མཆོད་རྟེན་ ༡༠༨ གསར་བཞེངས་དུས་སྟོན་གྱི་ ཚད་འཛིན་ཅན་གྱི་ གསེར་གྱི་ཤོག་བྱང་།

སྤྱི་ལོ་ ༢༠༢༦ སྤྱི་ཟླ་ ༡༡ པའི་ཚེས་ ༡ ལུ་ དགེ་ལེགས་ཕུག་ དྲན་ཤེས་ཁྲོམ་ཚོགས་ནང་ ཁྲོམ་ཚོགས་དེ་ ཁྱད་དུ་འཕགས་པའི་ གོམ་པ་མདུན་སྤོའི་ བརྡ་མཚོན་ལུ་ མཐོ་ཚད་མི་ཊར་ ༡༥ རེ་འབད་མི་ བྱང་ཆུབ་མཆོད་རྟེན་ ༡༠༨ ཉིནམ་གཅིག་ནང་ གསར་བཞེངས་གནང་ནི་ཨིན་མི་ འབྱུང་རབས་ཅན་གྱི་ དུས་སྟོན་ལུ་ པདྨ་འབྲུག་བྷུ་ཊཱན་ ཁྲལ་ཡངས་མཛོད་ཁང་གིས་ ཚད་འཛིན་ཅན་གྱི་ མཆོད་རྟེན་ ༡༠༨ ཀྱི་ དུས་དྲན་གསེར་གྱི་ཤོག་བྱང་ གསར་བཏོན་འབད་ནི་ཨིན་པས།
མཆོད་རྟེན་ ༡༠༨ པོ་གིས་ ཡ་མཚན་ཆེ་བའི་ ཡིད་ཆེས་དང་ གཅིག་སྒྲིལ་ མཉམ་བསྡོམས་རྩོན་ཤུགས་ཚུ་གིས་ བརྡ་མཚོན་ཨིནམ་ད་ མཆོད་རྟེན་དེ་ཚུ་ ཉིནམ་གཅིག་ནང་ དུས་མཉམ་ལུ་ གསར་བཞེངས་གནང་ནི་དེ་ དགེ་ལེགས་ཕུག་ དྲན་ཤེས་ཁྲོམ་ཚོགས་ཀྱི་ མདུན་སྐྱོད་ནང་ ངེས་གསལ་ཅན་གྱི་ དུས་སྐབས་ཅིག་ཨིན་མི་དེ་ཡང་ མ་འོངས་མི་རབས་ཚུ་གིས་ རྗེས་དྲན་གྱི་ བགོ་སྐལ་ཅིག་ཨིན་ཟེར་ གནས་ཚུལ་གསར་བཏོན་ནང་བཀོད་ནུག།
འབྱུང་རབས་ཅན་གྱི་ དུས་སྐབས་རྗེས་དྲན།
གསེར་གྱི་ཤོག་བྱང་དེ་ དམིགས་བསལ་གྱིས་ སྤྱི་ཟླ་ ༡༡ པའི་ཚེས་ ༡ གི་ དུས་དྲན་དོན་ལུ་ གསར་བསྐྲུན་འབད་ཡོདཔ་ད་ དེ་ཡང་ ཨང་གྲངས་ ༡༠༨ གུ་ མཆོད་རྟེན་གྱི་ གྲིབ་བརྙན་བཀོད་དེ་ཡོདཔ་ཨིན་པས།
ཤོག་བྱང་དེ་ སྤུས་དག་ཚད་གཞི་ ༩༩༩ འབད་མི་ གསེར་ག་རམ་གསུམ་ལས་ གསར་བསྐྲུན་འབད་ཡོད་མི་གུ་ དགེ་ལེགས་ཕུག་ དྲན་ཤེས་ཁྲོམ་ཚོགས་ཟེར་བའི་ མིང་གནས་དང་ དུས་སྟོན་གྱི་ ཚེས་གྲངས་ཚུ་ བཀོད་དེ་ཡོདཔ་ད་ ཚད་འཛིན་ཅན་གྱི་ གསེར་གྱི་དུས་དྲན་ཤོག་བྱང་ཚུ་ སིངྒ་པོར་གྱི་ ཏི་རུའི་དཔར་བསྐྲུན་ཁང་དང་ མཉམ་འབྲེལ་ཐོག་ལས་ གསར་བསྐྲུན་འབད་ནུག།
བྱང་ཆུབ་མཆོད་རྟེན་ ༡༠༨ ཉིནམ་གཅིག་ནང་ གསར་བཞེངས་གནང་པའི་ ཡ་མཚན་ཅན་གྱི་ རྗེས་དྲན་ལུ་ གསེར་གྱི་ཤོག་བྱང་ ༣༠༠ རྐྱངམ་གཅིག་ བཀྲམ་སྤེལ་འབད་ནི་ཨིན་པས།
པདྨ་འབྲུག་བྷུ་ཊཱན་ ཁྲལ་ཡངས་མཛོད་ཁང་གི་ བཀོད་ཁྱབ་གཙོ་འཛིན་འགོ་དཔོན་ མེ་རི་ཨཱན་ལི་ཡའོ་གིས་འབད་བ་ཅིན་ མཆོད་རྟེན་ ༡༠༨ ཉིནམ་གཅིག་ནང་ གསར་བཞེངས་གནང་ནི་དེ་ ངོ་མཚར་རྨད་དུ་བྱུང་བའི་ གྲབ་འབྲས་ལས་ཡང་ལྷག་དོ་ཡོདཔ་ད་ དེ་ཡང་ བརྩོན་ཤུགས་དང་ གཅིག་བསྒྲིལ་ དགེ་ལེགས་ཕུག་ དྲན་ཤེས་ཁྲོམ་ཚོགས་ཀྱི་ སྤྱི་རུབ་འཆར་སྣང་ཚུ་གི་ དུས་སྟོན་བརྩི་སྲུང་གི་ བརྡ་མཚོནམ་ལས་ མི་སེར་ཚུ་གིས་ མི་རབས་ལས་མི་རབས་ཀྱི་བར་ན་ རྗེས་སུ་དྲན་ནི་དང་ བདག་འཛིན་རྩ་ཅན་སྦེ་ འཐབ་ནིའི་དོན་ལུ་ གསེར་གྱི་ཤོག་བྱང་དེ་ གསར་བསྐྲུན་འབད་ཡི་ཟེར་ཨིན་པས།

གསེར་གྱི་ཤོག་བྱང་དེ་ སྤྱི་ལོ་ ༢༠༢༦ སྤྱི་ཟླ་ ༡༡ པའི་ཚེས་ ༡ ལས་ ཡོངས་འབྲེལ་འཆར་སྒོ་ www.bdfl.bt དང་ པདྨ་འབྲུག་བྷུ་ཏཱན་ཁྲ ལ་ཡངས་མཛོད་ཁང་ནང་ལས་ འཐོབ་ཚུགས་ནི་ཨིནམ་བཞིན་དུ་ དོགས་དཔྱད་ཀྱི་དོན་ལུ་ ཡོངས་འབྲེལ་ཁ་བྱང་ info@bdfl.bt ཐོག་ལས་ དྲི་བ་ཚུ་ བཀོད་གནང་དགོཔ་ཨིན་པས།
པདྨ་འབྲུག་བྷུ་ཊཱན་ ཁྲལ་ཡངས་མཛོད་ཁང་།
པདྨ་འབྲུག་བྷུ་ཊཱན་ ཁྲལ་ཡངས་མཛོད་ཁང་དེ་ འབྲུག་ཁྲལ་ཡངས་ཚད་འཛིན་གྱིས་ ལག་ལེན་ཐོག་ལུ་ཡོད་པའི་ ཁྲལ་ཡངས་བསིལ་ཚོང་ཅིག་ཨིནམ་ད་ དེ་ཡང་ ཐིམ་ཕུ་སི་ཊི་བུ་ཊིག་དང་ སྤ་རོ་རྒྱལ་སྤྱི་གནམ་གྲུ་ཐང་ (ཕྱིར་བསྐྱོད་དང་ནང་བསྐྱོད་) དེ་ལས་ ཕུན་ཚོགས་གླིང་དང་ དགེ་ལེགས་ཕུག་ དྲན་ཤེས་ཁྲོམ་ཚོགས་ནང་ ཆོས་སྒོ་སྒྲིང་ཁྱིམ་ཚུ་ནང་ གཞི་གནས་འབད་དེ་ཡོདཔ་ད་ དེ་ཚུ་གིས་ འབྲུག་གི་ཁྱད་ཆོས་ཅན་གྱི་ ཅ་དངོས་དང་ རྒྱལ་སྤྱིའི་ངོ་རྟགས་ཅན་གྱི་ ཅ་དངོས་ཚུ་ བསིལ་ཚོང་འཐབ་དོ་ཡོདཔ་ཨིན་པའི་གནས་ཚུལ།