སྤྱི་ཟླ་ ༨ པའི་ཚེས་ ༢༩ གི་དྲོ་པ་ ནོར་ཝེའི་རྒྱལཔོ་ ཧ་རཱལཌ་ ༥ པ་ གཤགས་མིའི་དོན་ལུ་ བཀྲིས་ཆོས་རྫོང་གི་ ཀུན་དགའ་རའི་ནང་ དམིགས་བསལ་གྱི་ མར་མེ་སྟོང་མཆོད་ ཕུལ་ཐོག་ལས་ སྨོན་ལམ་ཚུ་གནང་ནུག།
དེ་ཡང་ མི་དབང་མངའ་བདག་རིན་པོ་ཆེ་དང་ མི་དབང་འབྲུག་རྒྱལ་བཞི་པ་མཆོག་གིས་ དབུ་གཙོས་པའི་ མི་དབང་རྒྱལ་ཡུམ་ ཚེ་རིང་དབྱངས་སྒྲོན་དབང་ཕྱུག་མཆོག་དང་ སྐུ་འཁོར་ལྷན་རྒྱས་ཀྱིས་ མར་མེ་སྟོང་མཆོད་ ཕུལ་གནང་ནི་དང་གཅིག་ཁར་ ཐུགས་སྨོན་ཚུ་ཡང་ གནང་ཡོདཔ་ཨིན་པས།
དེ་བསྒང་ མི་རྗེ་བློན་ཆེན་དང་ གཞུང་གི་ཆེ་མཐོའི་འགོ་དཔོན་ དེ་ལས་ ནོར་ཝེའི་དོན་ལུ་ འབྲུག་གི་སྐུ་ཚབ་བགྲེསཔ་དང་ འབྲུག་གི་དོན་ལུ་ ནོར་ཝེའི་སྐུ་ཚབ་ཚུ་གིས་ཡང་ གྲལ་གཏོགས་འབད་ནུག།
