དཔལ་ལྡན་འབྲུག་པའི་ ཆོས་ཀྱི་དབུ་ཁྲིད་དམ་པ་ སྐྱབས་རྗེ་རྗེ་མཁན་རིན་པོ་ཆེ་མཆོག་གིས་ ཧཱ་རྫོང་ཁག་གི་ འཛམ་གླིང་ཞི་བདེའི་ སྨོན་ལམ་ཆེན་མོ་ ཚོགས་ཐེངས་ ༢༥ པའི་ནང་ དབུ་བཞུགས་མཛད་གནངམ་ཨིན་པས།
དེ་ཡང་ རང་ཟླ་ ༦ པའི་ཚེས་ ༨ སྤྱི་ཟླ་ ༧ པའི་ཚེས་ ༢༢ ལས་ ཉིན་གྲངས་ ༨ ཀྱི་རིང་ལུ་ ཚོགས་གནང་པའི་བསྒང་ཡོད་མི་ སྨོན་ལམ་ཆེན་མོ་དེ་ བླ་སློབ་དང་ དགེ་སློང་ཞལ་གྲངས་ ༥༠༠ དེ་ཅིག་གིས་ གནང་དོ་ཡོདཔ་ད་ སྨོན་ལམ་ཆེན་མོ་དེ་ནང་ དད་ལྡན་མི་སེར་ ༥,༠༠༠ དེ་རེ་ཡང་ སྤུངས་འཛོམས་འབད་དོ་ཡོདཔ་སྦེ་ སྨོན་ལམ་ཚོགས་ཆུང་གི་འཐུས་མི་ བཙན་བཙན་རྡོ་རྗེ་གིས་ གསལ་བཤད་འབད་ཡི།
དེ་སྦེ་ སྨོན་ལམ་ཆེན་མོའི་ནང་ སྤུངས་འཛོམས་འབད་མི་ མི་སེར་ཚུ་ལུ་ཡང་ སྨོན་ལམ་ཚོགས་ཆུང་གི་ ཁ་ཐུག་ལས་ ཉིན་བསྟར་བཞིན་དུ་ དྲོ་པའི་གསོལ་ཇ་ལས་ འགོ་བཙུགས་ཏེ་ ཇ་ཐེངས་ ༥ རེ་དང་ ཉིན་མའི་གསོལཝ་ཚུ་ཡང་ དྲང་དོ་ཡོདཔ་ཨིན་པས།
སྨོན་ལམ་ཆེན་མོ་དེ་ རང་ཟླ་ ༦ པའི་ཚེས་ ༡༥ སྤྱི་ཟླ་ ༧ པའི་ཚེས་ ༢༩ ལུ་ སྐྱབས་རྗེ་རིན་པོ་ཆེ་མཆོག་གིས་ མགོན་པོ་འོད་དཔག་མེད་ཀྱི་ བཀའ་དབང་གནང་ཐོག་ལས་ འགྲོལ་གནང་ནི་ཨིན་པའི་གནས་ཚུལ།
