དགེ་ལེགས་ཕུག་ དྲན་ཤེས་ཁྲོམ་ཚོགས་ཀྱི་གསལ་བཤད།
སྤྱི་ཟླ་ ༡༠ པའི་ཚེས་ ༡༧ ལུ་ མི་དབང་སྐུ་འཁོར་ལྷན་རྒྱས་ཀྱིས་ ཨཱཛ་ཊེ་ལི་ཡའི་ མངའ་སྡེ་པཱརཐ་ལུ་ གཟིགས་སྐོར་ཉིནམ་ ༢ པའི་ནང་ འབྲུག་མི་ ༥,༠༠༠ ལྷགཔ་ཅིག་དང་ མཇལ་ཕྲད་མཛད་གནང་ཡོདཔ་ད་ དེ་ཡང་ ཉིནམ་དང་པའི་ནང་ འབྲུག་མི་ཚུ་ གཟིགས་སྟོན་ཐང་ཆེན་དེ་ནང་ མ་ཤོང་ནི་དེ་གིས་ ལས་རིམ་གྱི་ དུས་ཡུན་དེ་ཡར་སེང་མཛད་གནང་ནུག།མི་དབང་མཆོག་གིས་ འབྲུག་མི་ཚུ་དང་ མཇལ་ཕྲད་མཛད་གནང་པའི་སྐབས་ལུ་ མི་དབང་མངའ་བདག་རིན་པོ་ཆེ་མཆོག་དང་ འབྲུག་མི་ཚུ་གི་བར་ན་ ཐ་དམ་ཚིག་དང་ ཨཱཛ་ཊེ་ལི་ཡ་ལུ་སྡོད་མི་ འབྲུག་མི་ཚུ་གིས་ ཕན་འདེབས་ཡོད་པའི་སྐོར་ལས་ གསུངས་གནང་ཡོདཔ་ཨིན་པས།དེ་ལས་ དགེ་ལེགས་ཕུག་ དྲན་ཤེས་ཁྲོམ་ཚོགས་ཀྱི་ ལས་འགུལ་ཚུ་གི་སྐོར་ལས་ གསུངས་གནང་ཡོདཔ་མ་ཚད་ ཉིནམ་དང་པའི་སྐབས་ཀྱི་ ལས་རིམ་བཟུམ་སྦེ་ར་ ཉིནམ་ ༢ པའི་ནང་ཡང་ དགེ་ལེགས་ཕུག་ དྲན་ཤེས་ཁྲོམ་ཚོགས་ཀྱི་ འཐུས་མི་སྡེ་ཚན་གྱིས་ ཁྲོམ་ཚོགས་ཀྱི་ འཆར་གཞི་ཨམ་གྱི་སྐོར་ལས་ གསལ་བཤད་འབད་ནུག།པཱརཐ་མངའ་སྡེའི་ནང་ འབྲུག་མི་ ༢༧,༠༠༠ དེ་ཅིག་དང་ མཇལ་ཕྲད་མཛད་གནང་པའི་ཤུལ་ལས་ ཨཱཛ་ཊེ་ལི་ཡའི་ ཁྲོམ་སྡེ་ ༣ གྱི་ གཟིགས་སྐོར་དེ་ […]
