སིངྒ་པོར་ལུ་ སྲིད་འཛིན་བཙག་འཐུའི་ནང་ལས་ ཐར་མཱན་ཤཱན་མུ་ག་རཱཏ་ནམ་གྱིས་ རྒྱལ་ཁ་ཐོབ་ཡོདཔ།

བི་བི་སི།
སྤྱི་ཟླ་ ༩ པའི་ཚེས་ ༡ ལུ་ སིངྒ་པོར་གྱི་ སྲིད་འཛིན་བཙག་འཐུའི་ནང་ དོ་འགྲན་འབད་མི་ མི་ངོམ་ ༣ ལས་ བློན་པོ་བགྲེསཔ་ ཐར་མཱན་ཤཱན་མུ་ག་རཱཏ་ནམ་གྱིས་ ཚོགས་རྒྱུན་བརྒྱ་ཆ་ ༧༠.༤ ཐོབ་སྟེ་ བཙག་འཐུ་གྲུབ་ཡོདཔ་ཨིན་པས།
དེ་ཡང་ སིངྒ་པོར་གྱི་ མི་སེར་ཚུ་གིས་ ཐར་མཱན་དེ་ བློ་རིག་དང་ལྡན་པའི་ མི་ངོམ་ཅིག་དང་ སྲིད་དོན་གྱི་ ལཱ་འབད་མི་ དྲག་ཤོས་ཅིག་སྦེ་ བརྩི་དོ་ཡོདཔ་ལས་ ཟླཝ་དག་པ་ཅིག་གི་ཧེ་མ་ གཞུང་སྐྱོང་སྲིད་ཚོགས་ནང་ལས་ ཕྱིར་ཐོན་འབད་དེ་ སྲིད་འཛིན་བཙག་འཐུའི་ནང་ བཅའ་མར་གཏོགས་ནུག།
སྐྱེས་ལོ་ ༦༦ འབད་མི་ སྲིད་འཛིན་གསརཔ་དེ་གིས་ དངུལ་རྩིས་བློན་པོ་དང་ བློན་ཆེན་འོག་མའི་ གོ་གནས་འཆང་ཡོདཔ་ད་ འཛམ་གླིང་སྤྱི་ཚོགས་དང་ རྒྱལ་སྤྱི་དངུལ་འབྲེལ་ཚུ་ནང་ ལྷན་འཛིན་གྱི་ གོ་གནས་ཚུ་ཡང་ འཆང་ནུག་ཟེར་ བཀོད་འདུག་པའི་གནས་ཚུལ།