ཨར་ཇེན་ཊི་ན་ལུ་ ལས་མིའི་ཐོབ་དབང་ དམ་འཛིན་དང་འབྲེལ་བའི་ ངོ་རྒོལ་འགྲེམ་སྟོན།

བི་བི་སི།
ཨར་ཇེན་ཊི་ན་ལུ་ སྲིད་འཛིན་ཇེ་བི་ཡར་ མི་ལེ་གིས་ ལས་མིའི་ཐོབ་དབང་ ཚད་གཞི་མར་ཕབ་ཀྱི་ འཆར་གཞི་དང་འབྲེལ་བའི་ མི་སེར་སྟོང་ཕྲག་ལས་བཅད་མི་ཚུ་གིས་ སྤྱི་ཟླ་ ༡ པའི་ཚེས་ ༢༥ ལས་ ངོ་རྒོལ་འགྲེམ་སྟོན་འབདཝ་ཨིན་པས།
དེ་ཡང་ ས་གནས་བི་ནོཛ་ཨེ་རིཛ་དང་ ཁྲོམ་སྡེ་གཞན་ཚུ་ནང་ མི་སེར་ཚུ་ ལེ་ཤ་སྦེ་ སྤུངས་འཛོམས་འབད་དེ་ཡོདཔ་ད་ སྲིད་འཛིན་མི་ལེ་གིས་ ཉིན་གྲངས་ ༤༥ གི་ སྔ་གོང་ལུ་ སྲིད་འཛིན་གྱི་ གོ་གནས་བཞེས་པའི་ཤུལ་ལས་ རྒྱལ་ཁབ་ཀྱི་ ཟད་འགྲོ་ཚུ་ མར་ཕབ་འབད་ནི་དང་ ཁོང་གི་དངུལ་པེ་སོའི་ གནས་གོང་ཉམས་མི་དང་འབྲེལ་ཏེ་ སྒྲིག་གཞི་ཚུ་ གུ་ཡངས་བཏང་ནི་གི་ ཁས་ལེན་འབད་ནུག།.
མི་སེར་ཚུ་གིས་ ཟ་ནི་དེ་ ཐོབ་དབང་གི་གྲངས་སུ་མིན་ཟེར་བའི་ བརྡ་བྱང་ཚུ་འབག་སྟེ་ ངོ་རྒོལ་འགྲེམ་སྟོན་འབདཝ་ད་ ཁྲིམས་སྲུང་དམག་མི་ཚུ་ཡང་ སྤུངས་འཛོམས་འབད་ཡོདཔ་ཨིན་པས།
ངོ་རྒོལ་འབད་མི་ ལ་ལོ་ཅིག་གིས་ ཕ་ཡུལ་འདི་ བཙོང་ནིའི་དོན་ལུ་མིན་ཟེར་བའི་ བརྡ་བྱང་དང་ གཞན་ཡང་ དགོངས་ཞུ་འབད་མི་ཚུ་ འཕྲོག་བཅོམ་མ་འབད་ཟེར་བའི་ བརྡ་བྱང་ཚུ་ འབག་སྟེ་ཡོདཔ་ཨིན་པས།
སྲིད་འཛིན་མི་ལེ་གིས་ རྒྱལ་ཁབ་ནང་ གོང་ཚད་ཡར་འཕར་གྱི་ ཚད་གཞི་དེ་ བརྒྱ་ཆ་ ༢༠༠ དེ་ཅིག་དང་ དབུལ་ཕོངས་ཀྱི་ དཀའ་ངལ་ཚད་གཞི་དེ་ བརྒྱ་ཆ་ ༤༠ གུ་ ལྷོད་དེ་ཡོདཔ་ལས་ ཁང་གླའི་མཐོ་ཚད་དང་ གཞུང་གི་མ་དངུལ་ལྷན་ཐབས་ཚུ་ ཆ་མེད་གཏང་ནི་ཨིན་པའི་ གསལ་བསྒྲགས་འབད་ནུག་ཟེར་ བཀོད་འདུག་པའི་གནས་ཚུལ།