སི་ཨེན་ཨེན།
ཨཱཛ་ཊེ་ལི་ཡའི་མངའ་སྡེ་ ཀུ་ཡིནཛ་ལེན་ལུ་ སྔོན་ཆད་མ་བྱུང་པའི་ ཆར་ཤུགས་ལུ་བརྟེན་ཏེ་ ས་ཆ་ལེ་ཤ་ཅིག་ར་ ཆུ་གིས་གང་སྟེ་ཡོདཔ་ལས་ སྣུམ་འཁོར་ཚུ་ འགྲུལ་བསྐྱོད་འབད་མ་ཚུགས་པའི་ དཀའ་ངལ་ཡོདཔ་ཨིན་པས། .
ཆར་ཆུ་དེ་གིས་ གཙང་ཆུ་ཚུ་བྲེས་ཏེ་ གཙང་ཆུའི་སྦོ་ལོགས་ཁར་ སྡོད་མི་ཚུ་ སྤོ་འགྱོ་དགོཔ་ བྱུང་ཡོདཔ་མ་ཚད་ མངའ་སྡེའི་འགོ་དཔོན་ཚུ་གིས་ ས་ཞིང་དང་ སྒོ་ནོར་ ལོ་ཐོག་ཚུ་ལུ་ གནོད་པ་འབྱུང་ནི་ཨིན་པའི་སྐོར་ལས་ ཉེན་བརྡ་ཚུ་ཡང་སྤེལ་ནུག།
སྤྱི་ཟླ་ ༣ པའི་ཚེས་ ༢༨ ལུ་ ཀུ་ཡིནཛ་ལེན་གྱི་ གཙོ་འཛིན་བློན་པོ་ ཌེ་བིཌ་ ཀི་རིཛ་ཕུ་ལི་གིས་ དུས་ཚོད་མིན་པའི་ ཆར་ཤུགས་ལུ་བརྟེན་ཏེ་ ཇཱན་ཌ་དང་ སི་ཊཱོན་ཧེན་ཇི་ ཝིན་ཌོ་ར་ཟེར་མི་ ཁྲོམ་སྡེ་ཚུ་ནང་ དཀའ་ངལ་ཐོན་ཏེ་ཡོད་པའི་ཁར་ སོ་ནམ་ཞིང་ལཱ་ལུ་ཡང་ གནོད་པ་ཡོདཔ་ལས་ མངའ་སྡེའི་ཁ་ཐུག་ལས་ རྒྱབ་སྐྱོར་ཚུ་འབད་ནི་ལུ་ ཁས་ལེན་ཡོདཔ་སྦེ་ བཤད་ཡོདཔ་ཨིན་པས།
དེ་བཟུམ་མའི་ ཆར་རླུང་དང་ ཆར་ཤུགས་ཚུ་ ས་སྣུམ་སྤྱོད་མི་ལས་ཐོན་པའི་ བཙོག་རླུང་གིས་ འཛམ་གླིང་ནང་ དྲོད་ཤུགས་ཡར་སེང་ འགྱོ་དོ་ཡོདཔ་ལས་ གནམ་གཤིས་གནས་སྟངས་ཀྱི་ དཀའ་ངལ་ཡང་ ཚད་ལས་རྒལ་ཏེ་ འཐོན་དོ་ཡོདཔ་སྦེ་ བཀོད་འདུག་པའི་གནས་ཚུལ།
ཨཱཛ་ཊེ་ལི་ཡའི་མངའ་སྡེ་ ཀུ་ཡིནཛ་ལེན་ལུ་ ཆུ་རུད་ཀྱིས་གནོད་སྐྱོན།
Comments are closed.
Related
ཡུ་ཨེཛ་ལུ་ ར་ཤི་ཡའི་ ས་སྣུམ་ཌི་ཟེལ་ ནང་འདྲེན་འབད་ནི་ཨིན་པའི་ གསལ་བསྒྲགས་འབད་ཡོདཔ།
བི་བི་སི། ཨ་མི་རི་ཀའི་སྲིད་འཛིན་ ཌོ་ནཱལ་ཊཱམ་གྱིས་ ཡུ་ཨེཛ་ལུ་ ར་ཤི་ཡའི་ ས་སྣུམ་ཌི་ཟེལ་ ནང་འདྲེན་འབད་ནི་ཨིན་པའི་ གསལ་བསྒྲགས་འབད་མི་ལུ་ ཡུ་ཀེ་རེན་གྱི་སྲིད་འཛིན་ ཝོ་ལོ་ཌི་མིར་ ཟེ་ལེནཛ་ཀི་གིས་ སྐྱོན་བརྗོད་འབད་ནུག། དེ་མ་ཚད་ སྲིད་འཛི་ཟེ་ལེནཛ་ཀི་གིས་ བཤད་དོ་བཟུམ་འབད་བ་ཅིན་ དེ་སྦེ་ ཕྱད་མདའི་ནང་ མ་རྩ་བཙུགས་མི་དེ་ ར་ཤི་ཡའི་སྲིད་འཛིན་ ཝ་ལ་ཌི་མིར་ པུ་ཊིན་ལུ་ གསོལ་རས་སྦེ་ འོང་ནི་མས་ཟེར་ཨིན་པས། སྲིད་འཛིན་པུ་ཊིན་གྱིས་ ཨ་མི་རི་ཀ་དང་ འཛམ་གླིང་ཚོང་འབྲེལ་ནང་ དེ་འཕྲལ་ལས་ ས་སྣུམ་ཌི་ཟེལ་ ཊཱོན་ ༣༠༠,༠༠༠ དེ་ཅིག་ གཏོན་ནི་ཨིནམ་མ་ཚད་ སྤྱི་ཟླ་ ༡༡ པའི་ནང་ ཊཱོན་ ༥༠༠,༠༠༠ དང་ དེ་གི་ཤུལ་ལས་ ས་ཡ་ ༡ གཏོན་ནི་ཨིན་པའི་ ཁས་བླངས་ཡང་འབད་ནུག།
ཨི་ཊ་ལི་ལུ་ ཆང་བཟོ་འཕྲུལ་ཁང་ཅིག་གི་ནང་ལས་ ཡུ་རོ་ས་ཡ་ ༥ གནས་པའི་ ཆང་ཤེལ་དམ་ ༣༠,༠༠༠ ཨརཝ་ཤོར་ཡོདཔ།
བི་བི་སི། སྤྱི་ཟླ་ ༡༠ པའི་ཚེས་ ༩ ལུ་ ཨརཝ་ཚུ་གིས་ ཨི་ཊ་ལིའི་ མིང་གཏམ་ཅན་གྱི་ ཆང་བཟོ་འཕྲུལ་ཁང་ཅིག་གི་ནང་ལས་ གོང་ཚད་ཡུ་རོ་ས་ཡ་ ༥ དེ་ཅིག་གནས་པའི་ ཝ་ཡིན་ཟེར་མི་ ཆང་རིགས་ཤེལ་དམ་ ༣༠,༠༠༠ དེ་ཅིག་ ཨརཝ་བརྐུ་ནུག། ཨི་ཊ་ལིའི་ བཟའ་ཚང་གི་ བདག་དབང་ཐོག་ལུ་ ཆང་བཟོ་འཕྲུལ་ཁང་སྦོམ་ཤོས་ཅིག་ཨིན་མི་ མར་ཅེ་སི་ ཨེན་ཊི་ནོ་རི་ལས་སྡེ་གིས་ བཤད་དོ་བཟུམ་འབད་བ་ཅིན་ ཊཱཛ་ཀ་ནི་ལུ་ཡོད་པའི་ ཆང་བཟོ་འཕྲུལ་ཁང་གིས་ ཕྱི་རྒྱལ་གྱི་ ཚོང་མགྲོན་པ་ཚུ་ལུ་ གྲུ་གཟིངས་ཐོག་ལས་ གཏང་ནི་སྦེ་ གྲ་སྒྲིག་འབད་བའི་སྐབས་ལུ་ ཨརཝ་ཤོར་ཡི་ཟེར་ཨིན་པས། དེ་བསྒང་ གདོང་སྤུར་མི་ ཨར་ཇག་ཕོ་སྐྱེས་ ༧ གྱིས་ ཆང་བཟོ་འཕྲུལ་ཁང་ལས་སྡེའི་ དོ་སྐྱེལ་འཕྲུལ་ཆས་ཚུ་ ལག་ལེན་འཐབ་སྟེ་ གོང་ཚད་ཅན་གྱི་ ཆང་རིགས་ཝ་ཡིན་ ཊི་ག་ནེ་ལོ་དང་ སོ་ལའི་ཡ་ གུ་ཌོ་ཨཱལ་ ཊ་སོ་ ཊཱཛ་ཀཱན་དམརཔོ་ཚུ་ སྣུམ་འཁོར་ཊག་ ༢ ནང་ བསྐྱལ་ཞིནམ་ལས་ འབག་སོང་ཡོདཔ་སྦེ་བཀོད་ནུག། ཆང་བཟོ་འཕྲུལ་ཁང་ལས་སྡེའི་ བཀོད་ཁྱབ་གཙོ་འཛིན་ […]
རྒྱ་པཱན་ལུ་ སྐྱེས་ལོ་ ༡༠༠ ཡན་ཆད་འབད་མི་ མི་གྲངས་ ༡༠༠,༠༠༠ ལྷགཔ་ཅིག་ཡོདཔ།
ཨཱལ་ཇ་ཟི་ར། ད་རེས་ནངས་པ་ རྒྱ་པཱན་ལུ་ སྐྱེས་ལོ་ ༡༠༠ ཡན་ཆད་འབད་མི་ མི་གྲངས་ ༡༠༠,༠༠༠ ལྷགཔ་ཅིག་ཡོདཔ་ད་ དེ་ཡང་ རྒྱལ་ཁབ་དེ་ནང་ མི་ཚེ་རིང་པའི་ ལམ་རིམ་གསརཔ་ཅིག་ལུ་ གྱུར་ཡོདཔ་ཨིན་པས། རྒྱ་པཱན་གྱི་ གསོ་བ་དང་ ལས་མི་ ཕན་བདེ་ལྷན་ཁག་གིས་ ཐོ་བཀོད་འབད་མིའི་ནང་ དུས་ཅི་ སྐྱེས་ལོ་ ༡༠༠ ཡན་ཆད་འབད་མི་ མི་གྲངས་ ༡༠༧,༦༧༧ ལུ་ ལྷོད་ཡོདཔ་ད་ དེ་ཡང་ སྤྱི་ལོ་ ༢༠༢༥ ལས་ ད་ཚུན་གྱི་བར་ན་ མི་གྲངས་ ༧,༩༡༤ དེ་ཅིག་ ཡར་སེང་སོང་ནུག།