ཨཕ་གྷན་གྱི་ ཨམ་སྲུ་ཚུ་ རྨགཔ་དང་གཅིག་ཁར་ ཡ་བྲལ་འབད་ནི་ལུ་ དབང་ཆ་མ་ཐོབ་པའི་གདོང་ལེན།

ཨཱལ་ཇ་ཟི་ར།
ཨཕ་གྷ་ནིཛ་ཏཱན་གྱི་ ཨམ་སྲུ་ཚུ་ ཧེ་མ་ལས་ རྨགཔ་དང་གཅིག་ཁར་ ཁ་བྱལ་ནི་གི་ དབང་ཆ་མ་ཐོབ་པར་ དུས་ཡུན་རིངམོ་སྦེ་ར་ ལཱ་ཁག་བཏང་པའི་ཤུལ་ལས་ ཏཱ་ལི་བཱན་ དབང་ཚད་ནང་ ལྷོད་ཞིནམ་ལས་ཚུར་ གནས་སྟངས་དེ་ ཧེང་སྐལ་ར་ སྐྱོ་དྲགས་སོང་ཡོདཔ་ཨིན་པས།
ཨཕ་གྷ་ནིཛ་ཏཱན་གྱི་ རྒྱལ་ས་ཀ་བཱུལ་ལུ་ ཨམ་སྲུ་ཚུ་གིས་ ངོ་རྒོལ་འགྲེམ་སྟོན་གྱི་ ཤོག་བྱང་ཚུ་འབག་སྟེ་ ཏཱ་ལི་བཱན་དང་འཐབ་མི་ ཧེ་མའི་ཨམ་སྲུ་དང་འབྲེལ་བའི་ བློན་པོ་འགྲེསཔ་ལུ་ དབང་ཆ་དགོ་པའི་སྐོར་ལས་ ཞུ་གཏུགས་འབད་ནུག།
སྐྱེས་ལོ་ ༣༢ འབད་མི་ ཨཕ་གྷན་གྱི་ ཨམ་སྲུ་ཅིག་གིས་ སྙིང་སྟོབས་སྐྱེད་དེ་ ན་ཧིང་གི་ལོ་ནང་ ཡ་བྲལ་འགྱོ་ནི་ཨིན་པའི་ གནད་དོན་སྐོར་ལས་ བྱང་ཤར་ཨཕ་གཱན་ལུ་ཡོད་མི་ ཁྲིམས་ཀྱི་འདུན་སར་ བཤེར་ཡིག་བཙུགས་ཡོདཔ་ཨིན་པས།
དེ་སྦེ་ བཤེར་ཡིག་བཙུགས་མི་དེ་ཡང་ རྨག་པ་གིས་ ཉིན་བསྟར་བཞིན་དུ་ དྲང་པ་གིས་མ་ཚད་པར་ ནུབ་མོར་ཡང་ ཨ་རྟག་ར་ དབང་བཙོང་འདོད་སྤྱོད་འབད་དེ་ ལོ་ ༤ དེ་ཅིག་ སོང་ཡི་ཟེར་ཨིནམ་ད་ ད་རུང་ དེ་སྦེ་ རྒྱབ་འགལ་འབདཝ་ཨིནམ་ ཤེས་པ་ཅིན་ ཁོ་གིས་ བརྡུང་རྫོབ་འབད་འོང་ཟེར་ བཤད་པའི་སྐོར་ལས་ བཀོད་འདུག་པའི་གནས་ཚུལ།