བི་བི་སི།
སྤྱི་ཟླ་ ༡༡ པའི་ཚེས་ ༡༧ ལུ་ ཨི་རཱན་གྱིས་ མཁའ་དམག་འཕྲུལ་ཆས་ ཌྲཱོན་ལག་ལེན་འཐབ་སྟེ་ བྷ་རེན་ལུ་ཡོད་མི་ ཡུ་ཨེཛ་དམག་སྡེའི་ མངོན་གསལ་འཕྲུལ་ཆས་རིམ་ལུགས་ལུ་ གནོད་འཚུབ་བཀལ་ཡོདཔ་མ་ཚད་ ཧོར་མུཛ་མཚོ་གླིང་ནང་ ས་སྣུམ་སྐྱེལ་འདྲེན་འབད་མི་ གྲུ་གཟིངས་ཅིག་གི་ ལས་བྱེདཔ་ཚུ་ཡང་ བྱང་སྟོར་ཤོར་ཡོདཔ་སྦེ་བཀོད་ནུག།
དེ་ཡང་ ཨི་རཱན་གྱི་ ཨིཛ་ལཱ་མིག་དམག་སྡེ་གིས་ བྷ་རེན་གྱི་ ཤེག་ཨི་ས་ལུ་ཡོད་མི་ ཡུ་ཨེཛ་གི་ མངོན་གསལ་འཕྲུལ་ཆས་རིམ་ལུགས་ལུ་ དམིགས་གཏད་བསྐྱེད་དེ་ གནོད་འཚུབ་བཀལ་ཡོདཔ་སྦེ་ བཤད་ཡོདཔ་ཨིན་པས།
དེ་བསྒང་ བྷ་རེན་ལུ་ཡོད་མི་ ཡུ་ཨེཛ་དམག་སྡེ་ རུ་ཁག་ ༥ པ་གིས་ བཀག་ཆ་འབད་ཡོདཔ་ལས་ མི་ལུ་ཤི་རྐྱེན་དང་ གནོད་སྐྱོན་ཚུ་ བྱུང་ཡོད་པའི་ སྙན་ཞུ་མེདཔ་སྦེ་ གསལ་བཀོད་འབད་ནུག།
ཀ་ཊར་གྱིས་ བཤད་དོ་བཟུམ་འབད་བ་ཅིན་ ཧ་ལམ་ཟླཝ་ ༩ དེ་ཅིག་ལང་མི་ དམག་འཁྲུག་དེ་ མཇུག་བསྡུ་ནིའི་དོན་ལས་ ཉིནམ་དེ་ཁར་ དོ་ཧ་ལུ་སྦེ་ ཀ་ཊར་དང་ ཨི་རཱན་གྱི་ འགོ་དཔོན་ཚུ་གི་བར་ན་ གསུང་གྲོས་གནང་ནི་གི་ ལས་རིམ་སྡོད་ཅི་ཟེར་ཨིན་པས།
ཨི་རཱན་གྱི་ ཕྱི་འབྲེལ་བློན་པོ་གིས་ ཨོ་མཱན་ལུ་ གཟིགས་སྐོར་གནང་ཐོག་ལས་ གྲོས་བསྟུན་འབད་བའི་སྐབས་ལུ་ མཚོ་ལམ་ཚུ་ ཉེན་སྲུང་འབད་ནི་དང་ འཛམ་གླིང་ནང་ གྲུ་གཟིངས་ཚུ་ འགྲུལ་སྐྱོད་འབད་བཅུག་སྟེ་ ཚོང་འབྲེལ་ཚུ་ ལེགས་ཤོམ་བཟོ་ནི་གི་ གྲོས་བསྟུན་ཚུ་འབད་ཡི་ཟེར་ ཨོ་མཱན་གྱི་ ཕྱི་འབྲེལ་ལྷན་ཁག་ལས་ གསལ་བཤད་འབད་ནུག།
ཨོ་མཱན་དེ་ ཧོར་མུཛ་མཚོ་གླིང་གི་ གདོང་ཕྱོགས་ལུ་ ཆགས་ཏེ་ཡོདཔ་ལས་ དམག་འཁྲུག་དེ་གི་ཧེ་མར་ ཨོ་མཱན་དང་ ཨི་རཱན་ ༢ འཛམ་གླིང་ནང་ མར་ཁུ་དང་ རང་བཞིན་རྫས་རླངས་ཚུ་ བརྒྱ་དཔྱ་ ༥ ལས་ ༡ བཀྲམ་སྤེལ་འབདཝ་ཨིན་རུང་ ད་རེས་ནངས་པ་ ཨི་རཱན་གྱིས་ མང་ཤོས་ཅིག་ར་ བཀག་ཆ་འབད་དེ་ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ།
ཨི་རཱན་གྱིས་ བྷ་རེན་ལུ་ཡོད་མི་ ཡུ་ཨེཛ་དམག་སྡེའི་ མངོན་གསལ་འཕྲུལ་ཆས་རིམ་ལུགས་ལུ་ གནོད་འཚུབ་བཀལ་ཡོདཔ།

Related

མ་ནི་ལ་ལུ་ ཤར་ལྷོ་ཨེ་ཤི་ཡའི་ རྒྱལ་ཁམས་ཚོགས་པའི་ དབུ་ཁྲིད་ཞལ་འཛོམས།
རོའི་ཊརཛ། སྤྱི་ཟླ་ ༡༡ པའི་ཚེས་ ༡༥ ལས་ འགོ་བཙུགས་ཏེ་ མ་ནི་ལ་ལུ་ ཤར་ལྷོ་ཨེ་ཤི་ཡའི་ རྒྱལ་ཁམས་ཚོགས་པའི་ དབུ་ཁྲིད་ཞལ་འཛོམས་ འཚོགས་གནང་ནི་ཨིནམ་ད་ ཞལ་འཛོམས་དེ་ཡང་ མི་ཡཱན་མར་ དྲག་པོའི་དམག་སྡེའི་ རྒྱབ་སྐྱོར་ཐོག་གི་ འགོ་ཁྲིདཔ་ཚུ་ ཆེ་མཐོའི་ཞལ་འཛོམས་ཚུ་ནང་ གྲལ་གཏོགས་འབད་ནི་མེདཔ་སྦེ་ ལོ་ངོ་ ༥ གི་རིང་ལུ་ བཀག་དམ་འབད་དེ་ཡོད་མི་དེ་ གུ་ཡངས་གཏང་ནིའི་སྐོར་ལས་ཨིན་པས། མི་ཡཱན་མར་གྱི་ ཁ་ཐུག་ལས་ ཚོགས་པ་དེ་ལུ་ ཨུ་ཚུགས་རྐྱབ་དོ་ཡོདཔ་ད་ མཐའ་ཡས་ལེན་དང་ རྒྱལ་ཁབ་གཞན་དག་པ་ཅིག་གིས་ མི་ཡཱན་མར་ལུ་ ནང་འཁྲུག་ལང་སྟེ་ཡོད་རུང་ མི་ཡཱན་མར་དང་གཅིག་ཁར་ འབྲེལ་བ་འཐབ་ནི་ ཡར་སེང་འབད་ནུག། ཤར་ལྷོ་ཨེ་ཤི་ཡའི་ རྒྱལ་ཁམས་ཚོགས་པའི་ནང་ མི་ཡཱན་མར་གྱི་ དམིགས་བསལ་ངོ་ཚབ་དང་ ཕི་ལི་པིན་གྱི་ ཕྱི་འབྲེལ་དྲུང་ཆེན་ མ་ཐེ་རེ་ས་ ལ་ཛ་རོ་གིས་འབད་བ་ཅིན་ བསྐྱར་ཞིབ་ཟིན་བྲིས་དང་ འདུམ་འགྲིག་ཐོག་ལུ་ཡོད་མི་ དོན་ཚན་ ༥ འབད་མི་ མོས་མཐུན་གྱི་ གནད་དོན་ཁག་དག་པ་ཅིག་ ཤར་ལྷོ་ཨེ་ཤི་ཡ་ རྒྱལ་ཁམས་ཚོགས་པའི་ འགོ་ཁྲིདཔ་ཚུ་ལུ་ གསལ་བཤད་ཕུལ་ནི་ཨིནམ་སྦེ་ བཤདཔ་ཨིནཔ་ཟེར་ […]

ཡུ་ཨེཛ་གི་ གནམ་གྲུ་ཐང་ཚུ་ནང་ གནམ་གྲུ་ ༡༠,༠༠༠ དེ་ཅིག་ ནང་བསྐྱོད་དང་ ཕྱིར་ཐོན་འབད་ནི་ ཆ་མེད་བཏང་ཡོདཔ།
བི་བི་སི། སྤྱི་ཟླ་ ༡༡ པའི་ཚེས་ ༡༣ ལུ་ ཡུ་ཨེཛ་གི་ གནམ་གྲུ་ཐང་ཚུ་ནང་ གནམ་གྲུ་ ༡༠,༠༠༠ དེ་ཅིག་ ནང་བསྐྱོད་དང་ ཕྱིར་ཐོན་ཆ་མེད་བཏང་ཡོདཔ་ད་ དེ་ཡང་ ཌེལ་ཊ་མཁའ་འགྲུལ་དང་ ཨ་མི་རི་ཀཱན་ མཁའ་འགྲུལ་གྱིས་ གནམ་གྲུ་ ༢,༢༠༠ ལྷགཔ་ཅིག་དང་ ཡུ་ནའི་ཊེཌ་ མཁའ་འགྲུལ་གྱིས་ གནམ་གྲུ་ ༡,༨༠༠ དེ་ལས་ ས་འུཐ་ཝེཛ་གིས་གནམ་གྲུ་ ༡,༤༠༠ ཆ་མེད་བཏང་ནུག། ཡུ་ཨེཛ་གི་ སྐྱེལ་འདྲེན་དྲུང་ཆེན་ སི་ཨཱན་ཌ་ཕི་དང་ ནང་འཁོད་ཉེན་སྲུང་དྲུང་ཆེན་ མཱག་ཝེན་མུ་ལིན་ ༢ ཀྱིས་ གནམ་གྲུ་ཚུ་ དེ་སྦེ་ འཕུར་འགྲུལ་ཆ་མེད་བཏང་མི་དེ་ འཕྲུལ་ཆས་ཚུ་གི་ གནད་སྡུད་ཚུ་ ཐང་ཐིགས་གཅིག་སྦེ་ མེད་ནི་དེ་གིས་ཨིན་ཟེར་ བཤད་ཡོདཔ་ཨིན་པས། ཨིན་རུང་ གནམ་གྲུ་ཆ་མེད་ འགོ་བཙུགས་ཏེ་ དུས་ཡུན་ཆུ་ཚོད་ ༥ གི་རྒྱབ་ལས་ རྒྱལ་ཡོངས་ཀྱི་ གནས་ཚད་ཁར་ ནང་འཁོད་འཕུར་འགྲུལ་ཚུ་ སླར་ལོག་འཕུར་ཆོགཔ་སྦེ་ བཟོ་ཡོད་རུང་ འགྲུལ་པ་ལེ་ཤ་ཅིག་ […]

རྒྱ་གར་མ་ནི་པུར་ལུ་ གཡིབ་དམག་ཚུ་གིས་ རྐུ་གསོད་རྐྱབ་སྟེ་ མི་ ༤ དམར་བསད།
ཨེན་ཌི་ཊི་ཝི། སྤྱི་ཟླ་ ༡༡ པའི་ཚེས་ ༡༣ ལུ་ རྒྱ་གར་མ་ནི་པུར་ལུ་ མི་རིགས་ཀྱི་ རྩུབ་སྤྱོད་ཚུ་ ལོག་སྟེ་ར་ འགོ་བཙུགས་ཡོདཔ་བཞིན་དུ་ དོགས་པ་ཅན་གྱི་ གཡིབ་དམག་ཚུ་གིས་ ཨིམ་ཕཱལ་དང་ ཨུཁ་རུལ་གྱི་ ལམ་བདའ་སྟེ་ ནིའུ་ཧེ་ཝེན་ལུ་ འགྲུལ་སྐྱོད་འབད་མི་ སྣུམ་འཁོར་ ༢ ལུ་ རྐུ་གསོད་རྐྱབ་སྟེ་ མི་ ༤ དམར་བསད་འབད་ནུག། རྐྱེན་ངན་དེ་ནང་ ཤི་རྐྱེན་བྱུང་མི་ཚུ་ཡང་ ཤང་ཤག་གཡུས་ཚན་ནང་སྡོད་མི་ ཀ་སྤང་ཁུའི་ ཨར་ཨེཛ་དང་ ཧའོ་ལེ་ལ་ཨར་ཨེཛ་ དེ་ལས་ ཏ་ཤར་གཡུས་ཚན་ནང་སྡོད་མི་ ཨ་གཱཛ་ངག་ལུང་དང་ ཁཱན་མི་ལ་ཚུ་ཨིན་པས། ཤང་ཤག་ལས་ཨིན་མི་ ཉམས་རྒུདཔ་ ༢ པོ་དེ་ སྤུན་ཆ་ཨིནམ་ད་ རྟ་ཤར་ལས་ཨིན་མི་ ཉམས་རྒུདཔ་ ༢ པོ་དེ་ ཨའི་དང་ བུ་ཨིནམ་ད་ དེ་བསྒང་ ཉམས་རྒུདཔ་ ༢ མ་རུ་ཏི་ སུ་ཡིཕཊ་ནང་ གཞན་མི་ ༢ པོ་དེ་ བོ་ལི་རོ་ནང་ཡོདཔ་སྦེ་བཀོད་ནུག། […]

Leave a Reply