མཐའ་ཡས་ལེན་གྱི་ རྩ་ཁྲིམས་ཅན་གྱི་ ཁྲིམས་ཀྱི་འདུན་ས་ལས་ བློན་ཆེན་གྱི་ ཕྱག་འགན་མཚམས་འཇོག།
རོའི་ཊརཛ། མཐའ་ཡས་ལེན་གྱི་བློན་ཆེན་ ཨམ་པེ་ཏོང་ཏ་རཱན་ ཤི་ན་ཝ་ཏ་ར་དེ་ བློན་ཆེན་གྱི་ གོ་གནས་ལས་ ཕྱིར་དབྱུང་འབད་དགོ་པའི་ ཨེབ་ཤུགས་བསྣར་འགྱངས་ཐོག་ལུ་ཡོད་པའི་བར་ན་ སྤྱི་ཟླ་ ༧ པའི་ཚེས་ ༡ ལུ་ མཐའ་ཡས་རྩ་ཁྲིམས་ཅན་གྱི་ ཁྲིམས་འདུན་ལས་ བློན་ཆེན་དེ་གི་ ཕྱག་འགན་ཚུ་ མཚམས་འཇོག་འབད་ནུག།དེ་ཡང་ སྤྱི་ཚོགས་ཀྱི་ འཐུས་མི་ ༣༦ གིས་ བློན་ཆེན་དེ་ལུ་ གཡོ་སྒྱུ་དང་ བཟང་སྤྱོད་ཀྱི་ཁྱད་ཚད་ལས་ འགལ་ཤོར་དང་ ཀམ་བོ་ཌི་ཡའི་དབུ་ཁྲིད་ ཧུན་སེན་དང་གཅིག་ཁར་ བརྒྱུད་འཕྲིན་ཐོག་གི་ གསུང་གྲོས་དེ་ དྲན་ཚོར་ཅན་ཅིག་ཨིན་རུང་ མི་མང་ལུ་ གསང་བརྟོལ་འབད་མི་དེ་ རྩ་ཁྲིམས་ཆེན་མོ་ལས་ཡང་ འགལ་ཤོར་བྱུང་ཡོད་པའི་ ཉེས་འཛུགས་བཀལ་ཡོདཔ་ཨིན་པས།ཁྲིམས་འདུན་གྱིས་ ཉེས་འཛུགས་དེ་ཚུ་ལུ་ ངོས་ལེན་འབད་དེ་ ཉེས་འཛུགས་ཀྱི་ ཞུ་ཡིག་སྐོར་ལས་ བསམ་ཞིབ་འབད་དགོ་པའི་ མགྲིན་གབྱངས་གཅིག་གི་ མོས་མཐུན་ཡང་ བྱུང་ཡོདཔ་སྦེ་བཤད་ནུག།ཁྲིམས་འདུན་ལས་ མཚམས་འཇོག་གི་ བཀའ་རྒྱ་གནང་མི་ལུ་ བློན་ཆེན་གྱི་ ཁ་ཐུག་ལས་ དགག་ལན་ཕུལ་ནིའི་དོན་ལུ་ ཉིན་གྲངས་ ༡༥ གི་ དུས་ཚོད་གནང་སྟེ་ཡོདཔ་ད་ མོ་ར་ ལམ་སྲོལ་བློན་པོ་སྦེ་ […]
