ཡུ་ཨེཛ་གི་མངའ་སྡེ་ ཕཱོལ་རི་ཌ་ལུ་ ཆར་ཆུ་དང་ རླུང་འཚུབ་ལུ་བརྟེན་པའི་ རྐྱེན་ངན་བསྐྱར་གསོ།

སི་ཨེན་ཨེན།
ཡུ་ཨེཛ་གི་མངའ་སྡེ་ ཕཱོལ་རི་ཌའི་ ནུབ་ཕྱོགས་མཚོ་འགྲམ་ལུ་ ཆར་ཆུ་དང་ རླུང་འཚུབ་ཀྱིས་ གནོད་ཉེན་སྦོམ་ར་ བྱུང་པའི་ཤུལ་ལས་ ཚ་དྲོད་མཐོ་དྲགས་ཡོད་པའི་ཁར་ གློག་མེ་ཡང་མེདཔ་ལས་ བསིལ་དྲོད་སྙོམས་འཕྲུལ་ཚུ་ ལཱ་འབད་བཏུབ་པའི་ གནས་སྟངས་ནང་ གནོད་སྐྱོན་བསྐྱར་གསོ་འབད་མི་ཚུ་ ལཱ་ཁག་བཏངམ་ཨིན་པས།
དེ་ཡང་ ཆར་ཆུ་དང་ རླུང་འཚུབ་ཀྱིས་ སྡོད་ཁྱིམ་སྟོང་ཕྲག་ལས་བཅད་མིའི་ནང་ གློག་མེ་བཀྲམ་སྤེལ་ཚུ་ མེདཔ་བཏང་ཡོདཔ་ད་ ཕཱོལ་རི་ཌའི་ མཚོ་འགྲམ་ལུ་ ལོ་ངོ་བརྒྱ་ ༡ གི་ དུས་ཡུན་ནང་ ད་རེས་ཀྱི་ ཆར་ཆུ་དང་ རླུང་འཚུབ་དེ་ ཤུགས་ཚད་མཐོ་ཤོས་ཅིག་ཨིན་པས།
སྤྱི་ཟླ་ ༩ པའི་ཚེས་ ༡ ལུ་ སྡོད་ཁྱིམ་དང་ ཚོང་ལཱ་ ༡༠༠,༠༠༠ དེ་ཅིག་ལུ་ གློག་མེ་མེད་པའི་ སྙན་ཞུ་ཡོདཔ་ལས་ བསྐྱར་གསོའི་ལས་དོན་ གཙོ་བོ་ར་ གློག་མེ་ལོག་སྟེ་ བཀྲམ་སྤེལ་འབད་ནི་དེ་ཨིན་པས།
ཆར་ཆུ་དང་ རླུང་འཚུབ་ ཨའི་ཌ་ལི་ཡ་ཟེར་མི་གིས་ སྡོད་ཁྱིམ་སྟོང་ཕྲག་ལས་བཅད་དེ་ མེདཔ་བཏང་ཡོདཔ་མ་ཚད་ འཁོར་ལམ་ཚུ་ལུ་ ཆུ་འཁྱིལ་ཏེ་ ཤིང་དེ་ཚུ་ཡང་ ར་སྤོག་བཏང་ནུག།
ད་རེས་ གནོད་སྐྱོན་བྱུང་ཡོད་མི་ ས་ཁོངས་ཚུ་ནང་ དྲོད་ཤུགས་མཐོ་དྲགས་སྦེ་ར་ གནས་ནི་ཨིནམ་བཟུམ་ཅིག་ཡོདཔ་ད་ སྤྱི་ཟླ་ ༩ པའི་ཚེས་ ༡ ལུ་ འབད་བ་ཅིན་ ཌི་གི་རི་ ༩༥ གུལུ་ གནས་ཏེ་ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ།