རྒྱ་གར་གྱི་ མི་བརྒྱུད་ཨིན་མི་ རི་ཤི་སུ་ནག་དེ་ བི་རི་ཊེན་གྱི་ བློན་ཆེན་གསརཔ་སྦེ་བསྐོ་བཞག།
ཨེ་བི་སི། རྒྱ་གར་གྱི་ མི་བརྒྱུད་ཨིན་མི་ རི་ཤི་སུ་ནག་དེ་ ལོ་ངོ་ ༡ གི་ ནང་འཁོད་ལུ་ བི་རི་ཊེན་གྱི་ བློན་ཆེན་ ༣ པ་སྦེ་ བཙག་འཐུ་གྲུབ་ཡོདཔ་ད་ དེ་ཡང་ རྒྱལ་ཁབ་དེ་ནང་ མ་དངུལ་གྱི་ དཀའ་ངལ་ཚུ་ལུ་བརྟེན་ཏེ་ དཔལ་འབྱོར་གྱི་ གནས་སྟངས་དེ་ ཉེན་ཁ་ཅན་ཅིག་ལུ་ གྱུར་ཡོདཔ་ལས་ མི་སེར་ས་ཡ་ལས་ བཅད་མི་ཚུ་ལུ་ བཟའ་འཐུང་དང་ ནུས་ཤུགས་ཀྱི་ཁྲལ་ཚུ་ བཏབ་ནི་ལུ་ཡང་ དཀའ་ངལ་སྦོམ་ ཐོན་ཏེ་ཡོད་མི་ཚུ་ བསལ་ནི་གི་ འགན་ཁུར་འཁྲིཝ་ཨིན་པས།སྤྱི་ཟླ་ ༡༠ པའི་ཚེས་ ༢༥ ལུ་ རི་ཤི་སུ་ནག་དེ་ བ་ཀིང་ཧམ་ ཕོ་བྲང་ནང་ རྒྱལ་པོ་ཅཱལཛ་ ༣ པའི་ སྐུ་མདུན་ལུ་ བཅར་ཡོདཔ་བཞིན་དུ་ རྒྱལཔོ་མཆོག་གིས་ གཞུང་སྐྱོང་འབད་མི་ ཀཱན་སར་བེ་ཊིབ་ སྲིད་ཚོགསཀྱི་ འགོ་ཁྲིད་གསརཔ་དེ་གིས་ ལམ་ལུགས་དང་འཁྲིལ་ཏེ་ གཞུང་བཙུགས་དགོ་པའི་ བཀའ་རྒྱ་གནང་ནུག།དེ་གི་ཧེ་མར་ ཨམ་ལིཟ་ཊཱཛ་གི་ དུས་ཡུན་ཐུང་ཀུ་ཅིག་གི་རིང་ལུ་ བློན་ཆེན་གྱི་ གོ་གནས་འཆང་བའི་ དུས་སྐབས་ནང་ […]