National News
རྒྱལ་གཞུང་འགག་སྡེའི་འོག་ལུ་ཡོད་མི་ སྨྱོ་རྫས་དང་ གནོད་རྫས་སྡེ་ཚན་གྱིས་ སྨྱོ་རྫས་ནག་ཚོང་འཐབ་མི་ཚུ་འཛིན་བཟུང་།
སྤྱི་ཟླ་ ༡༡ པའི་ཚེས་ ༦ ལུ་ ཐིམ་ཕུ་རྒྱལ་གཞུང་འབྲུག་གི་འགག་སྡེའི་འོག་ལུ་ཡོད་མི་ སྨྱོ་རྫས་དང་ གནོད་རྫས་སྡེ་ཚན་གྱིས་ ཐིམ་ཕུ་བར་པའི་ས་ལས་ སྐྱེས་ལོ་ ༣༧ འབད་མི་ ཕོ་སྐྱེས་གཅིག་ ཊ་མ་ཌཱོལ་ཟེར་མི་ སྨྱོ་རྫས་ནག་ཚོང་འཐབ་པའི་ ཉེས་འཛུགས་ཐོག་ལུ་ འཛིན་བཟུང་འབད་ནུག།སྡེ་ཚན་དེ་གིས་ མི་ངོམ་དེ་ལས་ ཊ་མ་ཌཱོལ་ (ཨེཛ་པི་+) སྨན་ཐུམ་ ༢༨༨ དང་ འབོར་ཆེ་བའི་ དངུལ་རྐྱང་ཚུ་ཡང་ འཛིན་བཟུང་འབད་ཡོདཔ་ད་ དངུལ་དེ་ བཀག་དམ་ཅན་གྱི་ གནོད་རྫས་ཚུ་ བཙོང་མི་ལས་ ཐོབ་ཡོད་པའི་ ཡིད་ཆེས་ཡོདཔ་ཨིན་པས།རྒྱལ་གཞུང་འགག་སྡེའི་ སྡེ་ཚན་དེ་གིས་ ཞིབ་དཔྱད་མཐིལ་ཕྱིན་འབད་བའི་ཤུལ་ལུ་ སྐྱེས་ལོ་ ༢༩ འབད་མི་དང་ སྐྱེས་ལོ་ ༤༥ འབད་མི་ ཕོ་སྐྱེས་ ༢ ཡང་ བར་པའི་ས་ལུ་ སྨྱོ་རྫས་ནང་ཚོང་འཐབ་མི་ གཙོ་ཅན་སྦེ་ ངོས་འཛིན་ཐོག་ལས་ འཛིན་བཟུང་འབད་ནུག།ཁོང་འབད་ས་ལས་ ཊ་མ་ཌཱོལ་ སྨན་ཐུམ་ ༡༠༡༥ དང་ དངུལ་རྐྱང་ཚུ་ ཐོབ་ཡོདཔ་ད་ ཁོང་ཆ་ཁྱབ་ […]