རྒྱ་ནག་ལུ་ ཛི་ཇིན་པིང་གིས་ སྲིད་འཛིན་གྱི་ གནས་ཡུན་ཐེངས་ ༣ པའི་ རྒྱལ་ཁ་ཐོབ་ཡོདཔ།

རོའི་ཊརཛ།
རྒྱ་ནག་ལུ་ དབང་ཤུགས་ཆེ་བའི་འགོ་ཁྲིདཔ་ མའོ་ཟེ་དོང་གི་ཤུལ་ལས་ རྒྱ་ནག་གི་སྲིད་འཛིན་ ཛི་ཇིན་པིང་དེ་ དབང་ཤུགས་ཆེ་བའི་ སྲིད་འཛིན་ཅིག་ལུ་ གྱུར་ཡོདཔ་ད་ དེ་ཡང་ སྤྱི་ཟླ་ ༣ པའི་ཚེས་ ༡༠ ལུ་ སྲིད་འཛིན་གྱི་ ལོ་ལྔའི་གནས་ཡུན་ ཐེངས་གསུམ་པའི་ནང་ལས་ རྒྱལ་ཁབ་ཐོབ་ནུག།
སྐྱེས་ལོ་ ༦༩ འབད་མི་ ཛི་ཇིན་པིང་དེ་ རྒྱལ་ཡོངས་མི་སེར་ཚོགས་པ་ ནེ་ཤ་ནཱལ་པི་པཱལཛ་ ཀོང་གེ་རེཛ་གི་ སྤྱི་ཚོགས་ནང་ལས་ འཐུས་མི་ ༣,༠༠༠ མགྲིན་གཅིག་གི་ཐོག་ལས་ རྒྱ་ནག་གི་ སྲིད་འཛིན་སྦེ་ བཙག་འཐུ་གྲུབ་ཡོདཔ་ད་ དེ་བསྒང་ སྲིད་འཛིན་གྱི་དོན་ལས་ འདེམས་ངོ་གཞན་ ག་ཡང་མ་ཐོནམ་ཨིན་པས།
དེ་ལས་ ཉིན་གྲངས་ ༢ ཀྱི་ ནང་འཁོད་ལུ་ ལྷན་རྒྱས་གཞུང་ཚོགས་ནང་ གོ་གནས་མཐོ་ཤོས་ཚུ་གི་དོན་ལས་ མི་ངོམ་ཚུ་ བསྐོ་བཞག་འབད་ནི་དང་ འཛམ་གླིང་ནང་ དཔལ་འབྱོར་གྱི་ གནས་ཚད་ཨང་ ༢ པ་ཨིན་མི་ རྒྱ་ནག་གི་ འགོ་ཁྲིད་ཨང་ ༢ པ་སྦེ་ ལི་ཀི་ཡང་ཟེར་མི་ བསྐོ་བཞག་འབད་ནི་ཨིན་པས་ཟེར་ བཀོད་འདུག་པའི་གནས་ཚུལ།.