ཡུ་ཨེཛ་དམག་སྡེའི་ གནམ་གྲུ་ཅིག་ རྒྱ་པཱན་གྱི་ རྒྱ་མཚོའི་ནང་བུད་ཡོདཔ།

རོའི་ཊརཛ།
སྤྱི་ཟླ་ ༡༡ པའི་ཚེས་ ༢༩ ལུ་ ཡུ་ཨེཛ་དམག་སྡེའི་ མི་ ༨ འབག་མི་ གནམ་གྲུ་ཅིག་ རྒྱ་པཱན་གྱི་ ནུབ་ཕྱོགས་རྒྱ་མཚོའི་ནང་ བུད་སོངཔ་ལས་ མི་ ༡ ལུ་ ཤི་རྐྱེན་བྱུང་ནུག།
དེ་ཡང་ མི་ངོམ་ ༡ ཡ་ཀུ་ཤི་མ་ མཚོ་གླིང་ལས་ ཀི་ལོ་མི་ཊར་ ༣ དེ་ཅིག་གི་ ས་ཁ་ལས་ ཐོབ་ཡོདཔ་ད་ གཞན་མི་ ༣ ཉ་བཟུང་མི་ཚུ་གིས་ ཐོབ་ཡོདཔ་ད་ གནམ་གྲུ་ཐུག་རྐྱེན་དེ་ ཉིན་མའི་ཆུ་ཚོད་ ༣ དེ་ཅིག་ཁར་ བྱུང་ཡོདཔ་ད་ གནམ་གྲུ་མཐོང་མི་ཚུ་གིས་ གནམ་གྲུ་དེ་གི་ གཡོན་ཁ་ཐུག་གི་ འཕྲུལ་ཆ་ལས་ མེ་འབར་ཏེ་ཡོདཔ་ མཐོང་ཅི་ཟེར་བཤད་ནུག།
རྒྱ་པཱན་གྱིས་ཡང་ གནམ་གྲུ་ཨོཛ་པེ་རེ་ཟེར་མི་ཚུ་ ལག་ལེན་འཐབ་དོ་ཡོདཔ་ད་ ད་རེས་ དེ་བཟུམ་མའི་ གནམ་གྲུ་ལུ་ ཐུག་རྐྱེན་བྱུང་རུང་ ཁོང་གི་ཁ་ཐུག་ལས་ ལག་ལེན་འཕྲོ་རྒྱུན་གཅད་ནི་གི་ འཆར་གཞི་མེདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།