རྒྱལ་ཁབ་ནང་ ཡོངས་འབྲེལ་མཐུན་རྐྱེན་ ཨིན་ཊར་ནེཊ་ སྤྱོད་འཐུས་མར་ཕབ།
སྤྱི་ཟླ་ ༨ པའི་ཚེས་ ༡ ལས་ ཡོངས་འབྲེལ་མཐུན་རྐྱེན་ ཨིན་ཊར་ནེཊ་ ཨེམ་བི་པི་ཨེཛ་རེར་ སྤྱོད་འཐུས་དངུལ་ཀྲམ་ ༥༥༠ རེ་ལུ་ མར་ཕབ་འབད་ཡོདཔ་ད་ ཧེ་མར་འབད་བ་ཅིན་ ཨིན་ཊར་ནེཊ་ ཨེམ་བི་པི་ཨེཛ་རེ་ལུ་ སྤྱོད་འཐུས་དངུལ་ཀྲམ་ ༡,༣༥༠ རེ་ གནས་དོ་ཡོདཔ་ཨིན་པས།དེ་འབདཝ་ལས་ ད་ལས་ཕར་ གཞུང་གིས་ ཟླ་རིམ་བཞིན་དུ་ ཨིན་ཊར་ནེཊ་སྤྱོད་འཐུས་ དངུལ་ཀྲམ་ ༡༣,༡༠༧.༢༠༠ དེ་རེ་འབདཝ་ད་ ལོ་བསྟར་དངུལ་ཀྲམ་ ༡༥༧,༢༨༦,༤༠༠ དེ་རེ་ གསོག་འཇོག་འབད་ཚུགས་ཟེར་ བརྡ་དོན་འཕྲུལ་རིག་དང་ བརྒྱུད་འཕྲིན་ལས་ཁུངས་ཀྱིས་ གསར་བཏོན་འབད་མི་ གནས་ཚུལ་ཅིག་ནང་བཀོད་ནུག།དེ་སྦེ་ མར་ཕབ་འབད་མི་དེ་ཡང་ འབྲུག་བརྒྱུད་འཕྲིན་ཚད་འཛིན་གྱིས་ ཡོངས་འབྲེལ་ཚུ་ག་ར་ ཨོབ་ཊི་ཀཱལ་ ཕའི་བར་ཟེར་མི་ ་མཐུན་རྐྱེན་དང་ སྦྲེལ་མཐུད་འབད་ནི་དེ་གིས་ཨིནམ་ད་ ད་ལས་ཕར་ ཨིན་ཊར་ནེཊ་ ལག་ལེན་འཐབ་མི་ གཞན་ཚུ་ལུ་ཡང་ ཨེམ་བི་པི་ཨེཛ་རེ་ལུ་ སྤྱོད་འཐུས་དངུལ་ཀྲམ་ ༥༥༠ རེ་སྦེ་ འཐོབ་ནི་ཨིན་པས།དེ་བཟུམ་སྦེ་ བཀྲིས་བརྒྱུད་འཕྲིན་གྱི་ ཡོངས་འབྲེལ་གླར་སྤྱོད་ཀྱི་ ཚད་གཞི་བསྐྱར་ཞིབ་འབད་མི་དེ་ཡང་ འབྲུག་བརྡ་དོན་བརྒྱུད་འབྲེལ་དང་ བརྡ་བརྒྱུད་དབང་འཛིན་ལུ་ […]