རྒྱ་ནག་གིས་ ཏཱ་ཡེ་ཝཱན་ལུ་ མི་ཛ་ཡེལ་ལག་ལེན།

བི་བི་སི།
ཨ་མི་རི་ཀའི་ སྤྱི་ཚོགས་ཀྱི་ཚོགས་དཔོན་ ཨམ་ནེན་སི་པེ་ལོ་སི་གིས་ ཏཱ་ཡེ་ཝཱན་རྒྱལ་ཁབ་ནང་ གཟིགས་སྐོར་གནང་པའི་ཤུལ་ལུ་ ཏཱ་ཡེ་ཝཱན་དམག་སྡེའི་ དམག་སྦྱོང་ས་ཁོངས་ཀྱི་ ཉེ་འདབས་ལུ་ རྒྱ་ནག་གིས་ མི་ཛ་ཡེལ་ཚུ་ ལག་ལེན་འཐབ་ནུག།
དེ་ཡང་ ཏཱ་ཡེ་ཝཱན་གྱི་ བྱང་ཤར་དང་ ལྷོ་ནུབ་མཚོ་འགྲམ་ཚུ་ནང་ མི་ཛ་ཡེལ་ ༡༡ བཏང་ཡོདཔ་སྦེ་ བཤད་པའི་ཁར་ རྒྱ་པཱན་གྱི་ གཙང་ཆུའི་ནང་ཡང་ མི་ཛ་ཡེལ་ ༥ བཏང་ཡོདཔ་ལས་ དེ་སྦེ་ བསྟར་སྤྱོད་འབད་ནི་ཚུ་ མཚམས་འཇོག་འབད་དགོ་པའི་སྐོར་ལས་ རྒྱ་པཱན་གྱིས་ བཤད་ཡོདཔ་ཨིན་པས།
འདི་བཟུམ་མའི་ གོ་མཚོན་ལག་ལེན་འཐབ་མི་དེ་ཡང་ རྒྱ་ནག་གིས་ ཁོང་གི་མངའ་འོག་ལུ་ཨིནམ་སྦེ་ རྩིས་འཇོག་འབད་མི་ མཚོ་གླིང་རྒྱ་ཁབ་ནང་ ཨ་མི་ཀའི་ཚོགས་དཔོན་ ཨམ་པེ་ལོ་སི་གིས་ གཟིགས་སྐོར་གནང་མི་ལུ་ གདོང་ལན་བཟུམ་ཅིག་སྦེ་ཨིན་པས་ཟེར་ བཀོད་འདུག་པའི་གནས་ཚུལ།