ཝེཊ་ནམ་རྒྱལ་ཁབ་ནང་ དམག་མཇུག་བསྡུ་སྟེ་ མི་ལོ་ ༥༠ འཁོར་བའི་ དུས་སྟོན་བརྩི་སྲུང་།

རོའི་ཊརཛ།
སྤྱི་ཟླ་ ༤ པའི་ཚེས་ ༣༠ ལུ་ ཝེཊ་ནམ་གྱི་ མི་སེར་ཁྲི་ཕྲག་ལས་བཅད་མི་ཚུ་གིས་ རྒྱལ་ཁབ་དེ་ནང་ དམག་མཇུག་བསྡུ་སྟེ་ མི་ལོ་ ༥༠ འཁོར་བའི་ དུས་སྟོན་བརྩི་སྲུང་ཞུ་ནུག།
དེ་ཡང་ ཧོ་ཅི་མིན་ ཁྲོམ་ཚོགས་ནང་ དམག་མི་སྟོང་ཕྲག་ལས་བཅད་མི་ཚུ་ རུ་སྒྲིག་ཐོག་ལས་ ར་ཤི་ཡ་གིས་ བཟོ་སྐྲུན་འབད་མི་ མཁའ་དམག་གནམ་གྲུ་ཚུ་དང་ གནམ་གྲུ་ཧེ་ལི་ཀོབ་ཊར་ཚུ་ འཕུར་འགྲུལ་འབད་དེ་ བརྩི་སྲུང་འབད་ཡོདཔ་མ་ཚད་ ཝེཏ་ནམ་མི་སེར་ཚུ་གིས་ཡང་ རྒྱལ་དར་དམརཔོ་གཡུག་སྟེ་ རྒྱལ་གླུ་ཚུ་ འཐེན་ཡོདཔ་ཨིན་པས།
དེ་བཟུམ་མའི་ རྒྱལ་རབས་ཅན་གྱི་ དུས་སྟོན་བརྩི་སྲུང་ཞུ་མི་དེ་ སྤྱི་ལོ་ ༡༩༧༥ སྤྱི་ཟླ་ ༤ པའི་ཚེས་ ༣༠ ལུ་ དམངས་གཙོའི་རིང་ལུགས་ཀྱིས་ རྒྱུན་སྐྱོང་འཐབ་མི་ བྱང་ཝེཏ་ནམ་ལུ་ ཡུ་ཨེཛ་གིས་ རྒྱབ་སྐྱོར་ཐོག་ལས་ དབང་བཟུང་འབད་མི་ ལྷོ་ཕྱོགས་ཀྱི་རྒྱལ་ས་ སཱའི་གཱོན་དེ་ དམག་འཁྲུག་མཇུག་བསྡུ་བའི་ཤུལ་ལས་ བྱང་ཕྱོགས་གཞི་བཙུགས་འབད་མི་ འགོ་ཁྲིདཔ་གི་ གུས་བཏུད་ལུ་ ཧོ་ཅི་མིན་ཁྲོམ་སྡེ་སྦེ་ མིང་གསརཔ་བཏགས་ནུག་ཟེར་ བཀོད་འདུག་པའི་གནས་ཚུལ།