མི་དབང་ཞབས་ལས་ ཀརྨ༌ལྷ༌མོ༌རྡོ༌རྗེ༌ལུ༌ འབུ༌རས༌དམརཔོ།
སྤྱི་ཟླ་ ༤ པའི་ཚེས་ ༡༠ ལུ་ མི་དབང་མངའ་བདག་རིན་པོ་ཆེ་མཆོག་གིས་ རྒྱལ་གཞུང་ཞི་གཡོག་ལྷན་ཚོགས་ཀྱི་ཁྲི་འཛིན་ ཀརྨ་ལྷ་མོ་རྡོ་རྗེ་ལུ་ དཔོན་གཉིས་སྐལ་མའི་བཀབ་ནེ་ འབུ་རས་དམརཔོ་གནང་ཡི།དྲགོས་ཀརྨ་ལྷ་མོ་རྡོ་རྗེ་དེ་ སྤྱི་ལོ་ ༡༩༩༣ ལུ་ ནང་སྲིད་དང་ སྲོལ་འཛིན་ལྷན་ཁག་ནང་ སྦྱོང་བརྡར་བ་འགོ་དཔོན་སྦེ་ འཛུལ་ཞུགས་འབད་ཡོདཔ་ད་ དེ་ལས་ རིམ་པ་བཞིན་དུ་སྦེ་ གོ་གནས་འདྲ་མིན་ལེ་ཤ་ཅིག་ནང་ ཕྱག་ཞུ་བའི་ཤུལ་ལས་ རྒྱལ་ཡོངས་དགའ་སྐྱིད་དཔལ་འཛོམས་ལྷན་ཚོགས་ནང་ འཆར་གཞི་གཙོ་འཛིན་འགོ་དཔོན་དང་ གསོ་བའི་ལྷན་ཁག་ སྨན་རིགས་བཀྲམ་སྤེལ་དང་ གསོ་བའི་གཞི་རྟེན་ལས་ཁུངས་ནང་ མདོ་ཆེན་སྦེ་ ཕྱག་ཞུ་ནུག།དེ་ལས་ སྤྱི་ལོ་ ༢༠༡༤ ལས་ ༢༠༡༩ ཚུན་ ལོ་ངོ་ ༥ གི་རིང་ལུ་ རྒྱལ་གཞུང་ཞི་གཡོག་ལྷན་ཚོགས་ནང་ ལྷན་འཛིན་སྦེ་ ཕྱག་ཞུ་ཡོདཔ་ད་ སྤྱི་ལོ་ ༢༠༡༩ སྤྱི་ཟླ་ ༤ པའི་ཚེས་ ༡༧ ལས་ རྒྱལ་གཞུང་ཞི་གཡོག་ལྷན་ཚོགས་ཀྱི་ ཁྲི་འཛིན་ ༣ པ་སྦེ་ བསྐོ་བཞག་གནང་ཡོད་པའི་གནས་ཚུལ།