བརྡ་དོན་བརྒྱུད་འབྲེལ་འཕྲུལ་རིག་གི་ ཆོས་ཚན་དེ་ བཀོད་ཚོགས་ཆོས་རྒྱུགས་ཀྱི་གྲངས་སུ་ བསྐྱར་འཛུགས་འབད་ནི།
པདྨ་བཟངམོ། གཞུང་གི་ཁ་ཐུག་ལས་ བརྡ་དོན་བརྒྱུད་འབྲེལ་འཕྲུལ་རིག་གི་ ཆོས་ཚན་དེ་ སློབ་རིམ་ ༡༢ པའི་ བཀོད་ཚོགས་ཆོས་རྒྱུགས་ནང་ བསྐྱར་འཛུགས་འབད་ནི་གི་ གྲོས་ཆོད་བྱུང་ནུག།དེ་ཡང་ སྤྱི་ཟླ་ ༢ པའི་ཚེས་ ༧ ལུ་ གནས་ཚུལ་ཞལ་འཛོམས་ནང་ ཤེས་རིག་དང་ རིག་རྩལ་གོང་འཕེལ་བློན་པོ་ ཡིད་བཟང་ཌི་ཐཱ་པ་གིས་ གསལ་བསྒྲགས་གནང་ཡོདཔ་ད་ བརྡ་དོན་བརྒྱུད་འབྲེལ་འཕྲུལ་རིག་དེ་ བློ་གསར་སློབ་རིམ་ལས་ སློབ་རིམ་ ༡༢ པ་ཚུན་གྱི་བར་ན་ ངེས་པར་དུ་ ལྷབ་སྦྱང་འབད་དགོ་པའི་ ཆོས་ཚན་ཅིག་ཨིན་རུང་ སློབ་རིམ་ ༡༢ པའི་ བཀོད་ཚོགས་ཆོས་རྒྱུགས་ནང་ལས་ བཏོན་ཡོདཔ་སྦེ་ཨིན་པས།བློན་པོ་གིས་ ཤེས་རིག་གི་ འབྱུང་རབས་ནང་ བརྡ་དོན་བརྒྱུད་འབྲེལ་འཕྲུལ་རིག་དེ་ ཆོས་རྒྱུགས་བཀལ་མ་དགོ་པའི་ ཆོས་ཚན་ཅིག་སྦེ་ བཞག་ནི་གི་ གྲོས་ཆོད་དེ་ཡང་ སློབ་ཕྲུག་ཚུ་ལུ་ དགོས་མཁོ་ཡོད་པའི་ འཕྲུལ་རིག་གི་ཉམས་མྱོང་ བྱ་སྟབས་བདེ་ཏོག་ཏོ་སྦེ་ ལུགས་མཐུན་གྱི་ ཨེབ་ཤུགས་མེད་པར་ འཐོབ་ཐབས་ལུ་ཨིན་ ཟེར་གསུངས་ཡི།ད་རེས་འབདཝ་ད་ བརྡ་དོན་བརྒྱུད་འབྲེལ་འཕྲུལ་རིག་དེ་ ཨང་གནས་ཅན་གྱི་ འཛམ་གླིང་ནང་ མ་འོངས་པའི་ ཚེ་གཡོག་གི་དོན་ལས་ སློབ་ཕྲུག་ཚུ་གི་རྒྱུད་ལུ་ འཕྲུལ་རིག་གི་ […]
