རྒྱ་གར་གྱི་ སྲུང་སྐྱོབ་དམག་མི་ཚུ་གིས་ མ་འོཛ་ངོ་ལོགཔ་ ༡༢ དེ་ཅིག་དམར་བསད།

ཨཱལ་ཇ་ཟི་ར།
ནིའུ་ལྡི་ལི་གིས་ ངོ་རྒོལ་འབད་མི་ཚུ་ བཀག་ཐབས་ལུ་ དུས་ཡུན་རིངམོ་སྦེ་ ལཱ་ཚུ་ཡར་སེང་འབད་མི་དང་བསྟུན་ཏེ་ རྒྱ་གར་གྱི་ སྲུང་སྐྱོབ་དམག་མི་ཚུ་གིས་ མ་འོཛ་ ངོ་ལོགཔ་ ༡༢ དེ་ཅིག་ དམར་བསད་འབད་ནུག།
དེ་ཡང་ སྤྱི་ཟླ་ ༡ པའི་ཚེས་ ༡༧ ལུ་ ཁྲིམས་སྲུང་འགག་སྡེ་གིས་ ངོ་ལོགཔ་ཚུ་གི་ དམག་སྒར་ལྟེ་བ་ཨིན་མི་ ཅ་ཏིཛ་སྒར་མངའ་སྡེའི་ བི་ཇ་པུར་རྫོང་ཁག་གི་ ནགས་ཚལ་ས་ཁོངས་ནང་ ངོ་ལོགཔ་ཚུ་ཡོད་པའི་ སྙན་ཞུ་ཐོབ་པའི་ཤུལ་ལས་ ངོ་ལོགཔ་ཚུ་དང་ ངོ་ཕྲད་ཐོག་ལུ་ འཐབ་འཛིང་འབདཝ་ད་ མ་འོཛ་ངོ་ལོགཔ་ ༡༢ ལུ་ ཤི་རྐྱེན་བྱུང་ཡི་ཟེར་ཨིན་པས།
ས་ཁོངས་དེ་ནང་ སྤྱི་ཟླ་ ༡ པའི་ཚེས་ ༡༦ གི་ ཕྱི་རོ་ལས་ ཁྲིམས་སྲུང་འགག་པ་ ༣,༠༠༠ དེ་ཅིག་ བཀོ་བཀྲམ་འབད་དེ་ བཏང་ཡོདཔ་ད་ རྒྱ་གར་གྱི་ ཧིན་དྷུཛ་ཏཱན་ཊ་ཡེམཛ་ཟེར་མི་ གསར་ཤོག་ནང་འབད་བ་ཅིན་ ངོ་ལོགཔ་ ༡༧ ལུ་ ཤི་རྐྱེན་བྱུང་ཡོདཔ་སྦེ་བཀོད་ནུག།
ག་དེ་སྦེ་ཨིན་རུང་ གཞུང་གི་ཁ་ཐུག་ལས་ སྤྱི་ལོ་ ༢༠༢༦ ལུ་ ངོ་ལོགཔ་ཚུ་ རྩ་མེད་གཏང་ནི་གི་ དམིགས་གཏད་བསྐྱེདཔ་ཨིན་པས་ཟེར་ བཀོད་འདུག་པའི་གནས་ཚུལ།