སྐྱབས་རྗེ་རིན་པོ་ཆེ་མཆོག་གིས་ སྟོན་པའི་དུས་ཆེན་ལྔ་འཛོམས་དང་འབྲེལ་ཏེ་ མི་དམངས་ལུ་ གུ་རུ་ཐོད་ཕྲེང་རིགས་ལྔའི་བཀའ་དབང་།
མགོན་པོ་རྡོ་རྗེ། རང་ཟླ་ ༤ པའི་ཚེས་ ༡༥ སྤྱི་ཟླ་ ༦ པའི་ཚེས་ ༡༡ ལུ་ ང་བཅས་རའི་ འབྲུག་རྒྱལ་ཁབ་ མཐའ་དབུས་གེ་རའི་ནང་ ཕྱག་མཆོད་སྦྱིན་གཏོང་ལ་སོགས་པའི་སྒོ་ལས་ བདག་ཅག་གི་སྟོན་པ་ སངས་རྒྱས་ཤཱཀྱ་ཐུབ་པའི་ དུས་ཆེན་ལྔ་འཛོམས་ཁྱད་པར་ཅན་འདི་ བརྩི་སྲུང་ཞུ་ཡོདཔ་ཨིན་པས། དེ་ཡང་ ཐིམ་ཕུ་ལུ་འབད་བ་ཅིན་ ཀུན་གསལ་ཕོ་བྲང་ སྟོན་པ་རྡོར་གདན་མའི་ སྐུ་མདུན་ལུ་སྦེ་ འབྲུག་རྒྱལ་ཡོངས་ཆོས་ཀྱི་དབུ་ཁྲིད་དམ་པ་ སྐྱབས་རྗེ་རྡོ་རྗེ་འཆང་ དྲིན་ཅན་རྩ་བའི་བླ་མ་ མཁན་ཆེན་ཁྲི་རབས་ ༧༠ པ་ སྤྲུལ་སྐུ་འཇིགས་མེད་ཆོས་གྲགས་མཆོག་གིས་ མི་དམངས་ཡོངས་ལུ་ གུ་རུ་ཐོད་ཕྲེང་རིགས་ལྔའི་ བཀའ་དབང་ཟབ་མོ་ བསྩལ་གནང་ཡི། དེ་སྦེ་ ཉིན་ཡོལ་ཆུ་ཚོད་ ༢.༣༠ ལས་ འགོ་བཙུགས་གནང་མི་ བཀའ་དབང་གི་ལས་རིམ་དེ་ མཇུག་བསྡུ་བའི་ཤུལ་ལུ་ སྐྱབས་རྗེ་རིན་པོ་ཆེ་མཆོག་ དབུ་བཞུགས་ཐོག་ལས་ ས་གནས་དེ་ཁར་འཛོམས་མི་ དད་ཅན་སྐྱ་སེར་ཕོ་མོ་ཡོངས་ཀྱིས་ མགྲིན་དབྱངས་གཅིག་གི་སྒོ་ལས་ དཔལ་མི་དབང་འབྲུག་རྒྱལ་བཞི་པ་མཆོག་ དགུང་ལོ་ ༧༠ པའི་ དུས་སྟོན་བརྩི་སྲུང་གི་དོན་ལུ་ སྐུ་རིམ་སྣ་ཚོགས་ཀྱི་གྲལ་ལས་ དང་པ་ཕྱག་དང་ བཛྲ་གུ་རུ་དུང་ཕྱུར་ བསག་གནང་ནི་གི་ […]
