ཤྲཱི་ལངྐ་ལུ་ འབྲུག་པའི་གསོ་རིག་སློབ་ཕྲུག་ཅིག་གིས་ གཟེངས་ཐོན་གནས་རིམ།

ཤྲཱི་ལངྐ་ལུ་ ཇ་ན་རཱལ་ སཱར་ཇཱོན་ཀོ་ཊེ་ལ་ཝ་ལ་ སྲུང་སྐྱོབ་གཙུག་ལག་སློབ་སྡེའི་ནང་ སློབ་སྦྱོང་མཐར་འཁྱོལ་གྱི་ རྟེན་འབྲེལ་བརྩི་སྲུང་སྐབས་ལུ་ གསོ་རིག་མཐོ་རིམ་སློབ་ཕྲུག་ ཌོག་ཊར་བདེ་ཆེན་དབང་མོ་གིས་ གསེར་གྱི་རྟགས་མ་ ༩ ཐོབ་ནུག།
དེ་ཡང་ སྐྱེ་ལྡན་རྫས་སྦྱོར་དང་ གཟུགས་ཁམས་རིག་པ་ གཟུགས་ཀྱི་རིག་པ་ སྨན་རྫས་རིག་པ་ ཨ་ལོའི་སྨན་བཅོས་རིག་པ་ སེམས་ཁམས་རིག་པ་ དེ་ལས་ གསོ་རིག་མཐོ་རིམ་ཆོས་རྒྱུགས་ ༢ པ་དང་ མཐའ་དཔྱད་ཆོས་རྒྱུགས་ནང་ གྲུབ་འབྲས་དྲག་ཤོས་ ཐོན་པའི་ཁར་ གསོ་རིག་མཐོ་རིམ་ལས་རིམ་ནང་ཡང་ གྲུབ་འབྲས་དྲག་ཤོས་ ཐོན་ཡོདཔ་ཨིན་པས།
དེ་སྦེ་ གཙུག་ལག་སློབ་སྡེའི་ ཁ་ཐུག་ལས་ ཤེས་ཡོན་གཟེངས་ཐོན་གྱི་ རྟགས་མ་བྱིན་མི་དེ་ཚུ་ རྟགས་མཐོ་ཤོས་ཨིནམ་ད་ ཌོག་ཊར་བདེ་ཆེན་དབང་མོ་དེ་ མཐོ་རིམ་ཤེས་ཚད་ མཐར་འཁྱོལ་མི་ ༡,༧༣༢ ཀྱི་ནང་ལས་ ངོས་འཛིན་གྲུབ་ཡོད་པའི་གནས་ཚུལ།