ཡར་མཆོད་བཤམ་ཁྲ་མོར་འཕུལ་བའི་མར་མེ་འདི།

ཡར་མཆོད་བཤམ་ཁྲ་མོར་འཕུལ་བའི་མར་མེ་འདི། ཨའེ་རང་གི་མིག་ཁར་མེ་ཏོག་ཤར་བའི་ཚེ། སེམས་འོད་ཟེར་ཅན་ལུ་ཆགས་པའི་དབང་གིས་སྦེ། ཨའེ་རང་གཟུགས་མེ་གིས་འཚིག་དོ་ཕྱེམ་ལ་ང།༢
གཞའ་བཟུམ་སྦེ་ཤར་བའི་མི་ཚེའི་ནང། རོགས་ཚོས་གཞི་སོ་སོའི་གནས་སྟངས་ཚུ། ཧུ་་་ཧུ་་། ཨའེ་ཅོག་ར་འཐདཔ་སྦེ་མཐོངམ་ད་ལུ་། རང་གདམ་ཁ་རྐྱབ་ནིའི་མངོན་ཤེས་མེད། མངོན་ཤེས་མེད།
ཡར་གནམ་ཁའི་སྐར་མ་ཐོབ་པའི་རེ་བ་གིས། ཨའེ་རང་གི་རྩ་བར་ཡོད་པའི་ནོར་བུ་འབྱང། སེམས་བློ་འགྱོད་བསྐྱེད་ནི་དུས་ཚོད་ཐུང་ར་ཐུང། ཨའེ་མི་ཚེ་གཉིད་ལམ་བཟུམ་སྦེ་རྫོགསཔ་ད་ལུ།༢
ཕྱེམ་ལ་རང་གི་གཤོག་སྒྲོ་འདི། རོགས་ལས་ཀྱི་རླུང་གིས་གཡབ་པའི་ཚེ། ཧེ་་་ཧེ་་། རང་མི་ཆགས་མནོ་བའི་མནོ་བསམ་འདི། ཨའེ་གཏང་ནི་རང་དབང་མིན་འདུག་སྨོ། མིན་འདུག་སྨོ། ཁྱོད་མར་མེ་མུན་གསལ་ཨིན་རུང་རང། རང་དོན་ལུ་འཚིག་པའི་དགྲ་ལུ་འགྱུར་། དགྲ་ལུ་གྱུར།
སྐད་འཐེན་མི་ འཕྲིན་ལས་རྣམ་རྒྱལ།
གློག་བརྙན་ མར་མེ།