སི་རི་ཡའི་ ལྷོ་ཕྱོགས་ལུང་ཕྱོགས་དེ་ ས་གནས་ཀྱི་ ངོ་རྒོལ་འབད་མི་ཚུ་གིས་བཙན་དབང་།

བི་བི་སི།
སི་རི་ཡའི་ ལྷོ་ཕྱོགས་ལུ་ སྲིད་འཛིན་བ་ཤར་ ཨཱལ་ཧ་སཱད་ཀྱི་ རྒྱབ་འགལ་ལུ་ སྤྱི་ལོ་ ༢༠༡༡ ལས་ འགོ་བཙུགས་ཏེ་ ངོ་རྒོལ་འབད་མི་ཚུ་གིས་ ས་གནས་ཌེ་རཱ་ཟེར་མི་ བཙན་དབང་འབད་ཡོདཔ་མ་ཚད་ གཞུང་གི་དམག་མི་ཚུ་དང་ ཕྱད་མདའ་རྐྱབ་སྟེ་ དམག་སྒར་ལེ་ཤ་ཅིག་ཡང་ དབང་གནོན་འབད་ནུག།
ཡུ་ཀེ་ལུ་ཡོད་མི་ སི་རི་ཡའི་ འགྲོ་བ་མིའི་ཐོབ་དབང་ བལྟ་རྟོག་སྡེ་ཚན་གྱིས་འབད་བ་ཅིན་ སྤྱི་ཟླ་ ༡༢ པའི་ཚེས་ ༦ ལུ་ ངོ་རྒོལ་འབད་མི་ཚུ་གིས་ ས་གནས་ཌེ་རཱའི་ ས་ཆ་བརྒྱ་ཆ་ ༩༠ ལྷགཔ་ཅིག་ དབང་གནོན་འབད་ནུག་ཟེར་ཨིན་པས།
སི་རི་ཡ་ལུ་ སྤྱི་ལོ་ ༢༠༡༡ ལས་ ངོ་རྒོལ་འབད་མི་ཚུ་ ཐོན་པའི་ཤུལ་ལུ་ མི་གྲངས་ས་ཡ་ཕྱེད་དེ་ཅིག་ དམར་བསད་འབད་ཡོདཔ་ལས་ ཁྱིམ་མཚེས་རྒྱལ་ཁབ་ ཇོར་ཌན་གྱིས་ སི་རི་ཡ་དང་གཅིག་ཁར་ ས་མཚམས་ཚུ་ སྒོ་བསྡམས་བཞག་ནུག།
དེ་བཟུམ་སྦེ་ སི་རི་ཡའི་ བྱང་ཕྱོགས་ལུ་ཡང་ ངོ་རྒོལ་འབད་མི་ཚུ་གིས་ གཞུང་གི་རྒྱབ་འགལ་ལུ་ དྲག་ཐོག་དབང་ཤུགས་ཐོག་ལས་ གནོད་འཚུབ་ཚུ་བཀལ་ནི་ འགོ་བཙུགས་ཡོདཔ་ལས་ མི་གྲངས་ ༣༧,༠༠༠ དེ་ཅིག་ སྡོད་གནས་སྤོ་སྟེ་ འགྱོ་དགོཔ་བྱུང་ནུག་ཟེར་ བཀོད་འདུག་པའི་གནས་ཚུལ།