Special News
གཞུང་གྲྭ་ཚང་གིས་ དགེ་ལེགས་ཕུག་ དྲན་ཤེས་ཁྲོམ་ཚོགས་ནང་ རྫོང་གསར་བཞེང་གནང་ནི།
གཞུང་གྲྭ་ཚང་ལྟེ་བ་གིས་ མི་དབང་མངའ་བདག་རིན་པོ་ཆེའི་ ཐུགས་དགོངས་ཟབ་མོ་ལས་འཁྲུངས་པའི་ དགེ་ལེགས་ཕུག་ དྲན་ཤེས་ཁྲོམ་ཚོགས་ཀྱི་ ས་ཁོངས་ནང་ སྤ་རོ་རིན་སྤུངས་རྫོང་གི་ བཀོད་པ་དང་འདྲ་བའི་ གསང་སྔགས་རྡོ་རྗེ་ཐེག་པའི་ལྟེ་བ་ གསར་བཞེངས་ཀྱི་དོན་ལུ་ དངུལ་ཀྲམ་ ༡༠༠,༠༠༠,༠༠༠ (དུང་ཕྱུར་གཅིག་) མ་རྩ་གཞི་བཙུགས་གནང་ནུག། དེ་ཡང་ དཔལ་ལྡན་འབྲུག་པའི་ བཤད་སྒྲུབ་ཀྱི་བསྟན་པ་འདི་ ཉམས་པ་སོར་ཆུད་དང་ མི་ཉམས་གོང་འཕེལ་གྱི་དོན་ལུ་ གཞུང་དགེ་འདུན་གྲྭ་ཚང་གི་ ཕྱག་མཛོད་ནང་ལས་ ཞལ་འདེབས་སྦེ་ ཕུལ་གནངམ་ཨིན་པས། དཔལ་ལྡན་འབྲུག་པའི་ ཆོས་སྡེ་ཆེན་པོ་ གཞུང་གྲྭ་ཚང་འདི་ འབྲུག་རྒྱལ་ཁབ་ནང་ གཞུང་འབྲེལ་གྱི་ ཆོས་སྡེ་གཙོ་བོ་ཅིག་ཨིནམ་ད་ དེ་ཡང་ བླ་མ་ངག་དབང་རྣམ་རྒྱལ་མཆོག་གིས་ གཞི་བཙུགས་མཛད་གནང་སྟེ་ མི་ལོ་བཞི་བརྒྱ་ལྷག་ཙམ་ཅིག་ སོང་ཡོད་པའི་གནས་ཚུལ།
