རང་ཟླ་ ༩ པའི་ཚེས་ ༡༡ སྤྱི་ཟླ་ ༡༠ པའི་ཚེས་ ༢༢ ལུ་ སྐྱབས་རྗེ་རྗེ་མཁན་རིན་པོ་ཆེ་མཆོག་གིས་ དགེ་ལེགས་ཕུག་ དྲན་ཤེས་ཁྲོམ་ཚོགས་ནང་ བདེ་བ་ཅན་གྱི་ཞིང་བཀོད་ གསར་བཞེངས་ཀྱི་དོན་ལུ་ ས་བསླང་རྟེན་འབྲེལ་ མཛད་གནང་ནུག།
དེ་ཡང་ མི་དབང་མངའ་བདག་རིན་པོ་ཆེ་མཆོག་གི་ ཐུགས་བསྐྱེད་ཟབ་མོ་ལས་འཁྲུངས་པའི་ དགེ་ལེགས་ཕུག་ དྲན་ཤེས་ཁྲོམ་ཚོགས་ནང་ ནང་པ་སངས་རྒྱས་པའི་ གཙུག་ལག་ཁང་ཁྱད་པར་ཅན་ མང་རབས་ཅིག་ གསར་བཞེངས་གནང་དགོ་པའི་ བཀའ་རྒྱ་གནང་མི་དང་འཁྲིལ་ཏེ་ གཞུང་གྲྭ་ཚང་གི་ གཙུག་ལག་སློབ་དཔོན་མཆོག་གིས་ འགོ་འདྲེན་མཛདདེ་ ས་གནས་དཀོན་མཆོག་ཆོས་གླིང་ལུ་ བདེ་བ་ཅན་གྱི་ཞིང་ཁམས་ གསར་བཞེངས་གནང་ནི་ཨིན་པས།
ས་རྒྱ་ཨེ་ཀར་ ༣༠ ལྷགཔ་ཅིག་གི་ ས་ཁོངས་ནང་ བཞེངས་གནང་ནི་ཨིན་པའི་ བདེ་བ་ཅན་གྱི་ཞིང་བཀོད་འདི་ མགོན་པོ་འོད་དཔག་མེད་ཀྱི་ དག་པའི་ཞིང་ཁམས་ ཉམས་དགའ་བ་དང་ བྱིན་ཆགས་པ་ འོད་དཔག་མེད་ཀྱི་ ཉམས་ལེན་དང་ སྒྲུབ་པ་གནང་སའི་ ཆོས་ཁང་ལ་སོགས་པ་ རྟེན་དང་བརྟེན་པ་བཅས་པ་ བཞེངས་གནང་ནི་ཨིནམ་སྦེ་ གནས་ཚུལ་གསར་བཏོན་ཅིག་ནང་བཀོད་ནུག།
དེ་མ་ཚད་ སྐྱབས་རྗེ་རིན་པོ་ཆེ་མཆོག་ དགེ་ལེགས་ཕུག་ རྒྱལ་སྤྱི་གནམ་གྲུ་ཐང་ལུ་ཡང་ ཞབས་སོར་འཁོད་དེ་ ཐུགས་སྨོན་དང་ ཕྱག་འབྲུ་ཚུ་ གནང་ཐོག་ལས་ རྟེན་འབྲེལ་གྱི་ དགེ་མཚན་འོད་སྟོང་འབར་བ་ མཛད་གནང་ཡོད་པའི་གནས་ཚུལ།
སྐྱབས་རྗེ་རིན་པོ་ཆེ་མཆོག་གིས་ དགེ་ལེགས་ཕུག་ལུ་ བདེ་བ་ཅན་གྱི་ཞིང་བཀོད་ གསར་བཞེངས་ཀྱི་དོན་ལས་ ས་བསླང་རྟེན་འབྲེལ་ མཛད་གནང་ཡོདཔ།
gyalchi · 1 min read
Related
མི་དབང་ཞབས་དང་ མི་དབང་རྒྱལ་བཙུན་མཆོག་གིས་ ད་སའི་དུས་སྟོན་ བརྩི་སྲུང་ནང་ དབུ་བཞུགས་མཛད་གནང་ཡོདཔ།
སྤྱི་ཟླ་ ༡༠ པའི་ཚེས་ ༢༡ ལུ་ མི་དབང་མངའ་བདག་རིན་པོ་ཆེ་དང་ མི་དབང་རྒྱལ་བཙུན་མཆོག་གིས་ ཐིམ་ཕུ་དེ་ཝི་པཱན་ཅ་ཡཱན་ ལྷ་ཁང་ནང་སྦེ་ ད་སའི་དུས་སྟོན་ བརྩི་སྲུང་ནང་ དབུ་བཞུགས་མཛད་གནང་ཡོདཔ་ད་ དེ་བསྒང་ ལྷ་ཁང་ནང་ ཐུགས་སྨོན་ཚུ་ གནང་ཡོདཔ་མ་ཚད་ མི་སེར་ཚུ་ལུ་ ད་སའི་ཌི་ཀ་ཚུ་ཡང་གནང་ནུག། འབྲུག་ལུ་ ད་སའི་ཟེར་མི་ དུས་སྟོན་དེ་ བཟའ་ཚང་ཚུ་གིས་ རང་སོའི་ནང་མི་ རྒན་རྒས་ཚུ་ལས་ དངོས་གྲུབ་ཞུ་བའི་ དུས་སྐབས་ཅིག་ཨིནམ་ད་ དེ་ཡང་ ཧིན་དུའི་ཆོས་ལུགས་ནང་ བསྔགས་བརྗོད་ཅན་གྱི་ ཆོས་ཀྱི་རྒྱལཔོ་དགའ་བྱེད་ཀྱི་ སྲིན་པོའི་རྒྱལཔོ་ ལངྐ་མགྲིན་བཅུ་པ་ལས་ རྒྱལ་ཁ་ཐོབ་པའི་ རྗེས་དྲན་དུས་སྟོན་སྦེ་ བརྩི་སྲུང་ཞུཝ་ཨིན་པས། མི་དབང་མངའ་བདག་རིན་པོ་ཆེ་དང་ མི་དབང་རྒྱལ་བཙུན་མཆོག་ མི་སེར་ཚུ་དང་གཅིག་ཁར་ ད་སའི་དུས་སྟོན་ བརྩི་སྲུང་གི་དོན་ལས་ ལྷན་བཞུགས་གནང་མི་དེ་གིས་ མི་དབང་མཆོག་དང་ འབྲུག་གི་མི་སེར་ཚུ་གི་བར་ན་ བཟའ་ཚང་གཅིག་བཟུམ་མའི་ གཏིང་གཟབ་ཆེ་བའི་ འདུ་ཤེས་དང་འབྲེལ་བའི་ བརྡ་མཚོན་སྟོནམ་ཨིན་པའི་གནས་ཚུལ། Share Facebook Messenger WhatsApp Telegram X Copy link […]
མི་དབང་རྒྱལ་སྲས་ འཇིགས་རྒྱལ་ཨྱོན་དབང་ཕྱུག་མཆོག་གིས་ རྒྱལ་སྤྱི་རྐང་རྩེད་ཚོགས་པའི་གཙོ་འཛིན་ གི་ཨ་ནི་ཨིན་ཕཱན་ཊི་ནོ་ལུ་ མགྲོན་སྐྱོང་མཛད་གནང་ཡོདཔ།
པདྨ་དབང་འདུས། སྤྱི་ཟླ་ ༡༠ པའི་ཚེས་ ༡༩ ལུ་ མི་དབང་རྒྱལ་སྲས་ འཇིགས་རྒྱལ་ཨྱོན་དབང་ཕྱུག་མཆོག་གིས་ རྒྱལ་སྤྱི་རྐང་རྩེད་ཚོགས་པའི་གཙོ་འཛིན་ གི་ཨ་ནི་ཨིན་ཕཱན་ཊི་ནོ་ལུ་ འབྲུག་གི་སྔར་ཁྱུན་ལམ་སྲོལ་དང་ རང་ལུགས་རྩེད་རིགས་ དེ་ལས་ ཡོངས་གྲགས་ཅན་གྱི་ མགྲོན་སྐྱོང་ཐོག་ལས་ བསུ་བ་དང་འབྲེལ་བའི་ གསོལ་སྟོན་ཅིག་ མཛད་གནང་ནུག། གཙོ་འཛིན་ཨ་ནི་ཨིན་ཕཱན་ཊི་ནོ་དེ་ མི་དབང་རྒྱལ་སྲས་མཆོག་གིས་ ཆེད་བསྟོད་དང་ གུས་བཀུར་གྱི་ བརྡ་མཚོན་པའི་ འབྱོན་ལེགས་ཀྱི་ ཁ་དར་དང་ ཆིབས་གྲལ་ཐོག་ལས་ བསུ་བ་མཛད་གནང་ཡོདཔ་ད་ གསོལ་སྟོན་གྱི་སྐབས་ལུ་ ང་བཅས་རའི་ རྒྱལ་ཁབ་ཀྱི་ ལམ་སྲོལ་བཟང་པོ་དང་ ངོ་རྟགས་ཚུ་ དངོས་མཐོང་ཉམས་མྱོང་གི་དོན་ལུ་ ལམ་སྲོལ་ཅན་གྱི་ གླུ་གར་གྱི་ལྟདམོ་ཅིག་ཡང་ འགོ་འདྲེན་འཐབ་གནང་ཡོདཔ་ཨིན་པས། རྒྱལ་སྤྱི་རྐང་རྩེད་ཚོགས་པའི་ གཙོ་འཛིན་ལུ་ འབྲུག་ཨོ་ལིམ་པིག་ཚོགས་ཆུང་དང་ རྒྱལ་ཡོངས་རྩེད་རིགས་ཚོགས་པ་ཁག་གི་ གཙོ་འཛིན་ཚུ་དང་ བཀོད་ཁྱབ་འཐུས་མི་ཚུ་ དེ་ལས་ གཞན་ཡང་ འགོ་དཔོན་ཚུ་དང་བཅས་པའི་ འབྲུག་གི་རྩེད་རིགས་མི་སྡེའི་ ངོ་ཚབ་ཚུ་གིས་ གྲལ་གཏོགས་གཅིག་སྒྲིལ་གྱི་སྒོ་ལས་ ཕེབས་བསུ་ཞུ་ནུག། དེ་བསྒང་ རྒྱལ་སྤྱི་རྐང་རྩེད་ཚོགས་པའི་གཙོ་འཛིན་ ཨིན་ཕཱན་ཊི་ནོ་ལུ་ འབྲུག་གི་རང་ལུགས་རྩེད་རིགས་ མདའ་རྩེད་དང་ ཁུ་རུ་ […]
མི་དབང་མངའ་བདག་རིན་པོ་ཆེ་མཆོག་དང་ མི་དབང་རྒྱལ་བཙུན་མཆོག་གིས་ རྒྱལ་འཛིན་ད་ས་ཡིན་ ཊི་ཀ་ལུ་ བྱིན་གྱིས་བརླབས་གནང་ཡོདཔ།
སྤྱི་ཟླ་ ༡༠ པའི་ཚེས་ ༡༧ ལུ་ མི་དབང་མངའ་བདག་རིན་པོ་ཆེ་དང་ མི་དབང་རྒྱལ་བཙུན་མཆོག་གིས་ རྒྱལ་ཁབ་ནང་འཁོད་ཀྱི་ རྫོང་ཁག་ ༢༠ ག་རའི་ནང་ བཀྲམ་སྤེལ་གྱི་དོན་ལས་ ལྷ་མོ་རྫོང་གཉེར་མའི་ དུས་སྟོན་གྱི་ རྒྱལ་འཛིན་ད་ས་ཡིན་ ཊི་ཀ་ལུ་ བྱིན་གྱིས་བརླབས་གནང་ནུག། ད་ས་ཡིན་དེ་ འབྲུག་གི་ཧི་དུའི་མི་སྡེ་ནང་ གལ་གནད་ཆེ་བའི་ དུས་སྟོན་ཅིག་ཨིནམ་ད་ དེ་ཡང་ རྒྱལ་ཁབ་ནང་གི་ ཧིན་དུའི་ལྷ་ཁང་ཚུ་ནང་ ཉིན་གྲངས་ ༡༠ གྱི་རིང་ལུ་ གསུང་ཆོག་ཚུ་གནངམ་ཨིན་པས། དེ་སྦེ་ དུས་སྟོན་གྱི་ གསུང་ཆོག་ཚུ་ མཇུག་བསྡུ་བའི་ཤུལ་ལུ་ ཊི་ཀ་ཟེར་ ཆུམ་དང་ ཞོ་ ཚོས་གསར་ཚུ་ སླ་བསྲེས་ཏེ་ བཟའ་ཚང་ནང་མི་ཚུ་གི་ དཔྱལ་བ་ལུ་ སྦྱར་སྲོལ་ཡོདཔ་ད་ དེ་ཡང་ དཔྱལ་བར་ཊི་ཀ་ཐོབ་མི་ཚུ་ལུ་ ལྷ་མོ་རྫོང་གཉེར་མའི་ བྱིན་རླབས་ལུ་བརྟེན་ཏེ་ འགལ་རྐྱེན་བར་ཆད་ཚུ་ལས་ སྲུང་སྐྱོབ་འབད་བའི་ བརྡ་མཚོན་སྟོནམ་ཨིན་ཟེར་བཀོད་ནུག། དེ་བཟུམ་མའི་ རྒྱལ་འཛིན་ཊི་ཀའི་ ལམ་སྲོལ་གྱི་ཐེད་ཁར་ རྒྱལ་ཁབ་མཐའ་དབུས་ག་རའི་ནང་ བཀྲམ་སྤེལ་འབད་མི་དེ་གིས་ མི་སེར་ཚུ་ལུ་ འབྲུག་བརྒྱུད་འཛིན་གྱི་ མངའ་བདག་རྒྱལ་པོ་མཆོག་གིས་ […]
Leave a Reply