྷགཔ་ཅིག་གིས་ མི་དབང་མངའ་བདག་རིན་པོ་མཆོག་དང་ མི་དབང་རྒྱལ་བཙུན་ མི་དབང་སྲས་སྲོས་ དེ་ལས་ རྒྱལ་སྲུངཔ་དང་ བདེ་སྲུངཔ་ ༡,༥༠༠ ལྷགཔ་ཅིག་དང་གཅིག་ཁར་ ལས་འགུལ་གྱི་རྒྱབ་སྐྱོར་ལུ་ ཞབས་ཏོག་གི་ ལཱ་ཚུ་འབད་དོ་ཡོདཔ་ཨིན་པས། དེ་མ་ཚད་ མི་རྗེ་བློན་ཆེན་དང་ ལྷན་རྒྱས་གཞུང་ཚོགས་ཀྱི་ བློན་པོ་ཚུ་ དེ་ལས་ གཞུང་གི་འགོ་དཔོན་ཚུ་གིས་ཡང་ འབྲུག་བཞུགས་སྐུ་ཚབ་ཚུ་དང་ རྒྱལ་སྤྱིའི་ལས་སྡེ་ཁག་གི་ འགོ་འཛིན་ཚུ་གིས་གཙོས་པའི་ སྡེ་ཚན་ཚུ་གིས་ཡང་ བརྩོན་ཤུགས་དེ་ནང་ གྲལ་གཏོགས་འབད་དེ་ཡོདཔ་སྦེ་བཀོད་ནུག། དགེ་ལེསག་ཕུག་ལུ་ ད་རེས་ གནམ་བྱཱར་གྱི་ དུས་ཚོད་འབདཝ་ལས་ ཚ་དྲོད་མཐོ་དྲགས་སྦེ་ཡོད་རུང་ ཁས་བླངས་ཐོག་ལས་ གྲལ་གཏོགས་འབད་མི་ཚུ་གིས་ […]

July 15, 2025

Special News

སེམས་རྟོགས་ཁ་ལུ་ འཕགས་པ་ཐུགས་རྗེ་ཆེན་པོ་ སྤྱན་རས་གཟིགས་ཀྱི་སྒྲུབ་ཆེན།

སྐྱབས་རྗེ་རྗེ་མཁན་རིན་པོ་ཆེ་མཆོག་ དབུ་བཞུགས་ཐོག་ལུ་ སེམས་རྟོགས་ཁ་ གསང་ཟབ་བཤད་གྲྭའི་ དགེ་འདུན་པ་ ༡༥༠ དེ་ཅིག་གིས་ ཉིན་གྲངས་ ༣ གྱི་རིང་ལུ་ འཕགས་པ་ཐུགས་རྗེ་ཆེན་པོ་ སྤྱན་རས་གཟིགས་ཀྱི་ སྒྲུབ་ཆེན་ཚོགས་གནང་མི་དེ་ རང་ཟླ་ ༥ པའི་ཚེས་ ༡༧ སྤྱི་ཟླ་ ༧ པའི་ཚེས་ ༡༢ ལུ་ གྲོལ་གནང་ནུག།རང་ཟླ་ ༥ པའི་ཚེས་ ༡༥ སྤྱི་ཟླ་ ༧ པའི་ཚེས་ ༡༠ ལུ་ ཡར་ངོའི་དུས་བཟང་ཁྱད་པར་ཅན་དང་བསྟུན་ཏེ་ ཚོགས་གནང་མི་ སྤྱན་རས་གཟིགས་ཀྱི་ སྒྲུབ་ཆེན་དེ་ སྤྱིར་འཛམ་གླིང་ཞི་བདེ་དང་ ལྷག་པར་དུ་ འབྲུག་མི་ཡོངས་ཀྱི་གཙུག་བརྒྱན་ མི་དབང་ཆོས་རྒྱལ་ཡབ་སྲས་ ༢ ཀྱིས་ དབུ་གཙོས་པའི་ མི་དབང་སྐུ་འཁོར་ལྷན་རྒྱས་ག་ར་ སྐུ་ཚེ་ཞབས་པད་བརྟན་ཏེ་ ཐུགས་དོན་ཚུ་ འབད་མེད་ལྷུན་གྱིས་ འགྲུབ་ནི་དང་ ཡང་སྒོས་ལུ་ འབྲུག་རྒྱལ་ཁབ་འདི་ནང་ ཞི་བདེ་འབྱུང་ཐབས་ལུ་དམིགས་ཏེ་ གནང་ཡོད་པའི་ གནས་ཚུལ་མདོར་བསྡུས།

July 13, 2025

Special News

མི་དབང་མངའ་བདག་རིན་པོ་ཆེ་མཆོག་གིས་ དགེ་ལེགས་ཕུག་ རྒྱལ་སྤྱི་གནམ་གྲུའི་ཐང་ བཟོ་བསྐྲུན་གྱི་ འགོ་འབྱེད་རྟེན་འབྲེལ་སྐབས་ལུ་ རྒྱལ་ཡོངས་ལུ་གནང་པའི་གསུང་བཤད།

ད་རིས་ ང་བཅས་ཆ་ཁྱབ་ གྱངས་ཁ་མ་ཆོདཔ་ཅིག་ དགེ་ལེགས་ཕུག་ལུ་ འཛོམས་དགོ་མི་འདི་ ལཱ་འབད་བར་འོངམ་ཨིན། ད་རིས་ལས་ འགོ་བཟུང་སྟེ་ ཁྱད་དུ་འཕགས་པའི་ ཕྱག་ལཱ་ཁག་ཆེ་ཏོག་ཏོ་ཅིག་ འབྲུག་རྒྱལ་ཁབ་དང་ མ་འོངས་བུ་བརྒྱུད་ མི་སེར་ཚུ་གི་ དོགས་གཏད་གསརཔ་གི་ གཞི་འགྱམ་སྒྲིང་སྒྲིང་ཅིག་ ང་བཅས་ཀྱིས་ ནཱ་ལས་སྦེ་ འགོ་བཙུགསཔ་ཨིན།མནོ་བསམ་ག་དེ་སྦེ་ གཏང་མས་ཟེར་བ་ཅིན་ དེ་བསྒང་ གཞོནམ་སྦེ་སྡོད་པའི་སྐབས་ལུ་ ཆོས་རྒྱུགས་སྦོམ་ཅིག་ བསྐྱལ་དགོཔ་བྱུངམ་ད་ ད་རེས་སྦེན་ གཞུང་གི་ཆོས་རྒྱུགས་ཡོད་སྨ་རེད་ཟེར་ ཚ་གྱང་ལང་དགོཔ་ བྱུང་དོ་བཟུམ་མའི་ ཚོར་སྣར་བྱུངམ་ཨིན་པས།དེ་འབདཝ་ད་ ད་རིས་ ནཱ་ལུ་ ང་བཅས་ཆ་ཁྱབ་ ས་བརྐོ་འཕྲུལ་ཆས་ཚུ་གི་སྦུག་ན་ ལཱ་འབད་སའི་ ས་གོ་ནང་ བློ་བདེ་ཏོག་ཏོ་སྦེ་ འཛོམས་ཏེ་ཡོད། ད་ལས་ཕར་ ང་བཅས་ཆ་ཁྱབ་ཀྱིས་ སེམས་ཤུགས་དང་ ཉམས་མྱོང་གི་ཐོག་ལས་ གོ་སྐབས་ལེན་ཏེ་ འགན་ཁུར་འབག་ཐོག་ལུ་ གེན་གཟར་དྲགས་དང་ ལྗིད་ལྕི་དྲགས་ཡོད་རུང་ གདོང་ཁའི་ལམ་འདི་བདའ་སྟེ་ མ་འདྲོགཔ་དང་ མ་འཚེར་བར་ འགྱོ་ཚུགསཔ་སྦེ་ ཐོན་ཏེ་ཡོད།ག་དེམ་ཅིག་སྦེ་ བྱ་སྟབས་མ་བདེཝ་འཐོན་རུང་ ཐབས་ཤེས་དང་ གནས་སྐབས་བཏོན་ཏེ་ སེལ་མ་ཚུགསཔ་ཡོད་ར་མེད།་ ང་བཅས་ག་ར་ མནོ་བསམ་གཅིག་སྦེ་ […]

July 12, 2025

Special News

མི་དབང་རྒྱལ་ཡུམ་མཆོག་གིས་ འཛམ་གླིང་མི་རློབས་སྙན་ཞུ་ ༢༠༢༥ ཅན་མ་གསར་བཏོད།

པདྨ་དབང་འདུས། སྤྱི་ཟླ་ ༧ པའི་ཚེས་ ༡༡ ལུ་ འཛམ་གླིང་མི་རློབས་ཀྱི་ཉིནམ་ བརྩི་སྲུང་དང་འབྲེལ་ཏེ་ འཛམ་གླིང་སྤྱི་ཚོགས་ མི་རློབས་མ་དངུལ་གྱི་ ལེགས་སྨོན་སྐུ་ཚབ་ མི་དབང་རྒྱལ་ཡུམ་ སངས་རྒྱས་ཆོས་སྒྲོན་དབང་ཕྱུག་མཆོག་གིས་ འཛམ་གླིང་སྤྱི་ཚོགས་ མི་རློབས་མ་དངུལ་གྱི་ འཛམ་གླིང་མི་རློབས་སྙན་ཞུ་ ༢༠༢༥ ཅན་མ་ མངལ་སྦྲུམ་ཆགས་ནིའི་ དཀའ་ངལ་ངོ་མ་ འགྱུར་ལྡོག་ཅན་གྱི་ འཛམ་གླིང་ནང་ མངལ་སྦྲུམ་ཆགས་དོན་ལས་སྡེའི་ མུ་མཐུད་ཟེར་མི་ གཞུང་འབྲེལ་ཐོག་ལུ་ གསར་བཏོད་མཛད་གནང་ནུག།དུས་སྟོན་དེ་ནང་ ལྷན་རྒྱས་གཞུང་ཚོགས་ཀྱི་དྲུང་ཆེན་ ཨམ་སྐལ་བཟང་བདེ་སྐྱིད་ཀྱིས་ འབྲུག་གི་མི་རློབས་ཀྱི་ མདུན་ལམ་སྐོར་ལས་ གསལ་བཤད་དང་འབྲེལ་ཏེ་ དུས་སྟོན་དེ་ཁར་ འཛོམས་མི་ཚུ་ལུ་ ང་བཅས་རའི་ རྒྱལ་ཁབ་ནང་ མི་རློབས་འཕེལ་ཐངས་ཀྱི་ ཚད་གཞི་དང་ དེང་སང་ འགྱུར་ལྡོག་ཅན་གྱི་ འཛམ་གླིང་ནང་ ན་གཞོན་ཚུ་གིས་ གཉེན་སྦྱོར་འབད་ནི་དང་ ཕམ་འབད་ནི་གི་ དུས་ཚོད་ཕར་ཕུད་རྐྱབ་མིའི་ གྲངས་ཚད་དེ་ ཚད་ལས་བརྒལ་བའི་ གནས་སྟངས་ཅིག་ལུ་ གྱུར་ཡོདཔ་ད་ དེ་ཡང་ འབྲུག་མི་ན་གཞོན་ཚུ་གིས་ ཤེས་ཡོན་སྦྱང་ནི་དང་ ཚེ་གཡོག་གི་ རེ་འདོད་བསྒྲུབ་ནི་ བཟའ་ཚང་འགོ་བཙུགས་ནི་ཚུ་ ཤོ་སྙོམས་བཟོ་ནི་དེ་ […]

July 12, 2025

Special News

མི་དབང་མངའ་བདག་རིན་པོ་ཆེ་མཆོག་གིས་ ཕུ་ལྷ་ཧ་རི་ལུ་ དགེ་བསྙེན་གནས་ཁང་ གསར་བཞེངས་ཀྱི་དོན་ལས་ ས་བཅུད་བུམ་གཏེར།

པདྨ་དབང་འདུས། འབྱུང་རབས་ཅན་གྱི་ དགེ་ལེགས་ཕུག་ རྒྱལ་སྤྱི་གནམ་ཐང་ བཟོ་བསྐྲུན་གྱི་ལཱ་ཚུ་ འགོ་བཙུགས་གནང་པའི་ཤུལ་ལས་ མི་དབང་མངའ་བདག་རིན་པོ་ཆེ་དང་ མི་དབང་རྒྱལ་བཙུན་མཆོག་ མི་དབང་རྒྱལ་སྲས་དང་ མི་དབང་རྒྱལ་སྲསམོ་ལྷན་རྒྱས་ཚུ་ དགེ་ལེགས་ཕུག་ལུ་ར་ བཞུགས་གནང་མི་དེ་གིས་ ལས་འགུལ་དེ་ནང་ ལཱ་འབད་མི་ཚུ་ལུ་ རྒྱ་ཆེ་བའི་ སེམས་སྐུལ་དང་ བློ་སྟོབས་ཀྱི་ འབྱུང་གནས་ལུ་གྱུར་ནུག།གནམ་ཐང་བཟོ་བསྐྲུན་ནང་ ཁས་བླངས་ཐོག་ལས་ ལཱ་གཙོ་བོ་འབད་མི་ རྒྱལ་སྲུངཔ་དང་ བདེ་སྲུངཔ་སྟོང་ཕྲག་ལྷགཔ་ཅིག་གིས་ གནམ་ཐང་བཟོ་བསྐྲུན་ གོ་རིམ་གཙོ་བོ་དེ་ འགོ་མ་བཙུགས་པའི་ཧེ་མ་ དགོས་མཁོ་ཡོད་མི་ ས་བཅད་ཀྱི་ལཱ་ཚུ་ ས་གནས་ཀྱི་ བཟོ་བསྐྲུན་ལས་སྡེ་ཚུ་དང་ མཉམ་འབྲེལ་ཐོག་ལས་ འབད་དོ་ཡོདཔ་ད་ དེ་ཡང་ གནམ་བྱཱར་གྱི་ཆརཔ་དང་ ཚ་དྲོད་ནང་ཨིན་རུང་ ཁོང་གིས་ ཀུན་ལུ་ཕན་པའི་ དགོས་དོན་གྱི་ སེམས་སྐུལ་ཐོག་ལས་ དཔའ་ཉམས་བསྐྱེད་དོ་ཡོདཔ་ཨིན་པས།མི་དབང་སྐུ་འཁོར་ལྷན་རྒྱས་ཚུ་ དགེ་ལེགས་ཕུག་ལུ་བཞུགས་པའི་ དུས་ཡུན་ནང་ མི་དབང་མངའ་བདག་རིན་པོ་ཆེ་མཆོག་གིས་ ཕུ་ལྷ་ཧ་རི་ལུ་ དགེ་བསྙེན་གནས་ཁང་ བཞེངས་ནི་སྦེ་ཡོད་སར་ ས་བཅུད་བུམ་གཏེར་ བཙུགས་གནང་སྟེ་ ས་ཁོངས་བྱིན་གྱིས་བརླབས་གནང་ནུག།དེ་མ་ཚད་ མི་དབང་སྐུ་འཁོར་ལྷན་རྒྱས་ཚུ་གིས་ རྟ་རས་ཐང་ལུ་ བཟོ་བསྐྲུན་འབད་བའི་བསྒང་ཡོད་མི་ རྒྱལ་སྲུང་སྦྱོང་བརྡར་སྤེལ་ཁང་ནང་ཡང་ གཟིགས་སྐོར་གནང་ཡོད་པའི་གནས་ཚུལ།

July 12, 2025

Special News

མི་དབང་མཆོག་གིས་ དགེ་ལེགས་ཕུག་ལུ་ རྒྱལ་སྤྱི་གནམ་གྲུའི་ཐང་ བཟོ་བསྐྲུན་གྱི་ འགོ་འབྱེད་རྟེན་འབྲེལ།

པདྨ་དབང་འདུས། སྤྱི་ཟླ་ ༧ པའི་ཚེས་ ༨ ལུ་ མི་དབང་མངའ་བདག་རིན་པོ་ཆེ་དང་ མི་དབང་རྒྱལ་བཙུན་མཆོག་གིས་ དབུ་གཙོས་པའི་ མི་དབང་རྒྱལ་སྲས་ འཇིགས་མེད་རྣམ་རྒྱལ་དང་ མི་དབང་རྒྱལ་སྲས་ ཨྱོན་དབང་ཕྱུག་མཆོག་གིས་ དགེ་ལེགས་ཕུག་ལུ་ རྒྱལ་སྤྱི་གནམ་གྲུའི་ཐང་ བཟོ་བསྐྲུན་གྱི་ འགོ་འབྱེད་རྟེན་འབྲེལ་ནང་ དབུ་བཞུགས་མཛད་གནང་ནུག།དེ་ཡང་ དགེ་ལེགས་ཕུག་ དྲན་ཤེས་ཁྲོམ་ཚོགས་ལས་ གསར་བཏོན་འབད་མི་ གནས་ཚུལ་ཅིག་ནང་ བཀོད་དོ་བཟུམ་འབད་བ་ཅིན་ དེ་སྒང་ བདེ་སྲུངཔ་དང་ རྒྱལ་སྲུངཔ་སྟོང་ཕྲག་ལས་བཅད་མི་ཚུ་གིས་ མི་སྡེ་ཚུ་གི་དོན་ལས་ སྡོད་ཁྱིམ་དང་ དྲན་རྟེན་ གཞི་རྟེན་མཁོ་ཆས་ཚུ་གི་ བཟོ་བསྐྲུན་ཚུ་ནང་ རང་སོའི་ཁས་བླངས་ཐོག་ལས་ ལམ་སྲོལ་ཅན་གྱི་ ཁས་བླངས་ཞབས་ཏོག་ ཕུལ་ནིའི་དོན་ལུ་ གྲལ་གཏོགས་འབད་ཡི་ཟེར་ཨིན་པས།དེ་མ་ཚད་ མི་རྗེ་བློན་ཆེན་དང་ གཞུང་གི་ཆེ་མཐོའི་འགོ་དཔོན་ གཞུང་གྲྭ་ཚང་གི་ སྐུ་ཚབ་ཚུ་དང་ བླ་སྤྲུལ་ དགེ་ལེགས་ཕུག་ མི་སྡེའི་འཐུས་མི་ཚུ་གིས་ཡང་ འགོ་འབྱེད་རྟེན་འབྲེལ་དེ་ནང་ གྲལ་གཏོགས་མཛད་ནུག།གནམ་ཐང་བཟོ་བསྐྲུན་གྱི་ འགོ་འབྱེད་རྟེན་འབྲེལ་སྐབས་ལུ་ གཞུང་གྲྭ་ཚང་གི་ རྡོ་རྗེ་སློབ་དཔོན་མཆོག་ དབུ་བཞུགས་ཐོག་ལས་ གནམ་ཐང་བཟོ་བསྐྲུན་ བྱིན་ཆགས་ཀྱི་དོན་ལུ་ གསུང་ཆོག་གནངམ་དང་གཅིག་ཁར་ རྫོང་ཁག་སོ་སོའི་ ལྷ་ཁང་ཚུ་གི་ནང་ཡང་ དེ་བཟུམ་མའི་ […]

July 11, 2025

Special News

དགེ་ལེགས་ཕུག་ལུ་ རྒྱལ་སྤྱི་གནམ་གྲུའི་ཐང་ བཟོ་བསྐྲུན་གྱི་ འགོ་འབྱེད་རྟེན་འབྲེལ།

པདྨ་དབང་འདུས། སྤྱི་ཟླ་ ༧ པའི་ཚེས་ ༨ ལུ་ མི་དབང་མངའ་བདག་རིན་པོ་ཆེ་དང་ མི་དབང་རྒྱལ་བཙུན་མཆོག་གིས་ དབུ་གཙོས་པའི་ མི་དབང་རྒྱལ་སྲས་ འཇིགས་མེད་རྣམ་རྒྱལ་དང་ མི་དབང་རྒྱལ་སྲས་ ཨྱོན་དབང་ཕྱུག་མཆོག་གིས་ དགེ་ལེགས་ཕུག་ལུ་ རྒྱལ་སྤྱི་གནམ་གྲུའི་ཐང་ བཟོ་བསྐྲུན་གྱི་ འགོ་འབྱེད་རྟེན་འབྲེལ་ནང་ དབུ་བཞུགས་མཛད་གནང་ནུག། དེ་ཡང་ དགེ་ལེགས་ཕུག་ དྲན་ཤེས་ཁྲོམ་ཚོགས་ལས་ གསར་བཏོན་འབད་མི་ གནས་ཚུལ་ཅིག་ནང་ བཀོད་དོ་བཟུམ་འབད་བ་ཅིན་ དེ་སྒང་ བདེ་སྲུངཔ་དང་ རྒྱལ་སྲུངཔ་སྟོང་ཕྲག་ལས་བཅད་མི་ཚུ་གིས་ མི་སྡེ་ཚུ་གི་དོན་ལས་ སྡོད་ཁྱིམ་དང་ དྲན་རྟེན་ གཞི་རྟེན་མཁོ་ཆས་ཚུ་གི་ བཟོ་བསྐྲུན་ཚུ་ནང་ རང་སོའི་ཁས་བླངས་ཐོག་ལས་ ལམ་སྲོལ་ཅན་གྱི་ ཁས་བླངས་ཞབས་ཏོག་ ཕུལ་ནིའི་དོན་ལུ་ གྲལ་གཏོགས་འབད་ཡི་ཟེར་ཨིན་པས། དེ་མ་ཚད་ མི་རྗེ་བློན་ཆེན་དང་ གཞུང་གི་ཆེ་མཐོའི་འགོ་དཔོན་ གཞུང་གྲྭ་ཚང་གི་ སྐུ་ཚབ་ཚུ་དང་ བླ་སྤྲུལ་ དགེ་ལེགས་ཕུག་ མི་སྡེའི་འཐུས་མི་ཚུ་གིས་ཡང་ འགོ་འབྱེད་རྟེན་འབྲེལ་དེ་ནང་ གྲལ་གཏོགས་མཛད་ནུག། གནམ་ཐང་བཟོ་བསྐྲུན་གྱི་ འགོ་འབྱེད་རྟེན་འབྲེལ་སྐབས་ལུ་ གཞུང་གྲྭ་ཚང་གི་ རྡོ་རྗེ་སློབ་དཔོན་མཆོག་ དབུ་བཞུགས་ཐོག་ལས་ གནམ་ཐང་བཟོ་བསྐྲུན་ བྱིན་ཆགས་ཀྱི་དོན་ལུ་ གསུང་ཆོག་གནངམ་དང་གཅིག་ཁར་ […]

July 10, 2025