ཨི་རཱན་རྒྱལ་ཁབ་ནང་ སྲིད་འཛིན་བཙག་འཐུ།

སི་ཨེན་ཨེན།
ཨི་རཱན་གྱི་སྲིད་འཛིན་ ཨི་བར་ཧིམ་ རའི་སི་དེ་ ཕྱི་འབྲེལ་བློན་པོ་ ཧོ་སེན་ཨ་མིར་ ཨབ་དོ་ལ་ ཧི་ཡཱན་དང་གཅིག་ཁར་ ཧེ་ལི་ཀོབ་ཊར་ ཐུག་རྐྱེན་ནང་ གཤགས་པའི་ཤུལ་ལས་ རྒྱལ་ཁབ་ནང་ དབུ་ཁྲིད་མེདཔ་ལས་ སྲིད་འཛིན་བཙུག་འཐུ་ཐེངས་དང་པ་ སྤྱི་ཟླ་ ༦ པའི་ཚེས་ ༢༨ ལུ་ འགོ་འདྲེན་འཐབ་ནུག།
གཞན་དལ་གཞིར་ ཨི་རཱན་གྱི་ ཚེ་འདས་སྲིད་འཛིན་དེ་ རྒྱལ་ཁབ་ཀྱི་ མངོན་མཐོའི་གཙོ་འཛིན་ སྐྱེས་ལོ་ ༨༥ འབད་མི་ ཨ་ཡ་ཏོ་ལ་ ཨ་ལི་ཁོ་མེ་ནི་གི་ ཚབ་འཛིན་འབད་ནི་གི་ དུམ་ཁར་ལྷོད་ཡོདཔ་ཨིན་པས།
ད་རེས་ རྒྱལ་ཁབ་དེ་ ཨིཛ་རེལ་དང་གཅིག་ཁར་ མ་འགྲིག་པར་ཡོད་པའི་ཁར་ རྒྱལ་ཁབ་ནང་འཁོད་ལུ་ཡང་ དཔལ་འབྱོར་གྱི་ དཀའ་ངལ་དང་ མི་སྡེའི་དཀའ་ངལ་ཚུ་ཡོད་རུང་ རྒྱལ་ཁབ་ཀྱི་དོན་ལུ་ གལ་གནད་ཆེ་བའི་ སྲིད་འཛིན་བཙག་འཐུ་དེ་ འགོ་འདྲེན་འཐབ་ནུག།
ད་རེས་ཀྱི་ བཙག་འཐུ་དེ་ ནུབ་ཕྱོགས་རྒྱལ་ཁབ་ཚུ་གིས་ རྡུལ་ཕྲན་ནུས་ཤུགས་ཀྱི་ ལས་རིམ་དང་འབྲེལ་ཏེ་ ཨི་རཱན་དང་གཅིག་ཁར་ མཐུན་ལམ་ཉམས་པའི་དུས་སྐབས་ནང་ ཕོག་ཡོདཔ་ད་ བཙག་འཐུ་གཉིས་པའི་ནང་ ཚོགས་རྒྱན་བརྒྱ་ཆ་ ༥༠ ཐོབ་མི་ འདེམས་ངོ་དེ་ སྲིད་འཛིན་སྦེ་ བཙག་འཐུ་འགྲུབ་ནི་ཨིན་པས་ཟེར་ བཀོད་འདུག་པའི་གནས་ཚུལ།