ཨེ་ཤི་ཡའི་ རྐང་རིལ་ཚོགས་ཆུང་གི་ ཨམ་སྲུའི་རྩེད་འགྲན་ ༢༠༢༤ ཅན་མ་ འགོ་འདྲེན་འཐབ་ནི།

སྤྱི་ལོ་ ༢༠༢༤ གི་ ཨེ་ཤི་ཡའི་ རྐང་རིལ་ཚོགས་ཆུང་གི་ ཨམ་སྲུ་སྡེ་ཚན་ང་པའི་ རྩེད་འགྲན་དེ་ ཐིམ་ཕུ་ཅང་གླིང་མའི་ཐང་ནང་ འགོ་འདྲེན་འཐབནི་ཨིནམ་ད་ དེ་ཡང་ འབྲུག་གི་རྩེད་རིགས་ནང་ འབྱུང་རབས་ཅན་གྱི་ དུས་སྐབས་ཅིག་ཨིན་པས།
ད་རེས་ འབྲུག་གི་ཨམ་སྲུའི་ རྐང་རིལ་རྩེད་འགྲན་ནང་ ཨང་དང་པ་སྦེ་གནས་མི་ རྒྱལ་འཛིན་མཐོ་རིམ་སློབ་གྲྭའི་ ཨམ་སྲུའི་སྡེ་ཚན་གྱིས་ ག་ནི་བ་ཡང་ ཕམ་པར་དཀའ་བའི་ ཧོང་ཀོང་དང་ ཨི་རཱན་གྱི་ སྡེ་ཚན་དང་གཅིག་ཁར་ རྩེད་འགྲན་འབད་དོ་ཨིན་པས།
དེ་ཡང་ རྒྱལ་འཛིན་མཐོ་རིམ་སློབ་གྲྭའི་ ཨམ་སྲུའི་སྡེ་ཚན་གྱིས་ རྩེད་འགྲན་ནང་ གྲལ་གཏོགས་འབད་མི་དེ་གིས་ འབྲུག་པའི་ཨམ་སྲུ་ཚུ་གི་ ལྕོགས་གྲུབ་སྟོན་ནི་དང་ རྒྱལ་ཡོངས་ཀྱི་ གནས་རིམ་ནང་ ན་གཞོན་ལུས་རྩལཔ་ཚུ་ལུ་ སེམས་ཤུགས་བསྐྱེད་བཅུག་ཐབས་འབད་ནི་གི་ དམིགས་གཏད་བསྐྱེདཔ་ཨིན་པས།
ཨེ་ཤི་ཡ་ རྐང་རིལ་ཚོགས་ཆུང་གིས་ ཨམ་སྲུའི་རྩེད་འགྲན་ འགོ་བཙུགས་མི་དེ་ ཨེ་ཤི་ཡའི་ ལུང་ཕྱོགས་གེ་རའི་ནང་ ཨམ་སྲུའི་རྐང་རིལ་གྱི་ གནས་ཚད་ཡར་དྲག་ལུ་དམིགས་ཏེ་ཨིནམ་ད་ དེ་ཡང་ ཨམ་སྲུ་རང་སོའི་ སྒྱུ་རྩལ་ཚུ་ སྟོན་ཐབས་ལུ་ རྩེད་འགྲན་གྱི་ གོ་སྐབས་ཚུ་ བྱིན་དོ་ཡོདཔ་བཞིན་དུ་ ད་རེས་ཀྱི་ རྩེད་འགྲན་ནང་ རྐང་རིལ་རྩེ་མི་ འབྲུག་པའི་ཨམ་སྲུ་ཚུ་གི་དོན་ལུ་ རྩེད་རིགས་ནང་ གལ་ཆེ་བའི་ ཕོ་མོ་འདྲ་མཉམ་གྱི་ བརྡ་མཚོན་སྟོནམ་ཨིན་པས།
རྩེད་འགྲན་དེ་ནང་ གྲལ་གཏོགས་འབད་མི་ཚུ་ཡང་ འབྲུག་གི་རྒྱལ་འཛིན་མཐོ་རིམ་སློབ་གྲྭའི་ ཨམ་སྲུའི་རྐང་རིལ་སྡེ་ཚན་དང་ ཧོང་ཀོང་གི་ ཀི་ཅི་ཨེཛ་སི་ དེ་ལས་ ཨི་རཱན་ལས་ བམ་ཁ་ཊཱུན་ཟེར་མི་ སྡེ་ཚན་ཚུ་ཡོདཔ་ཨིན་པས།
རྩེད་འགྲན་དེ་ཡང་ སྤྱི་ཟླ་ ༨ པའི་ཚེས་ ༢༥ ལས་ ཕྱི་རུའི་ཆུ་ཚོད་ ༦ ལས་ འགོ་བཙུགས་ནི་ཨིནམ་ད་ རྒྱལ་འཛིན་མཐོ་རིམ་སློབ་གྲྭའི་ ཨམ་སྲུའི་རྐང་རིལ་སྡེ་ཚན་གྱི་ སློབ་སྟོན་པ་འགོ་འཛིན་ འཇིགས་མེད་ཀྱིས་ ད་རེས་ཀྱི་ རྩེད་འགྲན་དེ་ ང་བཅས་རའི་ རྐང་རིལ་རྩེ་མི་ ཨམ་སྲུ་ཚུ་གི་དོན་ལུ་ རང་སོའི་སྒྱུ་རྩལ་ཚུ་ སྟོན་ནི་གི་ གོ་སྐབས་བཟང་པོ་ཅིག་ཨིན་པས་ཟེར་ བཤད་པའི་ཁར་ ཁོང་གི་སྡེ་ཚན་ནང་ བང་ལ་དེཤ་ལས་ སྒྱུ་རྩལ་དང་ལྡན་པའི་ རྐང་རིལ་རྩེ་མི་ ཨམ་སྲུ་ ༤ ཡོདཔ་ལས་ རྩེད་འགྲན་གྱི་དོན་ལུ་ གྲ་འགྲིག་ཡོད་ཟེར་ཨིན་པས།
རྩེད་འགྲན་གྱི་སྐབས་ལུ་ རང་སོའི་སྡེ་ཚན་ལུ་ སེམས་སྐུལ་འབད་མི་དང་ དོ་འགྲན་གྱི་ སྐད་འཐེན་མི་ཚུ་ཡོདཔ་མ་ཚད་ ལྟདམོ་བལྟ་མི་ཚུ་ལུ་ཡང་ ཁེན་སྦྱར་དང་འདྲ་བའི་ རྐང་རིལ་རྩེད་འགྲན་གྱི་ དྲན་རྟེན་ཚུ་ཡང་ བྱིན་ནི་ཨིན་པས།
རྩེད་འགྲན་དེ་ལུ་ འབྲུག་རྒྱལ་ཡོངས་དངུལ་ཁང་དང་ འབྲུག་རྒྱལ་ཉེན་སྲུང་ལས་འཛིན་ཚད་ དེ་ལས་ བཀྲིས་འགྲུལ་འཕྲིན་ཚུ་གིས་ མ་དངུལ་གྱི་ རྒྱབ་སྐྱོར་འབད་དོ་ཡོདཔ་ཨིན་པའི་གནས་ཚུལ།