National News
རྒྱ་གར་གཞུང་གི་ ཕྱི་འབྲེལ་དྲུང་ཆེན་ མི་རྗེ་བློན་ཆེན་གྱི་ སྐུ་མདུན་ལུ་བཅར་ཡོདཔ།
སྤྱི་ཟླ་ ༡ པའི་ཚེས་ ༢༩ ལུ་ བློན་ཆེན་གྱི་ ཡིག་ཚང་ནང་སྦེ་ རྒྱ་གར་གཞུང་གི་ ཕྱི་འབྲེལ་དྲུང་ཆེན་ ཝི་ནེ་མོ་ཧཱན་ ཀོ་ཝ་ཏ་ར་དེ་ མི་རྗེ་བློན་ཆེན་གྱི་ སྐུ་མདུན་ལུ་ བཅར་ཡོདཔ་བཞིན་དུ་ རྒྱ་འབྲུག་རྒྱལ་ཁབ་ ༢ ཀྱི་ མཐའ་དོན་དང་ མཉམ་འབྲེལ་གྱི་སྐོར་ལས་ གནད་དོན་སྣ་ཚོགས་གུ་ གསུང་གྲོས་ཚུ་ གནང་ཡོདཔ་ཨིན་པས། དེ་ཚེ་ཕྱི་རོ་ མི་རྗེ་བློན་ཆེན་གྱིས་ ཁོ་རའི་གཟིམ་ཆུང་ནང་སྦེ་ རྒྱ་གཞུང་གི་ ཕྱི་འབྲེལ་དྲུང་ཆེན་དང་ འཐུས་མི་སྡེ་ཚན་གྱི་དོན་ལུ་ ཚོགས་སྟོན་གཅིག་ཡང་ འགོ་འདྲེན་འཐབ་གནང་ཡོད་པའི་ གནས་ཚུལ་མདོར་བསྡུས།