ཕྱི་མི་ནང་བསྐྱོད་ལས་ཁུངས་ཀྱིས་ ཕུན་ཚོགས་གླིང་ རྐང་ལམ་འཐོན་འཛུལ་སྒོ་ར་ཁར་ ཞབས་ཏོག་དང་ ཉེན་སྲུང་ཡར་དྲག་གི་དོན་ལས་ འཕྲུལ་ཆས་ཐོག་གི་ ཕྱི་མི་ནང་བསྐྱོད་ཀྱི་ ཉོག་སེལ་རིམ་ལུགས།
སྤྱི་ཟླ་ ༢ པའི་ཚེས་ ༢༡ ལུ་ ས་མཚམས་ཁའི་ དོ་དམ་ཚུ་ དེང་དུས་དང་ ཚུལ་མཐུན་བཟོ་ཐབས་ལུ་ ཕྱི་མི་ནང་བསྐྱོད་ལས་ཁུངས་ཀྱིས་ ཕུན་ཚོགས་གླིང་ རྐང་ལམ་འཐོན་འཛུལ་ས་ཁོངས་ནང་ འཕྲུལ་ཆས་ལག་ལེན་ཐོག་ལས་ ཕྱི་མི་ནང་བསྐྱོད་ཀྱི་ ཉོག་སེལ་རིམ་ལུགས་ འགོ་བཙུགས་ནུག།དེ་ཡང་ དལ་བ་མེད་པའི་ འཐོན་འཛུལ་ཧ་ཁོངས་ཅིག་ཨིནམ་ལས་ འཕྲུལ་ཆས་ཐོག་གི་ ཉོག་སེལ་རིམ་ལུགས་དེ་གིས་ ཉོག་སེལ་གྱི་ལཱ་ཚུ་ འཇོན་སྟབས་ཅན་དང་ ཉེན་སྲུང་དང་ལྡནམ་སྦེ་ བྱ་སྟབས་བཟོ་ཏོག་ཏོ་ བཟོ་ཚུགས་ནི་ཨིན་པས།རིམ་ལུགས་དེ་ འཕྲུལ་རིག་དང་ ཨང་གནས་ཐོག་གི་བརྟག་ཞིབ་ དེ་ལས་ གནད་སྡུད་གཅིག་སྒྲིལ་ཚུ་གི་སྒོ་ལས་ རིམ་སྒྲིག་ཚུལ་མཐུན་བཟོ་ནི་ལུ་ སྒྲིག་བཀོད་འབད་དེ་ཡོདཔ་ལས་ ཞབས་ཏོག་སྤྲོད་ནི་ལུ་ ཡར་དྲག་འཐོན་ནི་ཨིནམ་སྦེ་བཀོད་ནུག།ཉེན་སྲུང་ཚུ་ཡང་ ཐབས་ཤེས་དག་པ་ཅིག་གི་སྒོ་ལས་ བཙན་ཐབས་འབྱུང་ནི་ཨིན་མི་ཚུ་ཡང་ ཉོག་སེལ་གྱི་ དུས་ཡུན་མགྱོགས་དྲགས་ བཟོ་ནི་དང་ ལག་ལེན་འཐབ་མི་ཚུ་གི་ ཉམས་མྱོང་ཡར་དྲག། ནོར་འཁྲུལ་གྱི་ ཚད་གཞི་མར་ཕབ་ལེགས་སྒྱུར། ཨང་གནས་ དེ་ལས་ བདེན་དཔྱད་ལ་སོགས་པའི་སྒོ་ལས་ ཉོག་སེལ་ཚུ་ གང་མགྱོགས་དང་ ནོལ་འཁྲུལ་ཉུང་སུའི་སྒོ་ལས་ ནང་བསྐྱོད་ཀྱི་ ཉེན་ཁ་དང་ ངོ་སྤྲོད་ཀྱི་ གཡོ་སྒྱུ་ཚུ་ མར་ཕབ་འབད་ཚུགས་ནི་ཨིན་པས།འཕྲུལ་ཆས་ཐོག་གི་ ཕྱི་མི་ནང་བསྐྱོད་ཀྱི་ ཉོག་སེལ་རིམ་ལུགས་དེ་ […]
