སྲིད་དོན་གྱི་ འབྲེལ་ཟིང་་དང་གཅིག་ཁར་ མཐའ་ཡས་ལེན་གྱི་ དཔལ་འབྱོར་ལུ་ཉམས་ཆག།

རོའི་ཊརཛ།
མཐའ་ཡས་ལེན་གཞུང་གི་ཁ་ཐུག་ལས་ ལྷན་ཐབས་ལམ་རིམ་ཅིག་ འགོ་བཙུགས་ཡོད་རུང་ ཡུ་ཨེཛ་གིས་ ཚོང་ཟོག་ནང་འདྲེན་ལུ་ ཁྲལ་ཚད་མཐོ་དྲགས་སྦེ་ བཀལ་ཡོདཔ་ལས་ མཐའ་ཡས་ལེན་གྱི་ དཔལ་འབྱོར་ལུ་ ཐོ་ཕོག་ནི་བཟུམ་ཅིག་ཡོདཔ་ཨིན་པས།
དེ་ཡང་ ཤར་ལྷོ་ཨེ་ཤི་ཡའི་ནང་ དཔལ་འབྱོར་སྦོམ་ཚད་ ༢ པ་ཨིན་མི་ མཐའ་ཡས་ལེན་ལུ་ སྲིད་འབྲེལ་གྱི་ བྱ་སྟབས་མ་བདེཝ་ ཐོན་ཡོད་མི་དེ་གིས་ཡང་ དཔལ་འབྱོར་ལུ་ དོ་འགྲན་བྱུང་ཡོདཔ་སྦེ་བཀོད་ནུག།
དེ་གི་ནང་ལས་ ཚ་གྱང་སྦོམ་ཤོས་ར་ སྤྱི་ཟླ་ ༡༠ པའི་ཚེས་ ༡ ལས་ འགོ་བཙུགས་ནི་ཨིན་མི་ རྩིས་ལོ ༢༠༢༦ ལོའི་འཆར་དངུལ་ བྷཊ་ཐེར་འབུམ་ ༡༡༥ འབད་མི་དེ་ཨིནམ་ད་ དེ་ཡང་ ཤུལ་མའི་ཟླཝ་དག་པ་ཅིག་ནང་ སྤྱི་ཚོགས་ནང་ལས་ ཆ་འཇོག་འགྲུབ་དགོཔ་ཡོདཔ་ཨིན་པས།
འཆར་དངུལ་དེ་ ཆ་འཇོག་མ་འགྲུབ་པའི་ཧེ་མར་ སྤྱི་ཚོགས་ཆ་མེད་གཏང་པ་ཅིན་ བཙག་འཐུ་ལོག་འབད་དགོཔ་ལས་ དུས་ཚོད་ཁར་ འཆར་དངུལ་ཆ་འཇོག་ འགྲུབ་མི་ཚུགས་ནི་ཨིན་པས་ཟེར་ བཀོད་འདུག་པའི་གནས་ཚུལ།