རོའི་ཊརཛ།
སྤྱི་ཟླ་ ༡ པའི་ཚེས་ ༥ ལུ་ བང་ལ་དེཤ་ རྒྱལ་ཁབ་ནང་ རྒྱལ་ཡོངས་བཙག་འཐུ་གི་དོན་ལས་ གྲ་སྒྲིག་འབད་དེ་ཡོད་མི་ ཚོགས་རྒྱན་བཙུགས་སའི་ ས་གོ་ཚུ་ མི་ངན་ཚུ་གིས་ མེ་བཏང་ཡོདཔ་མ་ཚད་ རེལ་ལི་ ༡ ལུ་ཡང་ མེ་སྤར་ཡོདཔ་ལས་ ཨ་ལོ་ ༢ བརྩིས་ཏེ་ མི་གྲངས་ ༤ ལུ་ ཤི་རྐྱེན་བྱུང་ཡོདཔ་ཨིན་པས།
རེལ་ལི་དེ་ལུ་ ཕྱི་རོའི་ཆུ་ཚོད་ ༩ དེ་ཅིག་ཁར་ མེ་སྤར་ཡོདཔ་ད་ རེལ་ལི་དེ་ནང་ཡོད་མི་ འགྲུལ་པ་ ༨ ལུ་ཡང་ རྨ་སྐྱོན་བྱུང་ནུག།
གནད་དོན་དེ་གི་སྐོར་ལས་ ཕྱི་འབྲེལ་བློན་པོ་ ཨེ་ཀེ་ཨབ་དཱུལ་མོ་མེན་གྱིས་ བཤད་དོ་བཟུམ་འབད་བ་ཅིན་ དེ་བཟུམ་མའི་ བྱ་ངན་འབད་མི་དེ་ དམངས་གཙོའི་བྱ་སྒོ་ བཀག་ཆ་འབད་ནི་དང་ ཉེན་སྲུང་ལུ་ གནོད་པ་རྐྱབ་ནི་གི་ ཀུན་སློང་ཐོག་ལས་ ལག་ལེན་འཐབ་ནུག་ཟེར་ཨིན་པས།
དེ་བཟུམ་མའི་ སེམས་ངན་ཐོག་ལས་ བྱ་ངན་བརྩམས་མི་ཚུ་ འབྲེལ་ཡོད་དབང་འཛིན་ཚུ་གིས་ དྲང་ཁྲིམས་སྨིན་ནི་ཡོདཔ་ ངེས་གཏན་བཟོ་ནི་ཨིནམ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།
བང་ལ་དེཤ་ལུ་ ཚོགས་རྒྱན་བཙུགས་སའི་ ས་གོ་ཚུ་ མེ་བཏང་ཡོདཔ།
Comments are closed.
Related
ནེ་པཱལ་ལུ་ གཙང་ཆུ་སྦོམ་ཅིག་ལས་ ཆུ་རུད་ཐོན་པ་ལུ་བརྟེན་ཏེ་ ཁྱིམ་དང་ ཟམ་ཚུ་ ཕྱགས་བདའ་ཡོདཔ།
ནེ་པཱལ་ལུ་ གཙང་ཆུ་སྦོམ་ཅིག་ལས་ ཆུ་རུད་ཐོན་པ་ལུ་བརྟེན་ཏེ་ ཁྱིམ་དང་ ཟམ་ཚུ་ ཕྱགས་བདའ་ཡོདཔ། བི་བི་སི། སྤྱི་ཟླ་ ༡༠ པའི་ཚེས་ ༡༢ ལུ་ དབང་འཛིན་ཚུ་གིས་ བཤད་དོ་བཟུམ་འབད་བ་ཅིན་ ནེ་པཱལ་ལུ་ གཙང་ཆུ་སྦོམ་ཅིག་ལས་ ཆུ་རུད་ཐོན་པ་ལུ་བརྟེན་ཏེ་ ཁྱིམ་དང་ ཟམ་ཚུ་ ཕྱགས་བདའ་ཡོདཔ་མ་ཚད་ གློག་མེ་འཕྲུལ་ཁང་གི་ ཆ་ཤས་ཅིག་ལུ་ཡང་ གནོད་སྐྱོན་བྱུང་ཡི་ཟེར་ཨིན་པས། དེ་བསྒང་ དབུས་ཕྱོགས་རྫོང་ཁག་ གོར་ཁ་ལུ་ བུ་དྷི་གཱན་ཌ་ཀི་ གཙང་ཆུའི་མཐའ་མ་ལས་ ཕྱི་མི་ ༩ རྩིས་ཏེ་ མི་གྲངས་ ༩༥ དེ་ཅིག་ ཉེན་སྐྱོབ་འབད་ཡོད་རུང་ གཞན་མི་ ༥ དེ་ཅིག་ བྱང་སྟོར་ཤོར་ཡོདཔ་སྦེ་བཀོད་ནུག། རྒྱལ་ཁབ་དེ་ནང་ ཟླཝ་ ༢ ཀྱི་ཧེ་མ་ཡང་ བོད་དང་མཐུད་སྦྲེལ་ཡོད་མི་ ས་མཚམས་ཁྲོམ་སྡེ་ཚུ་ནང་ ཆུ་རུད་ཐོན་ཡོདཔ་ལས་ མི་གྲངས་ ༡,༤༠༠ དེ་ཅིག་ལུ་ ཤི་རྐྱེན་བྱུང་ཡོདཔ་མ་ཚད་ སྟོང་ཕྲག་ལས་བཅད་དེ་ བྱང་སྟོར་ཡང་ ཤོར་ཡོདཔ་ཨིན་པས། ནེ་པཱལ་གྱི་ དུས་སྟོན་གལ་ཅན་ཅིག་ཨིན་མི་ […]
རྒྱ་གར་གྱི་རྒྱལ་ས་ དིལླིའི་ས་ཁོངས་ཚུ་ནང་ ངོ་རྒོལ་འབད་མི་ཚུ་འཛིན་བཟུང་།
རོའི་ཊརཛ། སྤྱི་ཟླ་ ༡༠ པའི་ཚེས་ ༡༠ ལུ་ རྒྱ་གར་གྱི་ བཙག་འཐུ་ལྷན་འཛིན་སྤྱི་ཁྱབ་ དགོངས་ཞུ་འབད་དགོཔ་སྦེ་ ངོ་རྒོལ་འབད་མི་ཚུ་ ཁ་ཕྱལ་བཏང་ཐབས་ལུ་ ཉེན་སྲུང་དམག་མི་ཚུ་གིས་ དིལླིའི་ས་ཁོངས་ཚུ་ནང་ འགྲུལ་སྐྱོད་བཀག་དམ་འབད་བའི་ཁཡ་ ཁྲིམས་སྲུང་འགག་སྡེ་གིས་ ངོ་རྒོལ་འབད་མི་ཚུ་ཡང་ བརྒྱ་ཕྲག་ལས་བཅད་དེ་ འཛིན་བཟུང་འབད་ནུག། དེ་བཟུམ་སྦེ་ ཁྲོམ་སྡེའི་ནང་འཁོད་ལུ་ ཁྲིམས་སྲུང་འགག་པ་དང་ ཞི་བའི་དམག་མི་ སྟོང་ཕྲག་ལས་བཅད་དེ་ བཀྲམ་སྤེལ་འབད་ཡོདཔ་མ་ཚད་ ཚོང་འབྲེལ་ལྟེ་བ་དང་ འགྲུལ་འཕྲིན་ཡོངས་འབྲེལ་གྱི་ ཞབས་ཏོག་ཚུ་ཡང་ མཚམས་བཀག་འབད་ནུག། ངོ་རྒོལ་གྱི་ ས་ཁོངས་ཅིག་ཨིན་མི་ ཇཱན་ཏར་མན་ཏར་ལུ་ མི་སྟོང་ཕྲག་ལས་བཅད་དེ་ འཛོམས་ནི་གི་ འཆར་གཞི་ཡོདཔ་ཨིན་རུང་ ངོ་རྒོལ་འགོ་མ་བཙུགས་པའི་ཧེ་མ་ལས་ ཉེན་སྲུང་དམག་མི་ཚུ་གིས་ སྒོ་བསྡམས་ཡོདཔ་ཨིན་པས། ཨིན་རུང་ ཁྲོམ་སྡེའི་ས་གནས་ ལག་བཟོའི་ཚོང་ཁང་དང་ མ་ཧཱཏ་མ་གཱན་དྷིའི་ དྲན་རྟེན་ཚུ་ནང་ ངོ་རྒོལ་འབདཝ་ཨིན་པས་ཟེར་ བཀོད་འདུག་པའི་གནས་ཚུལ།
འགྲོ་བ་མིའི་དབང་ཆའི་ གཙོ་འཛིན་བགྲེསཔ་ ཨམ་ནཱ་ཝི་པི་ལེ་གིས་ འཛམ་གླིང་ཞི་བདེའི་ གཟེངས་རྟགས་ཐོབ་ཡོདཔ།
བི་བི་སི། སྤྱི་ལོ་ ༢༠༢༦ ལོའི་ འཛམ་གླིང་ཞི་བདེའི་གཟེངས་རྟགས་དེ་ འཛམ་གླིང་སྤྱི་ཚོགས་ འགྲོ་བ་མིའི་དབང་ཆའི་ གཙོ་འཛིན་བགྲེསཔ་དང་ རྒྱལ་སྤྱི་ཁྲིམས་འདུན་གྱི་དྲང་དཔོན་ ཨམ་ནཱ་ཝི་པི་ལེ་ལུ་ གནང་ཡོདཔ་ཨིན་པས། ལྷོ་ཨཕ་རི་ཀའི་ དྲང་དཔོན་དེ་གིས་ ཞི་བདེ་དང་ རྒྱལ་སྤྱིའི་ཁྲིམས་ལུགས་ ཡར་དྲགས་གཏང་ནི་ལུ་ བརྩོན་ཤུགས་བསྐྱེད་ཡོད་པའི་ ངོས་འཛིན་བྱུང་ཡོདཔ་མ་ཚད་ རྒྱལ་སྤྱི་ཁྲིམས་ལུགས་ཀྱི་ སྒྲིག་གཞི་ཡོངས་རྫོགས་ཀྱི་དོན་ལུ་ཡང་ ལམ་སྟོན་འབད་ཡོདཔ་སྦེ་ འཛམ་གླིང་ཞི་བདེའི་ གཟེངས་རྟགས་ཚོགས་ཆུང་གིས་ གསལ་བཤད་འབད་ནུག། སྐྱེས་ལོ་ ༨༥ འབད་མི་ ཨམ་པི་ལེ་གིས་ ལོ་ངོ་བཅུ་ཕྲག་ལས་བཅད་དེ་ རེ་ཝང་ཌ་དང་ མི་ཡེན་མར་ གཱ་ཛ་ཚུ་རྩིས་ཏེ་ འགྲོ་བ་མིའི་ཐོབ་དབང་ལུ་ གནོད་སྐྱོན་རྐྱབ་ཡོད་པའི་ ཉེས་འཛུགས་བཀལ་མི་ཚུ་ལུ་ གཞི་བཞག་སྟེ་ མཐོ་རིམ་གྱི་ལཱ་ཚུ་ནང་ བཅའ་མར་གཏོགས་ཡོདཔ་ཨིན་པས། མོ་གི་ཧེ་མའི་ལཱ་ཚུ་ཡང་ ལྷོ་ཨཕ་རི་ཀ་ལུ་ མི་རིགས་དཀར་ནག་ཕྱེ་མི་ལུ་ རྒྱབ་འགལ་འབད་མི་ རྩོལ་འདོད་ཅན་ཚུ་ལུ་ རྒྱབ་སྐྱོར་འབད་ཡོདཔ་ལས་ སྤྱི་ཟླ་ ༡༠ པའི་ཚེས་ ༨ ལུ་ རྒྱལ་ཁབ་ནང་ ཞི་བདེའི་གཟེངས་རྟགས་ཐོབ་མི་ མི་ངོམ་ ༥ པ་ཨིནམ་སྦེ་བཀོད་ནུག། ནོར་ཝེ་ཇིན་ལས་ […]