ཡུ་ཀེ་རེན་གྱི་ རྒྱལ་ཁབ་ནང་ ར་ཤི་ཡ་གིས་ མཁའ་དམག་ཐོག་ལས་གནོད་འཚུབ།

བི་བི་སི།
སྤྱི་ཟླ་ ༢ པའི་ཚེས་ ༧ གྱི་དྲོ་པར་ ར་ཤི་ཡ་གིས་ མི་ཛ་ཡེལ་ཚུ་གི་ཐོག་ལས་ ཡུ་ཀེ་རེན་གྱི་ རྒྱལ་ས་ཀི་ཡེབ་དང་ ཁྲོམ་སྡེ་གཞན་ཚུ་ནང་ གནོད་འཚུབ་བཀལ་མིའི་ནང་ མི་ངོམ་གཅིག་ལུ་ ཤི་རྐྱེན་དང་ གཞན་མི་དག་པ་གཅིག་ལུ་ རྨ་སྐྱོན་བྱུང་ནུག།
དེ་ཡང་ རྒྱལ་ས་ཀི་ཡེབ་ཀྱི་ ཁྲོམ་དཔོན་གྱིས་འབད་བ་ཅིན་ ར་ཤི་ཡའི་ མི་ཛ་ཡེལ་ ༡ ཕབ་བཏང་པའི་སྐབས་ལུ་ གློག་མེའི་བརྒྱུད་ཐག་ཚུ་ལུ་ ཕོག་པ་ལུ་བརྟེན་ཏེ་ རྒྱལ་ས་ལུ་སྡོད་མི་ བཟའ་ཚང་དག་པ་ཅིག་ར་ གློག་མེ་མེད་པར་ཡོད་ཟེར་ཨིན་པས།
དེ་མ་ཚད་ རྒྱལ་ཁབ་ཀྱི་ ལྷོ་ཕྱོགས་ཁྲོམ་སྡེ་ མི་ཀོ་ལ་ཡེབ་ལུ་ཡང་ ཕོ་སྐྱེས་ ༡ ལུ་ ཤི་རྐྱེན་བྱུང་ཡོདཔ་བཞིན་དུ་ མཁའ་དམག་ཐོག་ལས་ གནོད་འཚུབ་བཀལ་བའི་སྐོར་ལས་ དྲོ་པའི་ཆུ་ཚོད་ ༦ ལས་ར་ རྒྱལ་ཡོངས་ལུ་ ཉེན་བརྡ་འབད་ནུག།
རྐྱེན་ངན་དེ་ནང་ མངལ་སྦྲུམ་ཅན་གྱི་ ཨམ་སྲུ་ ༡ གིས་གཙོས་པའི་ མི་གྲངས་ ༩ ལུ་ རྨ་སྐྱོན་བྱུང་ནུག་ཟེར་ བཀོད་འདུག་པའི་གནས་ཚུལ།