མི་དབང་མཆོག་གིས་ བཀྲིས་ཆོས་རྫོང་ནང་སྦེ་ རྒྱ་གར་གྱི་ དམག་སྡེའི་གཙོ་འཛིན་དང་མཇལ་ཕྲད།

སྤྱི་ཟླ་ ༧ པའི་ཚེས་ ༣༠ ལུ་ མི་དབང་མངའ་བདག་རིན་པོ་ཆེ་མཆོག་གིས་ བཀྲིས་ཆོས་རྫོང་གི་ གསེར་ཁྲི་ཁང་བཟང་ནང་སྦེ་ རྒྱ་གར་གྱི་ དམག་སྡེའི་གཙོ་འཛིན་ དམག་སྤྱི་མ་ནོཇ་ པཱན་ཌེ་དང་ མཇལ་ཕྲད་མཛད་གནང་ཡི།
དམག་སྤྱི་མ་ནོཇ་ པཱན་ཌེ་དེ་ དུས་ཅི་ སྤྱི་ཟླ་ ༤ པའི་ནང་ རྒྱ་གར་གྱི་ དམག་སྡེའི་གཙོ་འཛིན་སྦེ་ བསྐོ་བཞག་འབད་བའི་ཤུལ་ལུ་ འབྲུག་རྒྱལ་ཁབ་ནང་ གཟིགས་སྐོར་ལུ་ བྱོན་མི་འདི་ འགོ་དང་པ་ཨིན་པས།
དེ་ཡང་ རང་ལུགས་ཆིབས་གྲལ་ཐོག་ལས་ བཀྲིས་ཆོས་རྫོང་གི་ རྡོ་གཅལ་ནང་ལྷོདཔ་ད་ སྟི་སྭོ་ཞུ་བའི་ཤུལ་ལུ་ མི་དབང་ཞབས་སར་ བཅར་ཡོདཔ་མ་ཚད་ རྒྱལ་གཞུང་འབྲུག་གི་དམག་སྡེའི་གཙོ་འཛིན་ གུང་བློན་བ་ཀྲུ་ཚེ་རིང་དང་ཡང་ མཇལ་ཕྲད་མཛད་ནུག།
དྲོ་པ་ཁམས་ཅིག་ཁར་ རྒྱལ་ཡོངས་དགོངས་རྫོགས་མཆོད་རྟེན་ནང་ བྱོན་ཞིནམ་ལས་ མི་དབང་འབྲུག་རྒྱལ་གསུམ་པ་མཆོག་གི་ རྗེས་དྲན་ལུ་ མེ་ཏོག་གི་ཕྲེང་བ་ ཕུལ་ཡོདཔ་ཨིན་པས།
དེ་མ་ཚད་ མི་དབང་འབྲུག་རྒྱལ་བཞི་པ་མཆོག་གི་ སྐུ་མདུན་ལུ་ཡང་བཅར་ནུག།
ད་རེས་ དམག་སྤྱིའི་གཟིགས་སྐོར་ལུ་བརྟེན་ཏེ་ རྒྱ་འབྲུག་ ༢ ཀྱི་ མཐུན་འབྲེལ་འདི་ སྔར་བ་ལྷགཔ་སྦེ་ རྩ་བརྟན་འགྱོ་ནི་ལུ་ ཕན་ཐོགས་བྱུང་ཡོད་པའི་གནས་ཚུལ།