ར་ཤི་ཡའི་ཌཱོན་གྱིས་ ཡུ་ཀེ་རེན་གྱི་ སྣུམ་འཁོར་བཱཛ་ཅིག་ལུ་གནོད་འཚུབ།

བི་བི་སི།
སྤྱི་ཟླ་ ༤ པའི་ཚེས་ ༢༣ ལུ་ ར་ཤི་ཡའི་ གནམ་གྲུ་ཆུང་བ་ཌཱོན་གྱིས་ ཡུ་ཀེ་རེན་ལུ་ ལཱ་འབད་མི་ཚུ་ སྐྱེལ་འདྲེན་འབད་མི་ སྣུམ་འཁོར་བཱཛ་ཅིག་ལུ་ ཕོག་ཡོདཔ་ལས་ མི་ ༩ ལུ་ ཤི་རྐྱེན་དང་ ༣༠ དེ་ཅིག་ལུ་ རྨ་སྐྱོན་བྱུང་ཡོདཔ་ཨིན་པས།
དེ་འབདཝ་ལས་ ལཱོན་ཌཱོན་ལུ་སྦེ་ ཡུ་ཀེ་རེན་དང་ ར་ཤི་ཡའི་བར་ན་ དམག་འཁྲུག་མཚམས་འཇོག་གི་ གྲོས་བསྟུན་འབད་ནི་ཨིན་པའི་ནང་ ཡུ་ཨེཛ་གི་ ཕྱི་འབྲེལ་དྲུང་ཆེན་ མར་ཀོ་རུ་བི་ཨོ་དང་ དམིགས་བསལ་སྐུ་ཚབ་ སི་ཊེབ་ཝིཊ་ཀོཕ་ ༢ ཀྱིས་ ད་ལས་ཕར་ གྲལ་གཏོགས་མ་འབད་ནི་སྦེ་ བློ་ཐག་བཅད་ནུག།
ཡུ་ཨེཛ་གིས་ ར་ཤི་ཡ་དང་ ཡུ་ཀེ་རེན་ དེ་ལས་ ཡུ་རོབ་ཀྱི་ འགོ་དཔོན་ཚུ་དང་གཅིག་ཁར་ ཞི་བདེ་བཟོ་ནིའི་དོན་ལུ་ རང་རང་སོ་སོ་སྦེ་ གྲོས་བསྟུན་འབད་དོ་ཡོདཔ་ད་ དེ་ཡང་ ཡུ་ཀེ་དང་ ཕཱ་རནཛ་ ཇར་མ་ནི་ ཡུ་ཨེཛ་ དེ་ལས་ ཡུ་ཀེ་རེན་གྱི་ ཆེ་མཐོའི་འགོ་དཔོན་ཚུ་གི་བར་ན་ ལཱོན་ཌཱོན་ལུ་ཚོགས་མི་ ཞལ་འཛོམས་ནང་ ཕྱི་འབྲེལ་བློན་པོ་ཚུ་ མི་ཚུད་དོ་ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ།