མཐའ་ཡས་ལེན་གྱི་ སྤྱི་ཚོགས་ནང་ལས་ འགོ་ཁྲིདཔ་པི་ཏ་དེ་ བློན་ཆེན་གྱི་ གོ་གནས་ཁར་ ཁྱད་ཚད་མ་གྲུབ་སྦེ་ བཏོན་བཞགཔ་ལས་ ངོ་རྒོལ་འགྲེམ་སྟོན།
ཨཱལ་ཇ་ཟི་ར། མཐའ་ཡས་ལེན་གྱི་ མུབ་ཕོར་ཝཱཌ་ སྲིད་དོན་ཚོགས་པ་གིས་ སྤྱི་ཟླ་ ༥ པའི་ བཙག་འཐུ་ནང་ལས་ རྒྱལ་ཁ་ཐོབ་ཡོདཔ་བཞིན་དུ་ སྲིད་ཚོགས་དེ་གི་འགོ་ཁྲིདཔ་ པི་ཏ་ལིམ་ཇ་རོ་ཨེན་རཱཏ་དེ་ བློན་ཆེན་གྱི་ གོ་གནས་ཁར་ གདམ་འཐུ་འགྲུབ་ནི་གི་ གོ་སྐབས་ཡོད་རུང་ སྤྱི་ཚོགས་ནང་ ཚོགས་རྒྱན་བཙུགསཔ་ད་ ངོས་ལེན་མ་གྲུབ་ཨིན་པས།དེ་ཡང་ པི་ཏ་གིས་ སྲིད་ཚོགས་དག་པ་ཅིག་ མཉམ་བསྡོམས་ཐོག་ལས་ ཚོགས་འདུའི་ནང་ རྒྱབ་སྐྱོར་འབད་མི་ འཐུས་མི་གྲངས་མང་ཡོད་རུང་ འདས་པའི་བདུན་ཕྲག་ནང་ ཚོགས་འདུ་དང་ ཁྲིམས་བཟོ་ཚོགས་སྡེ་ མཉམ་བསྡོམས་ཐོག་ལས་ ཚོགས་རྒྱན་བཙུགས་པའི་སྐབས་ལུ་ དྲག་པོའི་སྲིད་གཞུང་གིས་ བསྐོ་བཞག་འབད་དེ་ཡོད་མི་ ཁྲིམས་བཟོ་ཚོགས་སྡེ་གིས་ རྒྱབ་སྐྱོར་འབད་མ་བཏུབ་ཨིན་པས།ཨིན་རུང་ སྤྱི་ཟླ་ ༧ པའི་ཚེས་ ༢༧ ལུ་ བློན་ཆེན་གྱི་ གོ་གནས་དོན་ལས་ གདམས་འཐུ་ཐེངས་ ༢ པའི་ ཚོགས་རྒྱན་བཙུགས་ནི་སྦེ་ གཏན་འཁེལ་བཟོ་ནུག།ད་རེས་ པི་ཏའི་རྒྱབ་སྐྱོར་པ་ ལ་ལོ་ཅིག་གིས་ ཁྲིམས་བཟོ་ཚོགས་སྡེའི་ འཐུས་མི་ཚུ་ལུ་ བརྙས་བཅོས་ཀྱི་ བརྡ་བྱང་ཚུ་འབག་སྟེ་ རྒྱབ་སྐྱོར་པ་ བརྒྱ་ཕྲག་ལས་བཅད་མི་ཚུ་ བེང་ཀོག་ལུ་ སྤུངས་འཛོམས་འབད་དེ་ […]