དཔྱེ་གཏམ།

འཇིག་རྟེན་པའི་དཔྱེ་གཏམ།

མཉམ་ཅིག་སྡོདན་མཉམ་རོགས་མཐོང་། ཞག་གསུམ་སྡོདན་བླ་མ་ལུ་ཡང་ཕྱག་མི་འཚལ། སྟེང་ཐོག་ཡངསན་འོག་ཐོག་འཕར། འཇམ་རང་འཇམན་ཕྱེ་ཡང་རྐན་སྦྱར། རོགས་ཀྱི་དཔྱལ་བའི་མགུ་ལས་ཤིག་འགྱོ་རུང་མཐོང་། རང་གི་དཔྱལ་བའི་མགུ་ལས་གླངམོ་ཆེ་འགྱོ་རུང་མི་མཐོང་། རྒྱུ་བར་སྟོང་གཏང་ཚེ་སྦྱིན་པ་མིན། རང་འགྱེལཝ་མ་ཚོར་བར། གཞན་གཡོཝ་ཚོར་ནི་ཡོད། ཟླཝ་ཤརཝ་ད་ཉིམ་མ་བརྗེད། རྟ་གསོ་བའི་དྲིན་ལན་རྡོག་ཐལ་འཇལ། མེ་ཕར་འཕུ། རྒྱ་བོ་ཚུར་འཚིག། གདོང་ཁའི་དགྲ་མ་མཐོང་པར། རྒྱབ་ཁའི་དཔུང་ལུ་ངོམ་ནི་མི་འོང་། ཡོདཔ་རང་ལས་བཏོན། མེདཔ་རོགས་ལས་འཚོལ། ཚྭ་ཁ་བཟངན། རྒྱོ་ཁ་བཟང་། མེ་དཀྲོགས་ཤི། མཇེ་དཀྲོགས་ལོང་། རྒྱུགས་མ་སྤགས་ཀྱི་གྲས་ཁར་མི་ཚུད། སྟག་མཆོངས་སར། ཝམ་གྱིས་མཆོགས་མི་ཚུགས། ལམ་ཐག་རིང་ཚེ་འགོར་བལྟབ་མང་། མི་ཚེ་རིང་ཚེ་སྐྱིད་སྡུག་མང་། སླབ་སླབ་མངན། ཨའི་གིས་ཡང་ཉན་བཏུབ། ཆརཔ་ཕར་རྐྱབ། ཟིལཔ་ཚུར་རེག། མི་ཅིག་དགའ་བའི་བསོད་ནམས། རྟ་གིས་ཡང་མི་ཐེག། སྦྱིན་པ་གཏངན་ཁྱི་ལ་གཏང་། ཁྱི་གིས་སྤང་གི་རྩྭ་མི་ཟ། ཤིང་ཕྲངམ་རྩ་བ་ལས་འགྱེལ། རྒྱུ་ཕྲངམ་རང་དོན་ཆད། དོམ་རྒྱབ་ཐལཝ་ད། དཔའ་རྟགས་འབལ། ཡོད་པའི་སེམས་ཁར་བསགས་འདོད། མེད་པའི་སེམས་ཁར་སྟོར་འདོད། རང་དོན་སྒྲུབ་ན། ཆ་ལུགས་ངན་ཀྱང་ངན། ཆུ་ཡོད་སར་ཆརཔ། ཐང་ཐིག་སེམས་ཀྱིས་བཟོ། ལག་པས་ཨརཝ་བརྐུ། ཁ་གིས་ཤོབ་རྐྱབ། ཁུར་ཨ་པས་འབག་ཚེ་ཡངས་ཡངས་འདྲ། ལྟོ་ཨའི་གིས་ཟ་ཚེ་ཞིམ་ཞིམ་འདྲ། ཕ་སླབ་པའི་ཁ་ལུ་མ་ཉན་ན། བུ་རུས་པའི་ཁ་ལས་ཤི་ཤོར། ཤ་ཚ་བའི་ཁ་ལས། གཏམ་ལེགས་ཤོམ་མ་ཐོན། ལྟག་ལས་རྨོ་རུང་ཨ་ཁུའི་ཞིང་། འོག་ལས་རྨོ་རུང་ཨ་ཁུའི་ཞིང་། འཛོལཝ་བླ་མའི་གསུང་ཡང་ཡོད། […]