ནེ་པཱལ་ལུ་ རྒྱལ་བརྒྱུད་རིང་ལུགས་ལུ་ རྒྱབ་སྐྱོར་ཡོད་མི་ཚུ་ སྤུངས་འཛོམས་སྐབས་ལུ་གནོད་འཚེ།

རོའི་ཊརཛ།
སྤྱི་ཟླ་ ༣ པའི་ཚེས་ ༢༩ ལུ་ ནེ་པཱལ་གྱི་ བློན་པོ་ཅིག་གིས་་ རྒྱལ་ཁབ་ནང་ རྒྱལ་བརྒྱུད་རིང་ལུགས་ ལོག་བཙུགས་ནི་ལུ་ རྒྱབ་སྐྱོར་འབད་མི་ཚུ་ སྤུངས་འཛོམས་འབདཝ་ད་ ཚེ་སྲོག་ལུ་ ཉེན་ཁ་ཡོད་པའི་ འབྲེལ་ཟིང་ཐོན་མི་ལུ་ གཞུང་གི་ཁ་ཐུག་ལས་ ཞིབ་དཔྱད་འབད་དོ་ཟེར་ཨིན་པས།
དེ་ཡང་ རྒྱལ་བརྒྱུད་རིང་ལུགས་ལུ་ རྒྱབ་སྐྱོར་འབད་མི་ཚུ་ སྤུངས་འཛོམས་འབད་བའི་སྐབས་ལུ་ མི་ཚུ་གིས་ རྒྱལ་ས་ཀཱཋ་མཱན་ཌུ་ལུ་ སྤྱི་ཚོགས་ཀྱི་ སྒྲིང་ཁྱིམ་གུ་ རྡོ་ཚུ་བཀོགཝ་ལས་ མི་ ༢ ལུ་ ཤི་རྐྱེན་དང་ ཉེན་སྲུང་དམག་མི་ ༧༧ བརྩིས་ཏེ་ མི་གྲངས་ ༡༡༢ ལུ་ རྨ་སྐྱོན་བྱུང་ནུག།
དེ་སྦེ་ སྤུངས་འཛོམས་ཐོག་ལས་ གཞུང་ལུ་ ངོ་རྒོལ་འབད་མི་ཚུ་གིས་ སྡོད་ཁྱིམ་དང་ ཚོང་ཁང་ སྨན་ཁང་ དེ་ལས་ སྲིད་ཚོགས་ཀྱི་ ཡིག་ཚང་དང་ སྣུམ་འཁོར་ཚུ་ལུ་ གནོད་འཚུབ་བཀལ་ཡོདཔ་ཨིན་པས།
དེ་བཟུམ་མའི་ སྤུངསའཛོམས་དང་ བྱ་ངན་དེ་དང་འབྲེལ་བ་ཡོད་མི་ མི་གྲངས་ ༡༠༥ དོ་དམ་འོག་ལུ་ བཞག་ཡོདཔ་སྦེ་ རྫོང་ཁག་གཙོ་འཛིན་འགོ་དཔོན་ རི་ཤི་རམ་ ཏི་ཝ་རི་གིས་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།