རྒྱལ་གཞུང་དམག་སྡེའི་ གུང་བློན་གྱིས་ འཛམ་གླིང་ཞི་བདེའི་ བློན་པོ་ཚུ་གི་ གྲོས་འཛོམས་ནང་གྲལ་གཏོགས།
སྤྱི་ཟླ་ ༡༢ པའི་ཚེས་ ༥ ལུ་ རྒྱལ་གཞུང་འབྲུག་གི་དམག་སྡེའི་ གུང་བློན་བ་ཀྲོ་ཚེ་རིང་གིས་ འགོ་ཁྲིད་འབད་དེ་ འབྲུག་གི་འཐུས་མི་ཚུ་གིས་ གྷ་ན་ཨག་ཀ་ར་ལུ་ འཚོགས་གནང་མི་ འཛམ་གླིང་ཞི་བདེའི་ བློན་པོ་ཚུ་གི་ གྲོས་འཛོམས་ནང་ གྲལ་གཏོགས་འབད་ཡོདཔ་ཨིན་པས།དེ་ཡང་ ཞི་བདེ་དང་ སྲུང་སྐྱོབ་གོང་འཕེལ་ལུ་ བརྩོན་ཤུགས་བསྐྱེད་ཐབས་ལུ་ཨིནམ་ད་ དེ་བསྒང་ འབྲུག་གིས་ རང་བཞིན་གནས་སྟངས་ མཉམ་འབྲེལ་ཞི་བདེའི་ བསླབ་སྟོན་གྲོས་ཚོགས་ནང་ཡང་ བཅའ་མར་གཏོགས་ཡོདཔ་སྦེ་ ཕྱི་འབྲེལ་དང་ ཕྱིར་ཚོང་ལྷན་ཁག་ལས་ གསར་བཏོན་འབད་མི་ གནས་ཚུལ་ཅིག་ནང་བཀོད་ནུག།གྲོས་འཛོམས་དེ་ སྤྱི་ཟླ་ ༡༢ པའི་ཚེས་ ༥ ལས་ ༦ ཚུན་ ཉིན་གྲངས་ ༢ ཀྱི་རིང་ལུ་ འཚོགས་ཡོདཔ་ད་ གྲོས་འཛོམས་དེ་ཡང་ ཞི་བདེའི་སྲུང་སྐྱོབ་ལག་ལེན་ སྒྲིང་སྒྲིང་བཟོ་ཐབས་ལུ་ ལོ་རེར་ཐེངས་ ༢ རེ་ འགོ་འདྲེན་འཐབ་དོ་ཡོདཔ་ཨིན་པས།བློན་པོ་ཚུ་གི་ གྲོས་འཛོམས་དེ་ནང་ ཞི་བའི་མི་སེར་དང་ ཐབས་བྱུས་བརྡ་དོན་ ཉེན་སྲུང་ སྲུང་སྐྱོབ་ ཞི་བདེ་ དམག་མི་ཚུ་གི་ སེམས་ཁམས་འཕྲོད་བསྟེན་ དེ་ལས་ […]
