རོའི་ཊརཛ།
སྤྱི་ཟླ་ ༡༢ པའི་ཚེས་ ༩ ལུ་ ཨཕ་ག་ནིཛ་ཏཱན་གྱི་ ས་མཚམས་སྦོ་ལོགས་ཁར་ པ་ཀིཛ་ཏཱན་གྱི་ ནུབ་བྱང་ཁ་ཐུག་ལུ་ གཡིབ་དམག་ཚུ་གིས་ དམག་མི་ ༣ དང་ ཁྲིམས་སྲུང་འགག་པ་ ༣ དམར་བསད་ཡོདཔ་ཨིན་པས།
དེ་ཡང་ དུས་ཅི་ སྤྱི་ཟླ་ ༡༠ པའི་ནང་ ས་མཚམས་ཁར་ ཟིང་འཁྲུག་ལང་སྟེ་ མི་གྲངས་ ༡༠ དེ་ཅིག་ དམར་བསད་འབད་བའི་ཤུལ་ལས་ པ་ཀིཛ་ཏཱན་དང་ ཨཕ་གྷ་ནིཛ་ཏཱན་ ༢ ཀྱི་བར་ན་ ཞི་བདེ་བཞག་ནི་ལུ་ དཀའ་ངལ་སྦོམ་སྦེ་ར་བྱུང་ནུག།
གཡིབ་དམག་ཚུ་གིས་ པ་ཀིཛ་ཏཱན་གྱི་ ས་མཚམས་བདའ་སྟེ་ སྲུང་སྐྱོབ་དམག་མི་ཚུ་ལུ་ གནོདཔ་བཀལ་ནིའི་དོན་ལས་ ཨཕ་གྷ་ནིཛ་ཏཱན་གྱི་ ས་གཞི་ལག་ལེན་འཐབ་དོ་ཡོད་པའི་ ཁ་ཉེས་བཀལ་ཡོད་རུང་ ཨཕ་གྷ་ནིཛ་ཏཱན་གྱིས་ ངོས་ལེན་མ་འབད་བར་ཡོདཔ་ཨིན་པས།
དུས་ཅི་ སྤྱི་ཟླ་ ༡༠ པའི་ནང་ལས་ ཨཕ་གྷ་ནིཛ་ཏཱན་དང་ པ་ཀིཛ་ཏཱན་ ༢ དུས་ཡུན་རིངམོ་སྦེ་ མཐུན་ཕྱོགས་སྦེ་ སྡོད་པའི་ཤུལ་ལས་ བདུན་ཕྲག་ཧེ་མའི་ནང་ ཀྲོབ་མདའ་རྐྱབ་སྟེ་ མི་གྲངས་ ༥ དམར་བསད་འབད་ནུག་ཟེར་ བཀོད་འདུག་པའི་གནས་ཚུལ།
