རྒྱ་གར་ནིའུ་དིལླི་གིས་ ཉེན་ཁ་ཡོད་པའི་ བཙོག་རླུང་གི་ དཀའ་ངལ་བསལ་ཐབས་ལུ་ ཆརཔ་ཕབ་ནི་གི་འཆར་གཞི།

རོའི་ཊརཛ།
འཛམ་གླིང་ནང་ བཙོག་རླུང་གི་ ཚད་གཞི་མཐོ་ཤོས་ཨིན་མི་ རྒྱ་གར་གྱི་རྒྱལ་ས་ ནིའུ་དིལླི་ལུ་ བདུན་ཕྲག་ ༡ གི་རིང་ལུ་ བཙོག་རླུང་གི་ དཀའ་ངལ་སྦོམ་སྦེ་ར་ བྱུང་སྟེ་ཡོདཔ་ལས་ རླུང་མའི་སྤུས་ཚད་ ལེགས་སྒྱུར་གྱི་དོན་ལུ་ ཆརཔ་བཟོ་ནི་གི་ འཆར་གཞི་བརྩམ་དོ་ཡོདཔ་ཨིན་པས།
དེ་བཟུམ་མའི་ འཆར་གཞི་བརྩམ་མི་དེ་ འགོ་དང་ཨིནམ་ད་ གནས་སྐབས་ཅིག་ སློབ་གྲྭ་ཚུ་ སྒོ་བསྡམས་པའི་ཁར་ བཟོ་བསྐྲུན་གྱི་ལཱ་ཚུ་ མཚམས་འཇོག་དང་ སྣུམ་འཁོར་བཀོལ་སྤྱོད་དེ་ཡང་ བཀག་དམ་འབད་ནི་ཨིན་པས།
ས་གནས་ཀྱི་ མཐའ་འཁོར་གནས་སྟངས་བློན་པོ་ གོ་པཱལ་རའི་གིས་ ཁྲིམས་དོན་གྱི་གནང་བ་དང་ གནམ་གཤིས་གནས་སྟངས་ཚུ་དང་བསྟུན་ཏེ་ ས་གནས་ཀྱི་དབང་འཛིན་ཚུ་གིས་ སྤྱི་ཟླ་ ༡༡ པའི་ཚེས་ ༢༠ ལས་ འགོ་བཟུང་སྟེ་ ཆརཔ་ཕབ་ཐབས་ཚུ་འབད་ནི་ཨིནམ་སྦེ་ བཤད་ཡོདཔ་ཨིན་པས།
དེ་ཡང་ ནིའུ་དིལླི་ལུ་ ལོ་བསྟར་བཞིན་དུ་ གནམ་དགུན་ཐོནམ་ད་ ལོ་ཐོག་བསྡུ་ཤུལ་གྱི་ རག་རོ་ཚུ་ མེ་བཏང་མི་དང་ སྣུམ་འཁོར་ དེ་ལས་ བཟོ་གྲྭ་དང་ བཟོ་བསྐྲུན་ཚུ་ལུ་བརྟེན་ཏེ་ རླུང་མའི་སྤུས་ཚད་ཚུ་ ཉམས་འགྱོ་དོ་ཡོདཔ་ཨིན་པས།
ཧེ་མར་ རྒྱ་ནག་དང་ ཨིན་ཌོ་ནེ་ཤི་ཡ་ མ་ལེ་ཤི་ཡའི་ རྒྱལ་ཁབ་ཚུ་ནང་ དེ་བཟུམ་མའི་ ཆརཔ་ཕབ་ཡོདཔ་ད་ དིལླིའི་མཐའ་འཁོར་ལས་ཁུངས་ཀྱིས་ གནམ་ས་སྨུག་ལུ་ འགྱུར་ནི་གི་ རྫས་སྦྱོར་ཚུ་གི་སྒོ་ལས་ རློན་གཤེར་ཡར་སེང་འབད་དེ་ ཆརཔ་ཕབ་ཐབས་འབད་ནི་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།