སྤྱི་ཟླ་ ༡༡ པའི་ཚེས་ ༢༠ ལུ་ བློན་ཆེན་གྱི་ ཡིག་ཚང་ནང་སྦེ་ གནས་སྐབས་གཞུང་གི་ གྲོས་དཔོན་སྤྱི་ཁྱབ་ཀྱིས་ ལྷོ་ཨེ་ཤི་ཡའི་དོན་ལས་ ཡུ་ནི་སེཕ་ ལུང་ཕྱོགས་ཡིག་ཚང་གི་མདོ་ཆེན་ སཱན་ཇེ་ཝི་ཇེ་སི་ཀེ་ར་དང་ མཇལ་ཕྲད་མཛད་ཡོདཔ་ཨིན་པས།
ལུང་ཕྱོགས་མདོ་ཆེན་དེ་ སྤྱི་ཟླ་ ༡༡ པའི་ཚེས་ ༡༩ ལས་ ༢༢ ཚུན་ རྒྱལ་ཁབ་ནང་ བཞུགས་རིང་ལུ་ ཡུ་ནི་སེཕ་ལས་ ཨ་ལོ་ཕན་བདེའི་དོན་ལུ་ རྒྱབ་སྐྱོར་འབད་བའི་ གྲུབ་འབྲས་ཚུ་ལུ་ ཤེས་རྟོགས་དང་ ལས་རིམ་གསརཔ་ཚུ་ འགོ་བཙུགས་ནི་གི་ འོས་འབབ་བརྟག་ཞིབ་ཚུ་འབད་ནུག།
དེ་མ་ཚད་ སྤྱི་ཟླ་ ༡༡ པའི་ཚེས་ ༢༠ ལུ་ འཛམ་གླིང་ཨ་ལོའི་ཉིནམ་ བརྩི་སྲུང་འབད་མིའི་ནང་ཡང་ རྒྱལ་ཁབ་ནང་ཡོད་མི་ ཡུ་ནི་སེཕ་གི་ ཡིག་ཚང་དང་གཅིག་ཁར་ གྲལ་གཏོགས་འབད་ཡོད་པའི་གནས་ཚུལ།
