དྲག་ཤོས་གཟིམ་དཔོན་ རྡོ་རྗེ་རྒྱལ་མཚན་གྱི་སྤུར་སྦྱང་།

སྤྱི་ཟླ་ ༧ པའི་ཚེས་ ༢༩ ལུ་ མི་དབང་འབྲུག་རྒྱལ་བཞི་པ་མཆོག་གི་གཟིམ་དཔོན་ དྲག་ཤོས་རྡོ་རྗེ་རྒྱལ་མཚན་གཤགས་མིའི་ སྐུ་ཕུང་དེ་ རྒྱལ་ཁམས་ཀྱི་ སྤུར་སྦྱང་མཛད་ཡོདཔ་ད་ དེ་བསྒང་ རྒྱལ་གཞུང་འབྲུག་གི་དམག་སྡེའི་ཁ་ཐུག་ལས་ ཆེ་བསྟོད་བསྟི་སྭ་ཞུ་སྟེ་ སྤུར་སྦྱང་གི་ མཛད་སྒོ་ཚུ་ སྐྱབས་རྗེ་རྗེ་མཁན་རིན་པོ་ཆེ་མཆོག་གིས་ མཛད་གནང་ནུག།
དྲགོས་གཟིམ་དཔོན་ རྡོ་རྗེ་རྒྱལ་མཚན་གྱིས་ སྤྱི་ལོ་ ༡༩༦༣ ལུ་ སྐུ་སྲུང་ནང་ འཛུལ་ཞུགས་འབད་བའི་ཤུལ་ལས་ འབྲུག་རྒྱལ་བཞི་པ་མཆོག་གི་ཞབས་སར་ ཕྱག་ཕྱིད་ཞུ་ནི་ འགོ་བཙུགས་ཡོདཔ་ད་ སྤྱི་ལོ་ ༡༩༧༢ ལུ་ མི་དབང་འབྲུག་རྒྱལ་གསུམ་པ་མཆོག་གིས་ དཔོན་གཉིས་སྐལ་མའི་ གོ་གནས་ཐོག་ལུ་ འབུ་རས་དམརཔོ་ གནང་ཡོདཔ་ཨིན་པས།
དྲག་ཤོས་ཀྱིས་ རྒྱལ་པོའི་གཟིམ་དཔོན་སྦེ་ ལོ་ངོ་ ༣༤ གི་རིང་ལུ་ ཕྱག་ཞུ་ཡོདཔ་ད་ སྤྱི་ལོ་ ༢༠༢༡ ལོར་ མི་དབང་མངའ་བདག་རིན་པོ་ཆེའི་ཞབས་ལས་ འབྲུག་ཐུགས་སྲས་ཀྱི་ རྟགས་མ་ཡང་གནང་ནུག།
དྲགོས་གཟིམ་དཔོན་ རྡོ་རྗེ་རྒྱལ་མཚན་དེ་ དགུང་ལོ་ ༨༣ བཞེས་པའི་ སྤྱི་ཟླ་ ༧ པའི་ཚེས་ ༡༤ ལུ་ གཤགས་ཡོད་པའི་གནས་ཚུལ།