ར་ཤི་ཡ་གིས་ ཡུ་ཀེ་རེན་ལུ་ ཕྱད་མདའི་གནམ་གྲུ་ཆུང་བ་ ཌཱོན་ལག་ལེན།

སི་ཨེན་ཨེན།
སྤྱི་ཟླ་ ༡༡ པའི་ཚེས་ ༢༥ ལུ་ ར་ཤི་ཡ་གིས་ ཡུ་ཀེ་རེན་གྱི་རྒྱལ་ས་ ཀི་ཡེབ་ལུ་ ཕྱད་མདའི་གནམ་གྲུ་ཆུང་བ་ ཌཱོན་ལེ་ཤ་ཅིག་ ལག་ལེན་འཐབ་ཐོག་ལས་ གནོད་འཚུབ་བཀལ་ནུག།
དེ་ཡང་ ར་ཤི་ཡ་གིས་ ཕྱོགས་ ༢ ལས་སྦེ་ གནམ་གྲུ་ཆུང་བ་ ཌཱོན་ ༧༥ དེ་ཅིག་ བཏང་མིའི་གྲས་ལས་ ༧༡ ཡུ་ཀེ་རེན་གྱི་ མཁའ་དབྱིངས་སྲུང་སྐྱོབ་ཀྱིས་ བཀག་ཚུགས་ཡོདཔ་ཨིན་པས།
དེ་བསྒང་ ཡུ་ཀེ་རེན་གྱིས་ མི་ཛ་ཡེལ་དང་ ཐབས་བྱུས་ཅན་གྱི་ མཁའ་དབྱིངས་ལས་དོན་ དེ་ལས་ གློག་ཐོག་ཕྱད་མདའ་ཚུ་ བཀག་ཐབས་འབད་མི་ སྡེ་ཚན་མ་འདྲཝ་ཚུ་གིས་ ར་ཤི་ཡའི་ གནམ་གྲུ་ཆུང་བ་ཚུ་གི་ གདོང་ལན་འབད་ནུག།
ཀི་ཡེབ་ལུ་ དེ་བཟུམ་མའི་ གནམ་གྲུ་ཌཱོན་ཚུ་ ལག་ལེན་འཐབ་སྟེ་ གནོད་འཚུབ་བཀལ་མི་དེ་ ཐེངས་ ༤ པ་ཨིནམ་ད་ དེ་བསྒང་ མི་ ༢ ལུ་ རྨ་སྐྱོན་བྱུང་ནུག་ཟེར་ བཀོད་འདུག་པའི་གནས་ཚུལ།