རྒྱལ་ཁབ་ཀྱི་ བཤད་གྲྭ་ཁག་གི་ནང་ ཟླ་ངོ་ཕྱེད་དང་གཉིས་ཀྱི་རིང་ལུ་ དབྱར་གནས་བརྩི་སྲུང་།
ལོ་བསྟར་བཞིན་དུ་ རྒྱལ་ཁབ་ཀྱི་ བཤད་གྲྭ་གེ་རའི་ནང་ ཟླ་ངོ་ཕྱེད་དང་ ༢ ཀྱི་རིང་ལུ་ དབྱར་གནས་སྲུང་སྲོལ་ཡོད་མི་དེ་ རང་ཟླ་ ༦ པའི་ཚེས་ ༡༥ སྤྱི་ཟླ་ ༨ པའི་ཚེས་ ༡ ལས་ འགོ་བཙུགས་ཡོདཔ་ཨིན་པས།དེ་ཡང་ ཧེ་མར་ རྒྱ་གར་ལུ་ བདག་ཅག་གི་སྟོན་པ་ སངས་རྒྱས་བཅོམ་ལྡན་འདས་ཀྱིས་ དགེ་སློང་ཚུ་ལུ་ ཆོས་ཀྱི་འཁོར་ལོ་ བསྐོར་གནངམ་ད་ དུས་རྒྱུན་གྱི་འཚོ་བ་ བསོད་སྙོམས་ལུ་བརྟེན་ཏེ་ བཞུགས་དགོ་ནི་དེ་གིས་ དགེ་སློང་ཚུ་ ཕར་ཚུར་བྱོནམ་ད་ རྐང་མ་གིས་ མིག་གིས་མ་མཐོང་པའི་ འབུབ་ཚུ་བསདཔ་ལས་ ཕྱི་རོལ་མུ་སྟེགས་པ་ཚུ་གིས་ ཁ་བཏང་ནུག།དེ་འབདཝ་ལས་ སངས་རྒྱས་ཀྱིས་ ཕྱི་རོལ་མུ་སྟེགས་པའི་ འཕྱར་ཁ་ཟློག་ཐབས་ལུ་ གནམ་བྱཱར་གྱི་ དུས་ཚོད་ཁར་ ཟླ་ངོ་ ༣ གྱི་རིང་ལུ་ དགེ་སློང་ཚུ་ ཕར་ཚུར་བྱོན་མ་ཆོག་པའི་ བཀའ་རྒྱ་གནང་སྟེ་་ ཚུལ་ཁྲིམས་ཡང་དག་གི་སྒོ་ལས་ ཆོས་འབད་བཅུག་ཡོདཔ་ཨིན་པས།དེ་བཟུམ་སྦེ་ ང་བཅས་རའི་ འབྲུག་རྒྱལ་ཁབ་ནང་ཡང་ ཞབས་དྲུང་རིན་པོ་ཆེ་མཆོག་གིས་ ལུས་ངག་ཡིད་གསུམ་གྱི་སྒོ་ལས་ སྡིག་སྒྲིབ་སྤང་ནི་དང་ སྤང་རྟོགས་ཀྱི་ ཡོན་ཏན་ཚུ་ ཚུལ་ཁྲིམས་རྣམ་དག་གི་སྒོ་ལས་ […]